Who We Are
- Business
- Personal

အခြေခံမူများ

ရိုးမဘဏ်၏ ဒါရိုက်တာဘုတ်အဖွဲ့သည် ကော်ပိုရိတ်ဆိုင်ရာ စီမံအုပ်ချုပ်မှုဆိုင်ရာ စည်းမျဉ်းစည်းကမ်းများ၊ မူဝါဒများနှင့် အလေ့အကျင့်ကောင်းများ ဆက်လက်တိုးတက်လာစေရန် တစိုက်မတ်မတ်လုပ်ဆောင်လျက်ရှိသည်။ ကောင်းမွန်သော ကော်ပိုရိတ်ဆိုင်ရာ စီမံအုပ်ချုပ်မှုသည် အစုရှယ်ယာရှင်များနှင့် စီးပွားရေးနှင့်သက်ဆိုင်သူများအားလုံးအတွက် အကျိုး ဖြစ်ထွန်းစေမည့် လူမှုရေးရာနှင့် စီးပွားရေးဆိုင်ရာ တန်ဖိုးများ ဖန်တီးရာမှာ အထူးအရေးပါသည်။

ကျွန်ုပ်တို့၏ ကော်ပိုရိတ်စီမံအုပ်ချုပ်မှုဆိုင်ရာ မူဘောင်သည် စီးပွားရေးပူးပေါင်း ဆောင်ရွက်မှုနှင့် ဖွံ့ဖြိုးတိုးတက်မှု အဖွဲ့အစည်း (OECD) ၏စည်းစနစ်များ အပေါ်တွင် အခြေခံထားပါသည်။ အောက်ပါဇယားတွင် ကျွန်ုပ်တို့၏ ကော်ပိုရိတ်စီမံအုပ်ချုပ်မှု စည်းမျဉ်းများနှင့် မူဘောင်များ မည်သို့ ဖွဲ့စည်းထားသည်ကို အသေးစိတ်ဖော်ပြထားသည်။

ကျွန်ုပ်တို့၏ စည်းမျဉ်းများ	ကျွန်ုပ်တို့၏ နည်းလမ်း
တာဝန်ခံမှုရှိခြင်း	ရိုးမဘဏ်သည် အစုရှယ်ယာဝင်များအားလုံးအတွက် တာဝန်ခံမှုရှိသည်။ ဤအချက်ဖြင့် ရိုးမဘဏ်၏ ဘုတ်အဖွဲ့သည် မဟာဗျူဟာရေးဆွဲခြင်းနှင့် အုပ်ချုပ်ရေးအဖွဲ့က မဟာဗျူဟာ အကောင်အထည်ဖော်ခြင်းကို ကွပ်ကဲခြင်း တို့ကို လုပ်ဆောင်သည်။
မျှတမှုရှိခြင်း	ရိုးမဘဏ်သည် အစုရှယ်ယာဝင်များ၏ အခွင့်အရေးများကို ကာကွယ်ပေး သည်။ အစုရှယ်ယာဝင်များအားလုံး (အငယ်စား အစုရှယ်ယာဝင်များ အပါအဝင်) အတွက် သာတူညီမျှသော အခွင့်အရေးပေးမှုများရရှိရန် ရိုးမဘဏ်သည် ကြိုးစားလျက်ရှိသည်။
ပွင့်လင်း မြင်သာမှုရှိခြင်း	ရိုးမဘဏ်သည် ဘဏ်နှင့်ပတ်သက်၍ အရေးကြီးကိစ္စရပ်များကို တိကျမှန်ကန်ပြီး အချိန်နှင့်တပြေးညီ ဖြစ်စေရန်အပြင် အချက်အလက်များအား လွယ်ကူစွာရရှိနိုင်ရန် သေချာစေပါသည်။
တာဝန်ယူမှု ရှိခြင်း	ရိုးမဘဏ်သည် ချမှတ်ထားသော ဥပဒေ၊ စည်းမျဥ်းစည်းကမ်းများနှင့်အညီ စီးပွားရေးနှင့် သက်ဆိုင်သူများ၏ အခွင့်အရေးများအား အသိအမှတ်ပြုသည်။ ကျွန်ုပ်တို့ ရိုးမဘဏ်နှင့် စီးပွားရေးနှင့် သက်ဆိုင်သူများအကြား ခိုင်မာသော ပူးပေါင်းလုပ်ဆောင်မှုများ တည်ဆောက်နိုင်ခြင်းသည် ပိုမိုခိုင်မာသော မြန်မာ့စီးပွားရေးစနစ်တစ်ခု တည်ဆောက်နိုင်ရန်အတွက် အလွန်အရေးပါသည် ဟု ယုံကြည်ပါသည်။

ထို့အပြင် ရိုးမဘဏ်သည် မြန်မာနိုင်ငံ ကော်ပိုရတ်စီမံအုပ်ချုပ်မှုဆိုင်ရာ စည်းမျဉ်းကို အသုံးပြုပြီး ဘဏ်၏လက်ရှိ အုပ်ချုပ်ရေးနည်းစနစ်များနှင့် စီးပွားရေးဆိုင်ရာ ရင့်ကျက်မှုကို စမ်းစစ်ရန် ဆုံးဖြတ်ခဲ့သည်။ ရလဒ်များကို ဤနေရာတွင် ရရှိနိုင်သည်။