ကျွန်ုပ်တို့ ရိုးမဘဏ်သည် ပြည်သူများအတွက် ပိုမိုကောင်းမွန်သော မြန်မာနိုင်ငံတော်ကို တည်ဆောက်ရန်ဟူသော ရည်မှန်းချက်အတိုင်း လုပ်ဆောင်လျှက်ရှိသည်။

၂၀၁၉ ခုနှစ်တွင် အမှုဆောင်အရာရှိချုပ်အဖြစ် Mr. Dean Cleland ကို ခန့်အပ်ခဲ့ပြီးနောက် လွန်ခဲ့သော ၂၈ နှစ်ကတည်းကချမှတ်ခဲ့သော အခြေခံကောင်းများကိုမူတည်ပြီး ၂၀၂၅ ခုနှစ်အတွက် မဟာဗျူဟာကို ရိုးမဘဏ်၏ခေါင်းဆောင်များနှင့်အတူ ရေးဆွဲခဲ့ပါသည်။ အဆိုပါမဟာဗျူဟာကို ဒါရိုက်တာဘုတ်အဖွဲ့မှ ၂၀၂၀ ခုနှစ် ဇန်နဝါရီလတွင် စတင်အတည်ပြုခဲ့ပါသည်။ ဘဏ်သည် ၅ နှစ်တာကာလအတွင်း မက်ခရို (Macro) အဝန်းအဝိုင်းရှိ အခြေအနေများကို ခန့်မှန်းခြင်းနှင့် ဝန်ဆောင်မှုအသုံးပြုသူ (Customer) များအတွက် ပိုမိုကောင်းမွန်သောဝန်ဆောင်မှုပေးရန် လိုအပ်သည့်အချက်များကို အကဲဖြတ်ခြင်းတို့ကို ထည့်သွင်းစဉ်းစားကာ ၎င်း၏မဟာဗျူဟာကို နှစ်စဉ် ပြန်လည်သုံးသပ်ပါသည်။

မဟာဗျူဟာအစီအစဉ်သည် ဒါရိုက်တာဘုတ်အဖွဲ့နှင့် ဘဏ်တစ်ခုလုံးအကြား ယခုနှစ်တွင်သာမက နောင်လာမည့် ၅ နှစ်အတွင်း ရှေ့ဆက်သွားမည့်လမ်းကြောင်းကို ဖော်ဆောင်ပေးမည့် မဟာဗျူဟာမြောက် ဦးစားပေး လုပ်ဆောင်ရမည့်အချက်များကို သိရှိပြီး အတူတကွ ပူးပေါင်းလုပ်ဆောင်နိုင်ရန် ရည်ရွယ်ပါသည်။

အဆိုပါ မဟာဗျူဟာရည်မှန်းချက်များအပြင် ဘဏ်၏ အထူးအလေးပေးမှုကိုလိုအပ်သော အခြားသောနယ်ပယ်များလည်းရှိကြောင်း အသိအမှတ်ပြု၍ ၎င်းမှာ မဟာဗျူဟာအပေါ်တွင် ပိုမိုအထောက်အကူဖြစ်စေပါသည်။ ဥပမာအားဖြင့် ဝန်ထမ်းများအတွက် “Way We Work” အစီအစဉ်ကို အကောင်အထည်ဖော်ထားရှိ၍ လုပ်ငန်းစဉ်များနှင့် လုပ်ငန်းဆောင်ရွက်ပုံများကို အကောင်းဆုံးဖြစ်စေရန်ကြည့်ရှုခြင်း၊ ဆုံးရှုံးနိုင်ခြေ အခြေအနေများအတွက် တိုးတက်မှုနှုန်းနှင့် Risk Appetite ကြားတွင် ဟန်ချက်ညီစေရန်ထိန်းညှိပေးခြင်းနှင့် ပိုမိုများပြားလာသော Customer များအတွက် AML နှင့် KYC ကဲ့သို့သော လိုက်နာဆောင်ရွက်မှုပိုင်းဆိုင်ရာ လုပ်ဆောင်ချက်များကိုထားရှိခြင်းတို့ကို အဓိကထားဆောင်ရွက်လျှက်ရှိပါသည်။

ယနေ့တွင်ရိုးမဘဏ်၏ ၂၀၂၅ မဟာဗျူဟာဖြစ်မြောက်ရေးအတွက် ဝန်ထမ်းတိုင်းသည် တာဝန်ယူဆောင်ရွက်ရပါသည်။ တီထွင်စမ်းသပ်မှုရှိရှိ၊ စွမ်းဆောင်နိုင်စွမ်းရှိရှိဖြင့် ဝန်ဆောင်မှုရယူသူများအား ဝန်ဆောင်မှုပေးရန် ဖြစ်ပါသည်။