Leadership Team
U Ba Maung Sein : Chief Executive Officer
ကိုယ်ရေးအချက်အလက် : ဦးဘမောင်စိန်သည် အမှုဆောင်အရာရှိချုပ် (CEO) အဖြစ် ၂၀၂၃ ခုနှစ်၊ မတ်လမှစတင်၍ တာဝန်ယူခဲ့ပါသည်။ ၎င်းသည် ရိုးမဘဏ်သို့ ၂၀၁၄ ခုနှစ်တွင် စတင်ဝင်ရောက်ခဲ့ပြီးနောက် CEO ရာထူးမတိုင်မီ Chief Operation Officer ၊ Head of Branch Banking ၊ Head of Credit Risk နှင့် Deputy Head of Corporate Credit ရာထူးတာဝန်များကို ထမ်းဆောင်ခဲ့ပါသည်။ ဦးဘမောင်စိန်သည် အသက်မွေးဝမ်းကျောင်း အလုပ်အကိုင်အနေဖြင့် Underwriter အဖြစ် စတင်ခဲ့ပြီး အမေရိကန်နှင့် ကနေဒါနိုင်ငံများရှိ Insurance ၊ Retail ၊ Manufacturing နှင့် Information Technology လုပ်ငန်းကဏ္ဍအသီးသီးတွင် Operation ၊ ဘဏ္ဍာရေးနှင့် အတိုင်ပင်ခံရာထူးများကို တာဝန်ယူဆောင်ရွက်ခဲ့ပါသည်။ ၎င်းသည် အမေရိကန်နိုင်ငံ၊ The University of Texas at Austin မှ Bachelor of Business Administration in Finance နှင့် ကနေဒါနိုင်ငံ McGill University မှ Master of Business Administration ဘွဲ့များကို ရရှိထားပါသည်။
Daw Ommar Sein : Senior Advisor and Chief Compliance Officer
ကိုယ်ရေးအချက်အလက် : ဒေါ်ဥမ္မာစိန်သည် ရိုးမဘဏ်သို့ ၂၀၁၄ ခုနှစ်စက်တင်ဘာလတွင် စတင်ဝင်ရောက်ခဲ့ပြီး လက်ရှိတွင် Senior Advisor and Chief Compliance Officer အဖြစ် ဆောင်ရွက်လျက်ရှိသည်။ ရိုးမဘဏ်မတိုင်မီ သူမသည် မြန်မာနိုင်ငံတော်ဗဟိုဘဏ် (CBM) ၏ သုတေသနနှင့် သင်တန်းဌာနတွင် ပါဝင်လုပ်ဆောင်ခဲ့ပါသည်။ CBM တွင် သူမသည် စာရင်းအင်းလက်ထောက်အနေဖြင့် ပထမဆုံး ၀င်ရောက်ခဲ့ပြီး ၂၀၁၀ ပြည့်နှစ်တွင် အငြိမ်းစားယူသည်အထိ (၃၈) နှစ်ကျော် တာဝန်ထမ်းဆောင်ခဲ့သည်။ ၁၉၉၆ ခုနှစ်မှ ၁၉၉၈ ခုနှစ် (၂) နှစ်တာကာလတွင် IMF ရှိ SEAV အုပ်စု၏ အမှုဆောင်ဒါရိုက်တာ၏ အကြီးတန်းအကြံပေးအဖြစ် ဆောင်ရွက်ခဲ့ပါသည်။ သူမသည် စီးပွားရေးတက္ကသိုလ်မှ B.Econ (MS) ဘွဲ့ရရှိထားသည်။ သူမသည် နှစ်ကာလများစွာ စီးပွားရေးတက္ကသိုလ်နှင့် အမျိုးသား ကာကွယ်ရေးကောလိပ်အပါအ၀င် အခြားသော တက္ကသိုလ်များတွင် သင်ကြားပို့ချမှုများ ပြုလုပ်ခဲ့ပြီး သုတေသစာတမ်းများစွာကို ရေးသားခဲ့သည်။ ပြည်တွင်းနှင့် နိုင်ငံတကာ ညီလာခံများနှင့် ဖိုရမ်များတွင် ဗဟိုဘဏ်ကို ကိုယ်စားပြု ပါဝင်ခဲ့သည်။ သူမသည် ၂၀၀၂ခုနှစ် ငွေကြေးခဝါချမှုထိန်းချုပ်ရေးဥပဒေကို ရေးဆွဲသော မူကြမ်းရေးဆွဲရေး ကော်မတီဝင် တစ်ဦးလည်း ဖြစ်ပါသည်။
Daw Khin Mu Mu Myint : Chief Consumer Banking Officer
ကိုယ်ရေးအချက်အလက် : ဒေါ်ခင်မူမူမြင့်သည် ကုန်သွယ်မှုဆိုင်ရာ ဘဏ်လုပ်ငန်း၊ ဗျူဟာမြောက် မိတ်ဖက်မှု၊ ကော်ပိုရေးရှင်း ဖွံ့ဖြိုးတိုးတက်မှု၊ ထုတ်ကုန် ဖွံ့ဖြိုးတိုးတက်မှု၊ ဘဏ္ဍာရေးဆိုင်ရာ စီမံခန့်ခွဲမှု၊ Fortune 100 နှင့် ပုဂ္ဂလိကပိုင် ကုမ္ပဏီများအတွက် မဟာဗျူဟာမြောက် မိတ်ဖက်မှု၊ ကော်ပိုရေးရှင်း အုပ်ချုပ်မှုနှင့် စက်မှုလုပ်ငန်း အမျိုးမျိုးမှ ပုဂ္ဂလိက ကုမ္ပဏီများအတွက် ပြန်လည်ပြုပြင်ခြင်းနှင့် ပြောင်းလဲခြင်းအတွက် နှစ်ပေါင်း (၂၀) ကျော် အတွေ့အကြုံရှိသော အောင်မြင်သည့် အကြီးတန်း အမှုဆောင်တစ်ဦး ဖြစ်သည်။ သူမသည် Chief Consumer Banking Officer ရာထူးဖြင့် မြန်မာနိုင်ငံတစ်ဝန်းရှိ ရိုးမဘဏ်ခွဲပေါင်း (၈၀) ကျော်မှ ဘဏ်ဝန်ထမ်းပေါင်း (၂,၀၀၀) ကျော်ကို ဦးဆောင်နေသူ ဖြစ်ပါသည်။ လက်ရှိရာထူး မတိုင်မီတွင် သူမသည် Chief Business Banking Officer ရာထူးဖြင့် ရိုးမဘဏ်သည် မြန်မာနိုင်ငံရှိ စီးပွားရေး လုပ်ငန်းများအတွက် အရေးပါသည့် ဘဏ်တစ်ခုဖြစ်လာစေရန် မဟာဗျူဟာရေးဆွဲရာတွင် အဓိက လုပ်ဆောင်ခဲ့ပါသည်။ ထို့ပြင် ရိုးမဘဏ်၏ ကူးသန်းရောင်းဝယ်ရေးနှင့် အပြည်ပြည်ဆိုင်ရာဘဏ်လုပ်ငန်းဌာနခွဲကို တည်ထောင်ရာတွင် ပါဝင်ခဲ့ပြီး၊ ဆက်စပ်ထုတ်ကုန်များနှင့် ဝန်ဆောင်မှုများ ဖွံ့ဖြိုးတိုးတက်ရေးအပါအဝင် ဘဏ်တွင် လုပ်ငန်းခွဲများစွာကို အောင်မြင်စွာ စတင်တည်ထောင်ရာတွင်လည်း တစ်တပ်တစ်အား ပါဝင်ခဲ့ပါသည်။ ထိုမတိုင်မီက သူမသည် ထင်ရှားသော အမေရိကန် အဖွဲ့အစည်းများဖြစ်သည့် Freddie Mac, World Bank, Citi Group, JP Morgan နှင့် Prudential Insurance နှင့် အခြား ပြည်တွင်းလုပ်ငန်းစုကြီးများတွင်လည်း တာဝန်ထမ်းဆောင်ခဲ့ပါသည်။
Mr. Loh Ngik Ming : Chief Business Banking Officer
ကိုယ်ရေးအချက်အလက် : Mr. Loh Ngik Ming @ Gerald သည် Commercial နှင့် Corporate Banking တွင် နှင့် ချေးငွေဆိုင်ရာ စီမံခန့်ခွဲခြင်း ရာထူးများတွင် client relationships, credit management အပါအဝင် ကွဲပြားသောနယ်ပယ်များရှိ စာရင်းဝင်ကုမ္ပဏီများနှင့် စာရင်းမဝင်ရသေးသော ကုမ္ပဏီများအတွက် commercial transactions များစသည့်တာဝန်များကို တရုတ်နိုင်ငံအခြေစိုက် မလေးရှားဘဏ်များ၊ နယူးဇီလန်ဘဏ်များနှင့် စင်ကာပူဘဏ်တွင် နှစ်ပေါင်း (၂၀) ကျော် အတွေ့အကြုံရှိသူ တစ်ဦးဖြစ်ပါသည်။ လုပ်ငန်းရည်မှန်းချက်များစွာကို အောင်မြင်စွာဦးဆောင်နိုင်ခဲ့သည့်အပြင် အဖွဲ့များ၏ အရေးပါသောလုပ်ငန်းစွမ်းဆောင်ရည်များကို ဦးဆောင်ပုံဖော်ကာ အားကောင်းလာစေခဲ့ပါသည်။ ရိုးမဘဏ်သို့ မဝင်ရောက်မှီ တရုတ်နိုင်ငံရှိ CIMB Bank Berhad တွင် Head of Corporate Banking China အဖြစ် တာဝန်ထမ်းဆောင်ခဲ့ပါသည်။ လက်ရှိရာထူးဖြစ်သည့် Chief Business Banking Officer အဖြစ် Corporate Banking၊ SME Banking၊ Lending Support နှင့် Working Capital Solutions လုပ်ငန်းများကို ဦးဆောင်လုပ်ကိုင်လျက်ရှိပါသည်။ ၎င်းသည် Victoria University of Wellington မှ Bachelor of Commerce & Administration (Accountancy & Information Systems) နှင့် နယူးဇီလန်နိုင်ငံရှိ Auckland University of Technology မှ Graduate Diploma in Business (Corporate Finance) တို့ကို ရရှိထားသည်။ ထို့ပြင် Moody’s Omega Performance မှ credit-certified ရရှိထားသူဖြစ်ပြီး Certified Trade Finance Professional မှ အသိအမှတ်ပြုထားသူလည်း ဖြစ်ပါသည်။
Mr. Anthony Tan : Chief Risk Officer
ကိုယ်ရေးအချက်အလက် : Mr. Anthony Tan သည် ဝါရင့် အပြည်ပြည်ဆိုင်ရာ ဆုံးရှုံးနိုင်ခြေစီမံခန့်ခွဲရေး အလုပ်အမှုဆောင်တစ်ဦးဖြစ်ပြီး ဆုံးရှုံးနိုင်ခြေစီမံခန့်ခွဲရေးဆိုင်ရာ အရာရှိချုပ် (Chief Risk Officer) အဖြစ် ၂၀၂၀ ပြည့်နှစ် ဇွန်လတွင် ရိုးမဘဏ်သို့ ဝင်ရောက်ခဲ့ပါသည်။ အာရှဒေသရှိ ကူးသန်းရောင်းဝယ်ရေးဆိုင်ရာ ဘဏ်လုပ်ငန်းများမှရရှိခဲ့သော မဟာဗျူဟာမြောက် ဆုံးရှုံးနိုင်ခြေစီမံ ခန့်ခွဲမှုနည်းပညာများကို ဘဏ်သို့ ယူဆောင်လာခဲ့သူလည်း ဖြစ်ပါသည်။ ရိုးမဘဏ်သို့ မဝင်ရောက်မီ အာရှ၊ ပစိဖိတ်နှင့်အပြည်ပြည်ဆိုင်ရာ ဘဏ္ဍာရေး စင်တာများတွင် ထင်ရှားသောကွန်ရက်ရှိသည့် ANZ သြစတြေးလျဘဏ်နှင့်အတူ (၁၇) နှစ်ကျော် အတွေ့အကြုံရှိခဲ့ပြီး၊ စီမံကိန်းဘဏ္ဍာရေး၊ ဝယ်ယူမှုဘဏ္ဍာရေး၊ ပို့ကုန်ဘဏ္ဍာရေးနှင့် ပိုင်ဆိုင်မှုဆိုင်ရာဘဏ္ဍာရေးတို့ကို မြှင့်တင်နိုင်ရေး အစရှိသည့်ရှုပ်ထွေးသော ချေးငွေဆိုင်ရာကိစ္စရပ်များအတွက် တာဝန်ယူဆောင်ရွက်ခဲ့ပါသည်။ ထို့အပြင် သူသည် သြစတြေးလျ၊ စင်္ကာပူ၊ ဖိလစ်ပိုင်၊ ဗီယက်နမ်နှင့်အင်ဒိုနီးရှား အစရှိသည့် ဈေးကွက်အများအပြားတွင် ဆုံးရှုံးနိုင်ခြေကို စီမံခန့်ခွဲသည့် အကြီးတန်း ရာထူးတာဝန်များကို ထမ်းဆောင်ခဲ့ပြီး၊ သူ၏ အဓိကစီမံကိန်းများမှာ ရည်ရွယ်ထားသောဘဏ်များကို M&A Due Diligence လုပ်ခြင်း၊ ဝယ်ယူထားသော စီးပွားရေးလုပ်ငန်းများကို ပေါင်းစည်းခြင်း၊ ဈေးကွက်သစ်များတွင် Consumer Finance Risk Management ကို မိတ်ဆက်ခြင်း၊ Leading Country Basel အကောင်အထည်ဖော်သည့်အစီအစဉ်တို့ဖြစ်ပါသည်။
Daw Nang Khin Khin Gyi : Chief People Officer
ကိုယ်ရေးအချက်အလက် : ဒေါ်နန်းခင်ခင်ကြီးသည် ရိုးမဘဏ်သို့ ၂၀၁၆ ခုနှစ်၊ စက်တင်ဘာလတွင် ဝင်ရောက်ခဲ့ပြီး၊ လက်ရှိတွင် Chief People Officer အဖြစ် တာဝန်ထမ်းဆောင်လျက် ရှိပါသည်။ မြန်မာပြည်သို့ ပြန်၍ ရိုးမဘဏ်သို့ မဝင်ရောက်မီ သူမသည် Internal Auditor အဖြစ် United States တွင် (၁၀)နှစ်ကျော် လုပ်ကိုင်ခဲ့ပါသည်။ သူမသည် Massachusetts အခြေစိုက် Alere Inc အတွက် Global Corporate Internal Audit Manager အဖြစ် လုပ်ကိုင်ခဲ့သည်။ Alere မတိုင်မီက သူမသည် Massachusetts ပြည်နယ် Waltham တွင် အခြေစိုက်သည့် Fortune 500 ကုမ္ပဏီ Thermo Fisher Scientific တွင်လည်း အလုပ်လုပ်ခဲ့ပါသည်။ သူမသည် COSO Framework ၏ ဌာနတွင်း ထိန်းချုပ်မှုများ၊ ဆုံးရှုံးနိုင်ခြေ စီမံခန့်ခွဲမှု၊ ဘဏ္ဍာရေး စာရင်းစစ်ခြင်း၊ လိုက်နာကျင့်သုံးမှု စစ်ဆေးခြင်း၊ သတင်းအချက်အလက် နည်းပညာ စစ်ဆေးခြင်း၊ လုပ်ငန်းစဉ်မြှင့်တင်ရေးနှင့် စီးပွားရေး ပိုမိုကောင်းမွန်အောင် ဆောင်ရွက်ခြင်း စသည့် အတွေ့အကြုံပေါင်းများစွာကို ရိုးမဘဏ်သို့ ယူဆောင်လာခဲ့သူဖြစ်ပါသည်။ Massachusetts ပြည်နယ်၊ Brandeis တက္ကသိုလ်မှ International Economics and Finance မဟာဘွဲ့၊ Massachusetts တက္ကသိုလ်မှ B.S. in Management/Finance နှင့် Massachusetts ပြည်နယ်ရှိ Bard College at Simon’s Rock မှ A.A. in Liberal Arts တို့ကို ရရှိထားသူ ဖြစ်ပါသည်။ သူမသည် Certified Internal Auditor ၊ Certified Fraud Examiner တစ်ဦးလည်း ဖြစ်ပါသည်။
U Ba Thein Naing : Chief Technology Officer
ကိုယ်ရေးအချက်အလက် : ဦးဘသိန်းနိုင်သည် နည်းပညာ လုပ်ငန်းနယ်ပယ်တွင် နှစ် (၂၀) ကျော် အတွေ့အကြုံရှိပြီး Cybersecurity နှင့်ပတ်သက်၍ (၁၅) နှစ်နှင့် Telecommunications နယ်ပယ်တွင် (၁၀) နှစ် အတွေ့အကြုံရှိသူ ဖြစ်ပါသည်။ သူသည် စင်္ကာပူ အခြေစိုက်အဖွဲ့အစည်းများဖြစ်သည့် Singapore Computer Systems, NCS နှင့် StarHub တို့တွင် Director, CSO, Vice President အစရှိသည့် ရာထူးတာဝန်များကို ထမ်းဆောင်ခဲ့ပြီး cybersecurity, software development, systems integration, project management, standards & frameworks, data protection, business process conceptualization နှင့် optimization နယ်ပယ်များတွင် ကျွမ်းကျင်သောသူဖြစ်ပါသည်။ သူသည် Singapore Computer Society တွင် President of QA Chapter ရာထူးဖြင့် နှစ်များစွာ တာဝန်ယူဆောင်ရွက်ခဲ့ပြီး NUS-ISS မှ Master of Technology (Software Engineering) ဘွဲ့အားလည်းကောင်း၊ Nanyang Polytechnic မှ IT Security အထူးပြု Diploma အားလည်းကောင်း၊ ရန်ကုန်နည်းပညာတက္ကသိုလ်မှ Bachelor of Engineering (Electronics) ဘွဲ့အားလည်းကောင်း ရရှိခဲ့သူ ဖြစ်ပါသည်။
Daw Aye Aye Soe : Chief Internal Auditor
ကိုယ်ရေးအချက်အလက် : ဒေါ်အေးအေးစိုးသည် ၁၉၉၉ ခုနှစ်ကပင် ရိုးမဘဏ်တွင် ဘဏ်ခွဲမန်နေဂျာအဖြစ် စတင်ဝင်ရောက်ခဲ့ပြီး လက်ရှိတွင် Chief Internal Auditor အဖြစ် တာဝန်ထမ်းဆောင်လျက်ရှိပါသည်။ ၁၉၉၁ ခုနှစ်မှစတင်၍ မြန်မာနိုင်ငံတော်ဗဟိုဘဏ်၊ မြန်မာ့နိုင်ငံခြားကုန်သွယ်မှုဘဏ်နှင့် မြန်မာ့စီးပွားရေးဘဏ်တို့မှ မြန်မာ့ဘဏ်လုပ်ငန်းနှင့်ပတ်သက်၍ အတွေ့အကြုံများစွာရှိသူ ဖြစ်ပါသည်။ ရိုးမဘဏ်တွင် တာဝန်မထမ်းဆောင်မီ First Private Bank တွင် စာရင်းကိုင်ချုပ် (Chief Accountant) အဖြစ် ၅ နှစ်ကြာ တာဝန်ထမ်းဆောင်ခဲ့သည်။ ၁၉၉၁ ခုနှစ်တွင် သူမသည် ရန်ကုန်စီးပွားရေး တက္ကသိုလ်မှ Bachelor of Commerce in Banking ကို ရရှိခဲ့ပြီး ၁၉၉၃ ခုနှစ်တွင် Certified Public Accountant (CPA) တစ်ဦးဖြစ်လာခဲ့ပါသည်။
U Kyaw Khaing Win : Chief Financial Officer
ကိုယ်ရေးအချက်အလက် : ဦးကျော်ခိုင်ဝင်းသည် ရိုးမဘဏ်တွင် လက်ရှိ Chief Financial Officer ရာထူးဖြင့် တာဝန်မထမ်းဆောင်မီတွင် Financial Planning and Analysis ဌာန၏ Deputy Head အဖြစ် ၂၀၁၇ခုနှစ် အောက်တိုဘာလတွင် စတင်ဝင်ရောက်ခဲ့ပါသည်။ ရိုးမဘဏ်တွင် တာဝန်မထမ်းဆောင်မီ သူသည် ပြည်တွင်းကုမ္ပဏီများနှင့် Multinational Corporations (MNC) များ၏ စာရင်းကိုင်၊ စာရင်းစစ်နှင့် FP&A အပိုင်းတို့တွင် အတွေ့အကြုံ (၁၀) နှစ်ကျော်ရှိခဲ့ပါသည်။ ရိုးမဘဏ်တွင် တာဝန်ထမ်းဆောင်နေစဉ် သူသည် FP&A ဌာနကို ဖွဲ့စည်းတည်ထောင်ခြင်း၊ စီးပွားရေးလုပ်ငန်းယူနစ်များ ဖွံ့ဖြိုးမှုအတွက်ပံ့ပိုးပေးခြင်း၊ ဌာနတွင်း ထိန်းချုပ်မှုများ ပိုမိုကောင်းမွန်လာစေရန် ကြိုးပမ်းခြင်းနှင့် Asset-Liability Committee (ALCO) ၏ အတွင်းရေးမှူးအဖြစ်တို့ကို လုပ်ဆောင်ခဲ့ပါသည်။ University of Northampton မှ Master of Business Administration နှင့် Oxford Brookes University မှ B.Sc (Hons) in Applied Accounting ကို ရရှိထားသူဖြစ်ပါသည်။
U Thein Htoot : Chief Products and Transformation Officer
ကိုယ်ရေးအချက်အလက် : ဦးသိန်းထွဋ် @ Robin သည် နည်းပညာ နယ်ပယ်တွင် (၂၂) နှစ်ကျော် လုပ်ကိုင်ခဲ့သူ ဖြစ်ပြီး ITIL® Expert | ITIL4® MP | Lean Six Sigma Black Belt (ICBB™) | PMP® | PSM I | MCPD | MCTS | MCSD Linux Specialist စသည့်တို့ကို အသိအမှတ်ပြုလက်မှတ်ရထားပြီးသူဖြစ်ပြီး နည်းပညာကဏ္ဍတို့တွင် Technical Lead၊ Software Solution Architect၊ IT Leadership စသည့် တာဝန်တို့ဖြင့် မြန်မာ၊ စင်္ကာပူ၊ အင်ဒိုနီးရှားနှင့် မလေးရှားနိုင်ငံတို့ ရှိ Industrial Automation, Health Care, Banking, Customize WWW Products, Education, RFID, Finance စီမံကိန်းများနှင့် အစိုးရစီမံကိန်းများကို ဦးဆောင်လုပ်ဆောင်ခဲ့သည်။ Robin သည် အမေရိကန်ဒေါ်လာ (၂) မီလီယံမှ (၆) မီလီယံအထိ တန်ဖိုးရှိသော စီမံကိန်းများနှင့် လုပ်ငန်းအဖွဲ့ဝင်ပေါင်း (၅) ယောက်မှ (၁၄၀) ယောက် အထိရှိသော အဖွဲ့များအား စီမံခန့်ခွဲသော အတွေ့အကြုံရှိပါသည်။ ထို့ပြင် နိုင်ငံပေါင်း (၁၅၉) နိုင်ငံရှိ Big Data processes နှင့် လုပ်ငန်းလည်ပတ်မှုများအတွက် စီမံအုပ်ချုပ်ခဲ့ပါသည်။ သူသည် Bachelor of Science (Hons) in Computer Engineering နှင့် Bachelor of Engineering in Electronics ဘွဲတို့ကို ရရှိထားပါသည်။
Daw Zin Mie : Corporate Secretary
ကိုယ်ရေးအချက်အလက် : ဒေါ်ဇင်မီသည် ၂၀၁၄ ခုနှစ်မှစ၍ ရိုးမဘဏ်တွင် တာဝန်ထမ်းဆောင်ခဲ့ပြီး လက်ရှိတွင် Corporate Secretary အဖြစ် တာဝန်ထမ်းဆောင်လျက်ရှိပါသည်။ ရိုးမဘဏ်၏ Treasury Department တွင် ဌာနတာဝန်ခံအဖြစ်လည်း ဆောင်ရွက်ခဲ့ပါသည်။ ရိုးမဘဏ်တွင် တာဝန်မထမ်းဆောင်မီ Credit Suisse နှင့် London ရှိ Bank of America Merrill Lynch တွင် Prime Services နှင့် Equity Structured Financing products များဆိုင်ရာ အထူးပြုလုပ်ဆောင်သည့် Middle Office နှင့် Product Control အပိုင်းများတွင် တာဝန်ထမ်းဆောင်ခဲ့သည်။ ဆယ်ကျော်သက်အရွယ်အထိ မြန်မာနိုင်ငံတွင် ကြီးပြင်းခဲ့ပြီး UK ရှိ Warwick University မှ Mathematics, Operational Research, Statistics and Economic ဆိုင်ရာ ဘွဲ့ကို ရရှိခဲ့သည်။ သူမသည် Chartered Management Accountant တစ်ဦး သာမက Certified Anti-Money Laundering Specialist တစ်ဦးလည်း ဖြစ်ပါသည်။
USD
