menu

JZü customer များအား အကြောင်းကြားခြင်း 

JZü နှင့် ၄ နှစ်တာ လက်တွဲခဲ့ကြသည့် Customer များအား အထူးကျေးဇူးတင်ရှိပါသည်။ Customer များ၏ လိုအပ်ချက်အပေါ်အခြေခံ၍ အပ်ငွေစာရင်းအမျိုးအစားများကို ပိုမိုကောင်းမွန်စွာ ထိန်းသိမ်းထားရှိနိုင်ရန်အတွက် ဇူလိုင်လ (၁) ရက်နေ့ တွင်  JZü အပ်ငွေစာရင်းအား ရပ်နားပါတော့မည်။ ၎င်းနေ့မှစတင်၍ JZü အပ်ငွေစာရင်းသို့ ငွေလွှဲပြောင်းမှုများကို လက်ခံတော့မည်မဟုတ်ပါ။  

JZü Customer များအနေဖြင့် မိမိတို့ JZü အပ်ငွေစာရင်းရှိ စုငွေများကို Yoma Bank Mobile Banking Application ကို အသုံးပြု၍ နှစ်စဉ် အတိုးနှုန်း ၅% ရရှိသော ငွေစုဘဏ်အပ်ငွေစာရင်း ထဲသို့လည်းကောင်း၊ နှစ်စဉ် အတိုးနှုန်း ၇.၅% မှ ၈.၅ % အထိ ရရှိနိုင်မည့် စာရင်းသေအပ်ငွေစာရင်း ဖွင့်လှစ်ခြင်းဖြင့်လည်းကောင်း ဇွန်လ၊ (၃၀) ရက်နေ့ နောက်ဆုံးထား၍ လုပ်ဆောင်နိုင်ပါကြောင်း အသိပေးအပ်ပါသည်။ အပ်ငွေစာရင်းပြောင်းလဲပြီးပါက ၎င်းအပ်ငွေစာရင်းများ၏ စည်းမျဉ်းစည်းကမ်းများအတိုင်း အကျုံးဝင်ပါမည်။  

အကယ်၍ လူကြီးမင်းတို့၏ အစီအစဉ်ဖြင့် အပ်ငွေစာရင်း လွှဲပြောင်းခြင်း မပြုလုပ်ပါက ဇူလိုင်လ (၁) ရက်မှစတင်ပြီး JZü စာရင်းရှိ စုငွေများကို ရိုးမဘဏ်ရှိ Customer များ၏ ငွေစုဘဏ်အပ်ငွေစာရင်း (သို့) Smart အကောင့်များသို့ အလိုအလျောက် ရွှေ့ပြောင်းပေးသွားပါမည်။

အသေးစိတ်သိရှိလိုပါက ရိုးမဘဏ်၏ Call Center ၉၆၆၂ (သို့) ၀၉၇ ၉၆၆၂ ၉၆၆၂ နှင့် ရိုးမဘဏ်၏ Facebook Page Messenger သို့ ဆက်သွယ် မေးမြန်းနိုင်ပါသည်။  

ဤစာမျက်နှာသည် အောက်တိုဘာလ (၁) ရက်နေ့ အထိသာ နောက်ဆုံး ကြည့်ရှုနိုင်ပါမည်။

မေးလေ့မေးထရှိသော မေးခွန်းနှင့်အဖြေများ

ရိုးမဘဏ်မှ မည်သည့် အကြောင်းကြောင့် JZü စာရင်းအား ရပ်နားရပါသနည်း။

keyboard_arrow_down
Customer များ၏လိုအပ်ချက်အပေါ် အခြေခံ၍ ရိုးမဘဏ်ရှိ အပ်ငွေစာရင်းအမျိုးအစားများကို စိစစ်ပြီး  JZü စာရင်းကို ရပ်နားရခြင်း ဖြစ်ပါသည်။ ပိုမိုကောင်းမွန်သော ဝန်ဆောင်မှုများအားလည်း ဆက်လက် မိတ်ဆက်သွားမည်ဖြစ်ပါသည်။  

JZü စာရင်း ပိတ်ပြီးနောက် JZü စာရင်း၏ လက်ကျန်ငွေများကို မည်သို့ စီစဉ်လုပ်ဆောင်ပေးမည်နည်း။

keyboard_arrow_down
ဇူလိုင်လ (၁) ရက် မတိုင်မီ Customer များကိုယ်တိုင် Yoma Bank Mobile Banking Application ကို အသုံးပြုကာ Flexi ၊ Flexi Everyday နှင့်  Super Fixed အကောင့်များ မှလွဲ၍ အခြားသာ မိမိနှစ်သက်ရာ  ရိုးမဘဏ်အကောင့်များသို့ လွှဲပြောင်းနိုင်ပါတယ်။ 
ဇူလိုင်လ (၁) ရက် ကျော်လွန်ပါက ငွေစုဘဏ်အပ်ငွေစာရင်း ထဲသို့ လည်းကောင်း၊ ငွေစုဘဏ်အပ်ငွေစာရင်း မရှိလျှင် Smart အကောင့် ထဲသို့လည်းကောင်း ဘဏ်မှ အလိုအလျောက် စာရင်းပြောင်းရွှေ့ထည့်သွင်းပေးမည် ဖြစ်ပါသည်။

JZü စာရင်း၏ လက်ကျန်ကို ငွေသားပြန်ထုတ်လိုပါက မည်သို့လုပ်ဆောင်ရမည်နည်း။

keyboard_arrow_down
လက်ရှိငွေသားထုတ်ယူမှု စည်းမျဉ်းစည်းကမ်းများနှင့်အညီ ဆောင်ရွက်ပေးပါမည်။ 

JZü စာရင်း ဖွင့်ခဲ့သည့် ဘဏ်ခွဲကိုသွားရောက်မှ ငွေသား သွားရောက်ထုပ်ယူနိုင်မည်လား။

keyboard_arrow_down
JZü စာရင်း ဖွင့်ခဲ့သည့် ဘဏ်ခွဲကိုသွားရောက် ထုတ်ယူရန်မလိုပါ။ နီးစပ်ရာဘဏ်ခွဲတွင် လက်ရှိငွေသားထုတ်ယူမှု  စည်းမျဉ်းစည်းကမ်းများနှင့်အညီ ဆောင်ရွက်ပေးပါမည်။  

JZü စာရင်းပိတ်လိုက်သည်ကို Customer မှ မသိဘဲ JZü စာရင်းသို့ ငွေလွှဲမိပါက လွှဲလိုက်သည့် ငွေများသည် မည်သို့ဖြစ်သွားမည်နည်း။

keyboard_arrow_down
JZü စာရင်းပိတ်ပြီးမှ ငွေလွှဲလိုက်ပါက "Account is closed” message ပေါ်လာမည် ဖြစ်ပြီး ငွေလွှဲနိုင်မည် မဟုတ်ပါ။ 

JZü စာရင်းပိတ်ပြီး ဘဏ်မှ အလိုအလျောက် အခြားအကောင့်ထဲသို့ ထည့်သွင်းပေးပါက သိသာစေရန် မည်သည့် Transaction အမည်ဖြင့် ထည့်သွင်းပေးမည်နည်း။

keyboard_arrow_down
Customer များ သိသာစေရန် “JZü remaining balance transfer” ဟူသော Transaction အမည်ဖြင့် ထည့်သွင်းပေးပါမည်။