ရိုးမလုပ်ငန်းစု၏ အရေးပေါ်ကယ်ဆယ်ရေးရန်ပုံငွေအစီအစဉ်

၂၀၂၅ ခုနှစ်၊ မတ်လ၊ ၂၈ ရက်နေ့ တွင် မြန်မာနိုင်ငံအတွင်း လှုပ်ခတ်ခဲ့သော အင်အား ၇.၇ ရစ်ချ်တာစကေးအဆင့်ရှိ မြေငလျင်ကြောင့် နိုင်ငံတစ်ဝှမ်းရှိ ပြည်သူများ၏ အသက်အိုးအိမ်စည်းစိမ်များနှင့် အခြေခံအဆောက်အအုံ ပျက်စီးဆုံးရှုံးမှုများအတွက် ရိုးမဘဏ်အနေဖြင့် အထူးဝမ်းနည်းကြေကွဲရပါသည်။ 

“ရိုးမလုပ်ငန်းစု၏ အရေးပေါ်ကယ်ဆယ်ရေးရန်ပုံငွေအစီအစဉ်” ၏ လုပ်ငန်းများကို ရိုးမဘဏ်အနေဖြင့် အပြည့်အဝ ပူးပေါင်း၍ ပြင်းထန်မြေငလျင်ဒဏ်ခံစားခဲ့ရသူများအား ထိထိရောက်ရောက် အကူအညီပေးနိုင်ရန်အတွက် အင်တိုက်အားတိုက်ဆောင်ရွက်လျက်ရှိပါသည်။

ရိုးမဘဏ်သည် ၂၀၂၅ ခုနှစ်၊ မတ်လ၊ ၃၀ ရက်နေ့မှ စတင်၍ မြေငလျင်ဒဏ်ခံစားရသည့် ဘဏ်ဝန်ထမ်းများနှင့် ပြည်သူများအတွက် အရေးပေါ်လိုအပ်ချက်များကို အဆက်မပြတ် ပံ့ပိုးကူညီလျက်ရှိပြီး အစားအစာ၊ ဆေးဝါးနှင့် အခြားလိုအပ်သော ပစ္စည်းများကို ထောက်ပံ့ပေးလျက်ရှိပါသည်။

ထို့အပြင် ရိုးမဘဏ်အနေဖြင့် မြေငလျင်ဒဏ်ခံစားရသည့် ဒေသများသို့ ဆေးဝါး၊ အစားအစာများနှင့် ပြန်လည်နေရာချထားရေး လုပ်ငန်းများအတွက် ပြန်လည်ထူထောင်ရေး လုပ်ငန်းများတွင် ရိုးမလုပ်ငန်းစုနှင့် ပူးပေါင်း၍ ကျပ်ငွေ သိန်း ၃၀,၀၀၀ (သုံးသောင်းတိတိ) အထိ လှူဒါန်းဖို့အတွက်လည်း ပြုလုပ်သွားမှာ ဖြစ်ပါသည်။  ရိုးမဘဏ်အနေဖြင့် လိုအပ်သော အရေးပေါ်အကူအညီများကို ဖြစ်နိုင်သမျှ နည်းလမ်းပေါင်းစုံဖြင့် ဆက်လက်ပံ့ပိုးပေးသွားမည် ဖြစ်ပါသည်။

#YomaBankSupports #YomaGroupReliefProgram #EarthquakeRelief #YomaBank