Flexi ခေါ်ယူအပ်ငွေစာရင်း 

အတိုးနှုန်း ၆% p.a. မှ စတင်ပေးအပ်သွားမည့် ခေါ်ယူအပ်ငွေစာရင်းဖြင့် လူကြီးမင်း အပ်နှံထားသောငွေကို လွယ်ကူစွာ စီမံခန့်ခွဲပြီး တိုးပွားစေလိုက်ပါ။ တစ်ဦးတည်းဖြစ်စေ၊ ပူးတွဲ ငွေစာရင်းဖွင့်ထားသူဖြစ်စေ၊ စီးပွားရေးလုပ်ငန်းသုံး ဖြစ်စေ စာရင်းရှင်စာရင်းမှ ရရှိသည့် အကျိုးခံစားမှုအတိုင်းရရှိနိုင်ပြီး အတိုးနှုန်းလည်း ရရှိခံစားနိုင်မည်ဖြစ်သည်။  

မြန်မာကျပ်ငွေ တစ်သောင်းမှ စတင်ပြီး နေ့စဉ်အတိုးနှုန်း တွက်ချက်ပေးမည် ဖြစ်ပါသည်။

ရိုးမဘဏ် ဖွင့်ချိန်အတွင်း ငွေသွင်း၊ ငွေထုတ်ခြင်းများကို အကြိမ်အရေအတွက် အကန့်အသတ်မရှိ  ဆောင်ရွက်နိုင်ပါသည်။ ငွေသွင်းမှုများကို ဘဏ်ခွဲများတွင်သာ ဆောင်ရွက်နိုင်ပါသည်။ ATM စက်များကို သတ်မှတ်ထားသော စည်းမျဉ်းစည်းကမ်းများအတိုင်း အသုံးပြုနိုင်ပါသည်။

Flexi ခေါ်ယူအပ်ငွေစာရင်း အားအသုံးပြု၍ ရိုးမဘဏ်နှင့် အခြားပြည်တွင်း ဘဏ်အကောင့်များသို့ ငွေလွှဲနိုင်ပါသည်။ Flexi ခေါ်ယူအပ်ငွေစာရင်း နှင့် Flexi Everyday စာရင်းရှင်စာရင်း အချင်းချင်းသို့ ဘဏ်ခွဲမှဖြစ်စေ၊ Online Banking မှဖြစ်စေ၊ Yoma Bank Mobile Banking Application မှဖြစ်စေ ငွေလွှဲခြင်း ပြုလုပ်နိုင်ပါသည်။ 

စာရင်းပိုထုတ်ချေးငွေယူထားပါက Flexi ခေါ်ယူအပ်ငွေစာရင်းမှ စာရင်းရှင်စာရင်းသို့ အလိုအလျောက် ငွေလွှဲနိုင်ပါသည် (Flexi ခေါ်ယူအပ်ငွေစာရင်း မှ စာရင်းရှင်သို့ လွှဲနိုင်ပြီး စာရင်းရှင်မှ Flexi ခေါ်ယူအပ်ငွေစာရင်း သို့ ငွေလွှဲခြင်း မပြုလုပ်နိုင်ပါ)။  

နေ့စဉ် ငွေစာရင်းအသုံးပြုမှုနှင့် ငွေစာရင်း အဝင်အထွက်များ၏ အသေးစိတ်ဘဏ်စာရင်းရှင်းတမ်းကို ရယူနိုင်ပါသည်။ 

ငွေစုစာအုပ်ကို တောင်းဆိုချက်အရ ထုတ်ပေးနိုင်ပါသည်။

*အတိုးနှုန်းကို နေ့စဉ်တွက်ချက်ပြီး လစဉ်ပေးအပ်သွားမည်ဖြစ်သည်။