ရိုးမဘဏ်၏ ဘဏ်စာရင်း ဖွင့်လှစ်ခြင်းဆိုင်ရာ အထွေထွေစည်းကမ်းသတ်မှတ်ချက်များ

(၁) သဘောတူညီချက်

ဤသဘောတူညီချက်တွင် ရိုးမဘဏ်၏ ဘဏ်စာရင်း (Accounts) ဖွင့်လှစ်ခြင်းဆိုင်ရာ ဝန်ဆောင်မှု အသုံးပြုရာတွင် လိုက်နာရမည့် စည်းမျဉ်းစည်းကမ်းများကို သဘောတူညီခြင်း ဖြစ်ပါသည်။ သင့်အနေဖြင့် ရိုးမဘဏ်၌ စာရင်းဖွင့်လှစ်ခြင်းအားဖြင့် ရိုးမဘဏ်၏ ဘဏ်စာရင်းဖွင့်လှစ်ခြင်းဆိုင်ရာ အထွေထွေ စည်းကမ်းချက်များအပြင် ရိုးမဘဏ်မှ သတ်မှတ်ထားသည့် ဒစ်ဂျစ်တယ်ဘဏ်လုပ်ငန်းဝန်ဆောင်မှုများ၊ ရိုးမဘဏ်၏ Data and Privacy Policy အပါအဝင် ရိုးမဘဏ်မှ သတ်မှတ်ထားသော အခြားစည်းမျဉ်းစည်းကမ်းများအားလုံးကို လိုက်နာမည်ဖြစ်ကြောင်း သဘောတူညီပြီး အသိအမှတ်ပြုပြီး ဖြစ်ပါသည်။
ဤ ရိုးမဘဏ်၏ ဘဏ်စာရင်း (Accounts) ဖွင့်လှစ်ခြင်းဆိုင်ရာ အထွေထွေစည်းကမ်းသတ်မှတ်ချက်များသည် ရိုးမဘဏ်တွင် ဖွင့်လှစ်ထားသော ဘဏ်စာရင်း (Accounts) တစ်ခုချင်းစီနှင့် သက်ဆိုင်စေရမည်။
ရိုးမဘဏ်တွင် ဖွင့်လှစ်ထားသော ဘဏ်စာရင်း (Accounts) တစ်ခုချင်းစီ၏ အဓိပ္ပာယ်ဖွင့်ဆိုချက်များသည် ရိုးမဘဏ်၏ website (www.yomabank.com) တွင်ဖော်ပြထားသည့်အတိုင်း ဖြစ်ပါသည်။ ထို့အပြင် ဘဏ်စာရင်းတစ်ခုချင်းစီတွင် ဖော်ပြထားသော အဓိပ္ပာယ်ဖွင့်ဆိုချက်များတွင် ဤဘဏ်စာရင်းဖွင့်လှစ် ခြင်းဆိုင်ရာ အထွေထွေစည်းကမ်းချက်များလည်း ပါဝင်သည်ဖြစ်သည်။

(၂) အဓိပ္ပာယ်ဖွင့်ဆိုခြင်း

“ကျွန်ပ်တို့သည်/ ကျွန်ပ်တို့ကို/ ကျွန်ပ်တို့၏/ ရိုးမ/ ဘဏ်/ ရိုးမဘဏ်” ဟူသည် ရိုးမဘဏ် (လီမိတက်) ကို သို့မဟုတ် အသုံးပြု သည့် တရားဝင်အဖွဲ့အစည်းများ (သို့မဟုတ်) လူပုဂ္ဂိုလ်တစ်ဦးတစ်ယောက်ချင်းစီကို ဆိုလိုသည်။
“Customer/ ဝန်ဆောင်မှုများကိုရယူထားသူ / သင် /သင့်” ဆိုသည်မှာ ရိုးမဘဏ်စာရင်းကို ကိုင်ဆောင်ထားသူ/ ရိုးမဘဏ်၏ ဝန်ဆောင်မှုများကို ရယူထားသူ(များ) သို့မဟုတ် အသုံးပြုသည့် တရားဝင်အဖွဲ့အစည်းများ (သို့မဟုတ်) လူပုဂ္ဂိုလ် တစ်ဦးတစ်ယောက်ချင်းစီကို ဆိုလိုသည်။
“ဘဏ်စာရင်း(များ) (Accounts)” ဆိုသည်မှာ ရိုးမဘဏ်တွင် ဖွင့်လှစ်ထားသော ဘဏ်စာရင်း(များ) အားလုံးကို ဆိုလိုသည်။

(၃) ရိုးမဘဏ်တွင် စာရင်းဖွင့်လှစ်ခြင်း

(၃.၁) လူပုဂ္ဂိုလ်စာရင်း (Personal Account)
(က) ပုဂ္ဂိုလ်တစ်ဦးချင်းစာရင်း (Individual Account)
(ခ) ရိုးမဘဏ်ဝန်ထမ်းစာရင်း (Yoma Bank Staff Account)
(ဂ) နိုင်ငံခြားသားစာရင်း (Foreigner Account)
(ဃ) ပူးတွဲစာရင်း (Joint Account)
အထက်ပါ (၃.၁.၁) ပါလူပုဂ္ဂိုလ် (Personal) အတွက် ဘဏ်စာရင်း (Account) ဖွင့်လှစ်ပါက စာရင်းဖွင့်မည့်သူ (Customer) ၏ လိုအပ်ချက်များ –
(က) အသက် (၁၈) နှစ်ပြည့်ပြီးသူဖြစ်ရမည်။
(ခ) နိုင်ငံသားစိစစ်ရေးကဒ်ပြား (သို့) ဧည့်နိုင်ငံသားစိစစ်ရေးကဒ်ပြား (သို့) Passport တစ်ခုခုကို တင်ပြရမည်။
(ဂ) ရူးသွပ်သူ၊ အရက်အလွန်အကျွံသောက်သူ၊ လူမွဲ/ဒေဝါလီခံထားရသူများ မဖြစ်စေရ။
(ဃ) ဘဏ်စာရင်းဖွင့်ပုံစံတွင် ပါဝင်သည့်အချက်များကို သဘောတူကြောင်း လက်မှတ်ရေးထိုးပြီး၊ မိမိအမြဲတမ်း ငွေသွင်း/ငွေထုတ် ပြုလုပ်မည့် လက်မှတ်နမူနာများအား ရေးထိုး‌ပေးခဲ့ရပါမည်။
(င) အသုံးပြုရမည့် စာရင်းဖွင့်လျှောက်လွှာ/ ကိုယ်ရေးအချက်အလက်ပုံစံများ (Application Form) မှာ လူပုဂ္ဂိုလ် အတွက်အသုံးပြုရန် ဖြစ်ရပါမည်။
(စ) Customer ၏ ကိုယ်ရေးအချက်အလက်ပုံစံ (Customer Information Form – For Personal) တွင်ပါရှိသော အချက်အလက်များ နှင့် Document Checklist ပါ အထောက်အထားများ အားလုံးကို ပြည့်စုံမှန်ကန်စွာ ပေးအပ် ရပါမည်။
(၃.၂) အရွယ်မရောက်သေးသူ သက်ငယ်စာရင်း (Minor Account) စာရင်းဖွင့်လှစ်ခြင်း။
(က) အရွယ်မရောက်သေးသူ သက်ငယ်စာရင်း (Minor Account) အား အရွယ်မရောက်သေးသူ သက်ငယ်၏ အမည်အပြင် (ငွေစုဘဏ်မှအပ) ၎င်း၏ သဘာဝအုပ်ထိန်းသူများဖြစ်ကြသော ဖခင်(သို့မဟုတ်) မိခင် (သို့မဟုတ်) အခွင့်အာဏာရ တရားရုံးတော် တစ်ခုခုမှ ခန့်အပ်ထားသော အုပ်ထိန်းသူ တစ်ဦးဦးမှ လက်မှတ်ရေးထိုးရပါမည်။
(ခ) သက်ငယ်အရွယ် (၁၈) နှစ်ပြည့်ပြီးပါက ယင်း၏လက်မှတ်ရေးထိုးခွင့်ကို စီစဉ်ပေးရမည်။
(ဂ) သက်ငယ်အရွယ် (၁၈) နှစ် မပြည့်ခင် အုပ်ထိန်းသူက အရွယ်မရောက်သေးသူ သက်ငယ်စာရင်း (Minor Account) စာရင်းတွင် သွင်း/ထုတ်လုပ်ခွင့်ရှိသည်။
(ဃ) သက်ငယ်၏ပစ္စည်း (ငွေစာရင်း) ကို သက်ငယ်၏အကျိုးအတွက်သာ ထုတ်ယူသုံးစွဲခွင့်ရှိမည် ဖြစ်သောကြောင့် ငွေထုတ်ယူသောအခါ (သက်ငယ်၏ စားသောက်နေထိုင်စရိတ်၊ ကျောင်းစရိတ်အတွက်) ထုတ်ယူကြောင်း ငွေထုတ်လွှာတွင် ဖော်ပြစေရမည်။
(င) သက်ငယ်စာရင်းဖွင့်ရန်အတွက် သက်ငယ်၏ မွေးစာရင်းမိတ္တူကို သိမ်းဆည်းထားရပါမည်။ မွေးစာရင်းမရှိလျှင် မွေးသက္ကရာဇ်ကို ရေးမှတ်ထားရပါမည်။
(စ) ဘဏ်စာရင်းဖွင့်ပုံစံတွင် ပါဝင်သည့်အချက်များကို သဘောတူကြောင်း လက်မှတ်ရေးထိုးပြီး၊ မိမိအမြဲတမ်း ငွေသွင်း/ငွေထုတ် ပြုလုပ်မည့် လက်မှတ်နမူနာများအား ရေးထိုး‌ပေးခဲ့ရပါမည်။
(ဆ) အသုံးပြုရမည့် စာရင်းဖွင့်လျှောက်လွှာ/ ကိုယ်ရေးအချက်အလက်ပုံစံများ (Application Form) တွင် ပါဝင်သော အခြားအချက်များနှင့်
(ဇ) Customer ၏ ကိုယ်ရေးအချက်အလက်ပုံစံ (Customer Information Form) တွင် ပါရှိသော အချက် အလက်များနှင့် Document Checklist ပါ အထောက်အထားများ အားလုံး ကိုပြည့်စုံမှန်ကန်စွာ ပေးအပ်ရပါမည်။

(၃.၃) ကုမ္ပဏီ / လုပ်ငန်းစာရင်း (Enterprise Account) ။
(က) Sole Proprietor
(ခ) Partnership
(ဂ) Joint Venture
(ဃ) Foreign Company Branches & Offices
(င) Public Company Limited by shares
(စ) Private Company Limited by shares
(ဆ) Associations & Societies including NGO
(ဇ) Embassy
(ဈ) Unlimited Companies
(ည) Company Limited by Guarantees
အထက်အပိုဒ် (၃.၁.၃) (က) မှ (ည) အထိ ကုမ္မဏီ/လုပ်ငန်း (Enterprise)အတွက် စာရင်း ဖွင့်လှစ်ပါက စာရင်းဖွင့်မည့်သူ (Customer) ၏ လိုအပ်ချက်များ –
(က) အသက် (၁၈) နှစ် ပြည့်ပြီးသူဖြစ်ရမည်။
(ခ) နိုင်ငံသားစိစစ်ရေးကဒ်ပြား (သို့) ဧည့်နိုင်ငံသားစိစစ်ရေးကဒ်ပြား(သို့) Passport တစ်ခုခုကိုတင်ပြရမည်။
(ဂ) ရူးသွပ်သူ၊ အရက်အလွန်အကျွံသောက်သူ၊ ဒေဝါလီ/လူမွဲခံထားရသူများ မဖြစ်စေရ။
(ဃ) ဘဏ်စာရင်းဖွင့်ပုံစံတွင် ပါဝင်သည့်အချက်များကို သဘောတူကြောင်း လက်မှတ်ရေးထိုးပြီး၊ မိမိအမြဲတမ်း ငွေသွင်း/ငွေထုတ် ပြုလုပ်မည့် လက်မှတ်နမူနာများအား ရေးထိုး‌ပေးခဲ့ရပါမည်။
(င) အသုံးပြုရမည့် စာရင်းဖွင့်လျှောက်လွှာ (Application Form) တွင်ပါဝင်သော အခြားအချက်များနှင့်
(စ) Customer ၏ ကိုယ်ရေးအချက်အလက်ပုံစံ (Customer Information Form – For Enterprise) တွင် ပါရှိသော အချက်အလက်များနှင့် Document Checklist ပါ အထောက်အထားများအားလုံးကို ပြည့်စုံမှန်ကန်စွာ ပေးအပ်ရပါမည်။

(၄) စာရင်းသေအပ်ငွေစာရင်း ဖွင့်လှစ်ခြင်း

(၄.၁) စာရင်းသေ အပ်ငွေစာရင်း (Fixed Deposit/ Super Fixed Deposit) ဖွင့်လှစ်ခြင်း
(က) ရိုးမဘဏ်တွင် စာရင်းသေအပ်ငွေစာရင်း (Fixed Deposit/ Super Fixed Deposit) ဖွင့်လှစ်လိုက်သည်နှင့် ဖော်ပြပါ စည်းမျဉ်းစည်းကမ်းများစတင် အကျုံးဝင်သက်ရောက်မည်ဖြစ်သည်။
(ခ) စာရင်းသေအပ်ငွေစာရင်းကို ဖွင့်လှစ်ရန် ဘဏ်မှအခါအားလျော်စွာ သတ်မှတ်ထားသည့် အနည်းဆုံး ထည့်သွင်းရမည့် ငွေပမာဏကို ထည့်သွင်း၍ စာရင်းဖွင့်လှစ်နိုင်သည်။
(ဂ) စာရင်းသေအပ်ငွေစာရင်းကို စတင်ဖွင့်လှစ်သည့်အချိန်တွင် လူကြီးမင်း Super စာရင်းသေအပ်ငွေစာရင်း ၏ သက်တမ်း (အချိန်) ကိုရွေးချယ်နိုင်သည်။ ဘဏ်သည် သတ်မှတ်ထားသော သက်တမ်းကို အခါအားလျော်စွာ ပြောင်းလဲခွင့်ရှိသည်။ သင်ရွေးချယ်ထားသော သက်တမ်း၏ နောက်ဆုံးနေ့သည် “သက်တမ်းပြည့်သည့်နေ့” ဖြစ်သည်။
(၄.၂) သက်တမ်းပြည့်မြောက်ခြင်း
(က) စာရင်းသေအပ်ငွေစာရင်း သက်တမ်းပြည့်သည့်နေ့တွင် အပ်နှံကာလအလိုက် သတ်မှတ်အတိုးများအား စာရင်းပိုင်ရှင်ညွှန်ကြားထားသော စာရင်းသို့ ပေါင်းထည့်ပေးမည်ဖြစ်ပါသည်။
(ခ) စာရင်းသေအပ်ငွေစာရင်း သက်တမ်းပြည့်သည့်နေ့တွင် နောက်ထပ်သက်တမ်းတိုးရန် ဘဏ်အား တောင်းဆို ခြင်း ပြုလုပ်ပြီးပါက စာရင်းသေအပ်ငွေစာရင်းကို လူကြီးမင်းနှင့် ဘဏ်အကြား သဘောတူညီချက်ဖြင့် နောက်ထပ် သက်တမ်းတိုးနိုင်ပါသည်။
(ဂ) ဘဏ်သို့ သက်တမ်းမပြည့်မှီ အနည်းဆုံး ဘဏ်ဖွင့်ရက် တစ်ရက်ကြိုတင်၍ စာဖြင့် (သို့မဟုတ်) သဘောတူညီ ထားသော ဆက်သွယ်ရန်နည်းလမ်းဖြင့်) အကြောင်းကြားရမည်။
(၁) အကယ်၍ စာရင်းသေအပ်ငွေစာရင်း သက်တမ်းတိုးခြင်းကို အလိုအလျောက်ပြုလုပ်ရန် မရွေးချယ်ခဲ့ ပါက (သို့မဟုတ်)၊
(၂) အကယ်၍ စာရင်းသေအပ်ငွေကို သက်တမ်းမတိုးရန် အလိုအလျောက်ပြုလုပ်ရန် ရွေးချယ်ခဲ့ပါက၊
(ဃ) အကယ်၍ တွဲဖက်စာရင်းအမည်ဖြင့် Superစာရင်းသေအပ်ငွေစာရင်းကို ဖွင့်လှစ်ထားပြီး တွဲဖက်စာရင်း ဖွင့်ထားသူ သေဆုံးခဲ့လျှင် ကျန်ရှိသော အပ်ငွေနှင့် ရရှိလာသည့် အတိုးတို့ကို ကျန်ရှိသောသူ (သို့မဟုတ်) ဥပဒေ ကြောင်းအရ ဆက်ခံခွင့်ရှိသူတို့ကို ပေးအပ်သွားမည် ဖြစ်သည်။
(၄.၃) သက်တမ်းမပြည့်မီ ဆောလျင်စွာ အပ်ငွေထုတ်ယူခြင်း
(က) လူကြီးမင်းသည် မည်သည့်ဘဏ်ခွဲတွင်မဆို စာရင်းသေအပ်ငွေစာရင်းမှ သက်တမ်းမပြည့်မီ ဆောလျင်စွာ အပ်ငွေထုတ်ယူခြင်းကို ပြုလုပ်ပါက ဘဏ်အနေဖြင့် ၎င်း၏လုပ်ပိုင်ခွင့်ကို ကျင့်သုံး၍ ဆောလျင်စွာ ထုတ်ယူမှု အတွက် ကျသင့်သည့် အခကြေးငွေ၊ ဝန်ဆောင်ခတို့ကို တောင်းဆိုပိုင်ခွင့်ရှိသည်။
(ခ) လူကြီးမင်း၏ စာရင်းသေအပ်ငွေစာရင်းကို မူလသဘောတူထားသည့် သက်တမ်းပြည့်သည့်နေ့ မတိုင်မီ ထုတ်ယူပါက အတိုးခံစားခွင့်ရှိမည်မဟုတ်ပါ။
(ဂ) ဘဏ်သည် အခါအားလျော်စွာ ချမှတ်ထားသော မြန်မာနိုင်ငံ၏ ငွေရေးကြေးရေးဆိုင်ရာ ဥပဒေများ၊ နည်းဥပဒေများ၊ စည်းမျဉ်းစည်းကမ်းများနှင့်အညီ စာရင်းသေအပ်ငွေ သက်တမ်းမပြည့်မီ ဆောလျင်စွာ အပ်ငွေ ထုတ်ယူခြင်း ကိုခွင့်မပြုရန် ဆုံးဖြတ်ပိုင်ခွင့် ရှိသည်။

(၅) ငွေသွင်းခြင်း နှင့် ငွေထုတ်ခြင်း

(၅.၁) ဘဏ်သည် အနည်းဆုံးအပ်ငွေပမာဏ၊ အပ်ငွေပမာဏ ကန့်သတ်ခြင်း နှင့် အပ်ငွေလက်ခံခြင်း ကို ဘဏ်၏ လုပ်ပိုင်ခွင့်အရ အခါအားလျော်စွာ ပြောင်းလဲပြင်ဆင် ဆုံးဖြတ်နိုင်သည်။
(၅.၂) ဘဏ်တွင် အပ်နှံထားသောငွေများကို ထုတ်ယူရာတွင် ဘဏ်စာရင်းပိုင်ရှင်သည် မိမိ၏ ညွှန်ကြားချက် တိကျမှန်ကန်မှု နှင့် ငွေလုံလောက်မှုအတွက် တာဝန်ယူရမည်။ စာရင်းမှ ငွေမလုံလောက်ပါက ဘဏ်သည် မည်သည့်ငွေထုတ်ယူရန် တောင်းဆိုမှု(သို့မဟုတ်) ညွှန်ကြားချက်ကိုမှ လက်ခံမည်မဟုတ်ပါ။ ဘဏ်သို့ စာရင်း ပိုင်ရှင်ကိုယ်တိုင် အကြောင်းကြားခြင်းမရှိသော မည်သည့်ငွေထုတ်ယူမှုကိုမှ ဘဏ်မှ ဆောင်ရွက်ပေးမည်မဟုတ်ပါ။ ငွေထုတ်ယူရန် ညွှန်ကြားချက်ပေးသူသည် စာရင်းပိုင်ရှင် (သို့) ဘဏ်တွင် လက်မှတ်နမူနာပေးထားသူ ဖြစ်ရမည်။
(၅.၃) စာရင်းပိုင်ရှင်သည် နည်းပညာမတော်တဆမှုကြောင့်သော်လည်းကောင်း၊ မှားယွင်းမှုတစ်စုံတစ်ရာကြောင့် သော်လည်း ကောင်း၊ မိမိ၏ စာရင်းသို့ မှားယွင်းစွာ လွှဲပြောင်းလက်ခံရရှိပါက နီးစပ်ရာ ရိုးမဘဏ်သို့ ချက်ချင်း အကြောင်းကြားရန် တာဝန်ရှိသည်။ အဆိုပါလက်ခံရရှိသော ငွေများကိုလည်း မိမိအတွက် အသုံးပြုခွင့်မရှိသည်ကို နားလည်သဘောပေါက်ပြီး ဖြစ်ပါသည်။
(၅.၄) စာရင်းပိုင်ရှင်၏ ငွေသွင်းငွေထုတ်ခြင်းဆိုင်ရာ ညွှန်ကြားချက်များကို ဘဏ်မှ ဥပဒေနှင့်ညီညွတ်ခြင်း မရှိဟု ယူဆပါက ငြင်းပယ်ပိုင်ခွင့်ရှိသည်။
(၅.၅) Customer (သို့မဟုတ်) စာရင်းအသုံးပြုသူသည် မည်သည့်အချိန်တွင်မဆို ဘဏ်သို့လာရောက်၍ မိမိအသုံးပြု သောစာရင်းများကို ပိတ်သိမ်းနိုင်သည်။

(၆) အတိုးနှုန်း

(၆.၁) ဘဏ်သည် သက်ဆိုင်ရာ ဘဏ်စာရင်းအမျိုးအစားအလိုက် သတ်မှတ်အတိုးနှုန်းနှင့် ဘဏ်မှ သတ်မှတ်ထားသည့် အတိုးတွက်ချက်ပုံအတိုင်း သတ်မှတ်ချိန်တွင် (သို့မဟုတ်) လတစ်လ၏ နောက်ဆုံးနေ့ကုန်ဆုံးပြီးနောက် အတိုးပုံမှန် ထည့်သွင်းပေးမည်ဖြစ်ပါသည်။ ဘဏ်၏ သတ်မှတ်ထားသည့် အနည်းဆုံးလက်ကျန်ငွေ‌အောက် လျှော့နည်းနေပါက အတိုးတွက်ချက်ပေးမည်မဟုတ်ပါ။
(၆.၂) ဘဏ်စာရင်းအမျိုးအစား၏ အတိုးနှုန်းများသည် ရိုးမဘဏ်၏ တရားဝင် Website (www.yomabank.com) တွင် သက်ဆိုင်ရာဘဏ်စာရင်းအလိုက် ဖော်ပြထားသည့်အတိုင်းဖြစ်သည်။
(၆.၃) ဘဏ်အနေဖြင့် သတ်မှတ်ထားသော အတိုးနှုန်းများကို ဘဏ်၏လုပ်ပိုင်ခွင့်အရ အခါအားလျော်စွာ ပြောင်းလဲ သတ်မှတ်နိုင်ပါသည်။

(၇) ဘဏ်စာရင်းရှင်းတမ်းများ

(၇.၁) ငွေကြေးလုပ်ဆောင်ချက်များ (Financial Functions) နှင့်ပတ်သက်သော ဘဏ်စာရင်းရှင်းတမ်းများကို ဒစ်ဂျစ်တယ်ဘဏ်လုပ်ငန်း ဝန်ဆောင်မှုများ (Digital Banking Services) မှ တစ်ဆင့် အသေးစိတ် လေ့လာကြည့်ရှု နိုင်ပါသည်။
(၇.၂) ဘဏ်စာရင်းရှင်းတမ်းများကို လက်ခံရရှိသည့်အချိန်တွင် မှန်ကန်တိကျမှုရှိမရှိကို စာရင်းပိုင်ရှင်မှ စစ်ဆေးရပါ မည်။ အဆိုပါဘဏ်စာရင်းရှင်းတမ်းများ မှားယွင်းမှုများရှိပါက ရိုးမဘဏ်သို့ လက်ခံရရှိသည့်နေ့မှစ၍ ရက်ပေါင်း (၃၀) အတွင်း အကြောင်း ကြားရန် လိုအပ်ပါသည်။
(၇.၃) ဘဏ်စာရင်းရှင်းတမ်းများနှင့် စပ်လျဉ်း၍ အငြင်းပွားမှုဖြစ်ပွားပါက ရိုးမဘဏ်၏ မှတ်တမ်းများသည် အထောက်အထားဆိုင်ရာ အတည်ဖြစ်မည်ဖြစ်သည်။

(၈) ဝန်ဆောင်ခနှင့် နှုန်းထားများ

(၈.၁) ဘဏ်၏ဝန်ဆောင်မှုများနှင့် ပတ်သက်သည့် ဝန်ဆောင်ခများနှင့် နှုန်းထားအသီးသီးသည် ရိုးမဘဏ်၏ Website (www.yomabank.com) တွင် ဖော်ပြထားသည့်အတိုင်းဖြစ်သည်။
(၈.၂) ဘဏ်၏ဝန်ဆောင်မှုများနှင့်ပတ်သက်သည့် ဝန်ဆောင်ခများနှင့် အဖိုးအခများကို သက်ဆိုင်ရာ ဘဏ်စာရင်းများ၏ သတ်မှတ်ကာလများတွင် (သို့မဟုတ်) လတစ်လ၏ ပထမဆုံးနေ့ (သို့မဟုတ်) လတစ်လ၏ နောက်ဆုံးနေ့ရက်များတွင် သက်ဆိုင်ရာ ဘဏ်စာရင်းမှ နှုတ်ယူသွားမည်ဖြစ်ပါသည်။
(၈.၃) ဘဏ်အနေဖြင့် သတ်မှတ်ထားသော ဝန်ဆောင်ခနှင့် နှုန်းထားများကို ဘဏ်၏လုပ်ပိုင်ခွင့်အရ အခါ အားလျော်စွာ ပြောင်းလဲသတ်မှတ်နိုင်ပါသည်။ (၈.၄) ဘဏ်၌ ဝန်ဆောင်မှုရယူရာတွင် ဘဏ်သို့ ပေးရန်ရှိသော မည်သည့်တာဝန်ရှိမှုများကိုမဆို ဘဏ်စာရင်း ပိုင်ရှင်၏ စာရင်းများမှ ခုနှိမ်နှုတ်ယူခွင့်ရှိပါသည်။
(၈.၅) Withholding tax (သို့မဟုတ်) အခြားအခွန်အခများနှင့်ပတ်သက်၍ ဥပဒေနှင့်အညီပေးရန်ရှိသော အခွန်အခ များကို သက်ဆိုင်ရာဥပဒေနှင့်အညီ နှုတ်ယူခွင့်ရှိသည်။

(၉) စာရင်းသေ (Dormant Account) ၊ အပ်ငွေ အသွင်း/အထုတ် ပြုလုပ်ခြင်း မရှိသော စာရင်းများ (Inactive Account)

(၉.၁) ရိုးမဘဏ်သည် မိမိတို့၏ လုပ်ထုံးလုပ်နည်းများနှင့်အညီ စာရင်းသေများဆိုင်ရာမူဝါဒ (Dormant Policy)ကို ရေးဆွဲခွင့်ရှိပါသည်။ အဆိုပါ Dormant Policy များသည် ဘဏ်၏ တရားဝင် Website (www.yomabank.com) တွင် ဖော်ပြထားသည့် အတိုင်း ဖြစ်ပါသည်။
(၉.၂) ရိုးမဘဏ်မှ အခါအားလျော်စွာ Dormant Policy နှင့်အညီ Dormant Account နှင့် Inactive Account ဟု သတ်မှတ်ခြင်းခံရပါက အဆိုပါ ဘဏ်စာရင်း(Account) များအား Dormant Policy နှင့်အညီ ပိတ်သိမ်းခြင်း၊ အခြားနေရာ များသို့ ရွှေ့ပြောင်း ပြုလုပ်ပိုင်ခွင့် ရှိပါသည်။
(၉.၃) Account ပိုင်ရှင်များသည် ဥပဒေအရ တရားဝင် ငွေထုတ်ခွင့် ပိတ်ပင်ထားခြင်းများမှအပ Dormancy Policy ကြောင့် ပိတ်သိမ်းလိုက်သော Account များရှိ လက်ကျန် ငွေကြေးများကို ရိုးမဘဏ် ဘဏ်ခွဲများတွင် ပြန်လည် လျှောက်ထားရယူနိုင်ပါသည်။

(၁၀) Customer အချက်အလက်များအား လျှို့ဝှက်ထားရှိမှု

Customer ၏ ပုဂ္ဂိုလ်ရေးဆိုင်ရာ သတင်းအချက်အလက်တို့ကို လျှို့ဝှက်အဖြစ် မှတ်ယူမည်ဖြစ်ပြီး၊ အောက်ပါ အခြေအနေများမှလွဲ၍ ဖွင့်ဟထုတ်ဖော်မည်မဟုတ်ပါ။
(က) ဥပဒေရေးရာအကြောင်းပြချက်များဖြင့် ယင်းသို့ပြုလုပ်ရန် မဖြစ်မနေလိုအပ်သောအခါ။
(ခ) အများပြည်သူအကျိုးစီးပွားအတွက်ဖွင့်ဟထုတ်ဖော်ရန် လိုအပ်သောအခါတွင်။
(ဂ) ကျွန်ပ်တို့၏အကျိုးအမြတ်အတွက် ဖွင့်ဟထုတ်ဖော်ရန်လိုအပ်သည့်အခါတွင်။
(ဃ) Customer အနေဖြင့် သဘောတူညီချက်ပေးသည့်အခါတွင်။

(၁၁) ဘဏ်နှင့် Customer ကြားအဆက်အသွယ်ပြုလုပ်ခြင်း

(၁၁.၁) သမာရိုးကျဥပဒေရေးရာသတိပေးစာများနှင့် ဆင့်ခေါ်စာများကို နောက်ဆုံးသိထားသည့် Customer ၏ နေရပ်လိပ်စာသို့ ပေးပို့မည်ဖြစ်သည်။
(၁၁.၂) Customer သည် ၎င်းအား ဆက်သွယ်ရမည့် အသေးစိတ်အချက်အလက်တို့ ပြောင်းလဲမှုကို ရိုးမဘဏ် ဘဏ်ခွဲများ၌ သို့မဟုတ် Yoma Bank Call Center မှတစ်ဆင့် အကြောင်းကြားရန် လိုအပ်သည်။ ထိုပြောင်းလဲမှုကို ဘဏ်မှ မှတ်ပုံတင်ရန် အချိန်ကာလသည် (၇) ရက်အထိ ကြာမြင့်နိုင်ပါသည်။
(၁၁.၃) စာတိုက်မှတစ်ဆင့် Customer ထံသို့ ဘဏ်မှပေးပို့သည့် မည်သည့်စာကိုမဆို စာတိုက်မှ ပေးပို့သည့် (၁၄) ရက်အတွင်း သင့်အနေဖြင့်ရရှိပြီးဖြစ်သည်ဟု ဘဏ်မှ သတ်မှတ်မည်။
(၁၁.၄) စာရင်းဖွင့်လှစ်သူ (Customer)မှ ဖော်ပြထားသော အချက်အလက်များသည် ပြည့်စုံမှန်ကန်မှုရှိကြောင်း စာရင်းဖွင့်လှစ်သူမှ တာဝန်ယူပါသည်။
(၁၁.၅) ဘဏ်စာရင်းမဖွင့်ခင် ဘဏ်အနေဖြင့် Customer ၏အထောက်အထား၊ အိမ်လိပ်စာအပြင် ဘဏ်စာရင်း ကိုင်ဆောင်ထားသူတစ်ဦးအဖြစ် Customer အနေနှင့်ကိုက်ညီသင့်လျော်မှုတို့ကို မှန်ကန်ကြောင်း အတည်ပြုရမည် ဖြစ်သည်။ ဘဏ်အနေဖြင့် ဘဏ်စာရင်းဖွင့်ခြင်းကို ငြင်းပယ်နိုင်သည့်အခွင့်အရေး (သို့မဟုတ်) အပ်နှံငွေလက်ခံခြင်းကို ငြင်းပယ်နိုင်သည့်အခွင့်အရေးရှိသည်။

(၁၂) ဘဏ်မှ စည်းကမ်းသတ်မှတ်ချက်များ/ သဘောတူညီချက် ပြင်ဆင်ဖြည့်စွက်ခြင်း

(၁၂.၁) ဤရိုးမဘဏ်၏ဘဏ်စာရင်း (Accounts) ဖွင့်လှစ်ခြင်းဆိုင်ရာ အထွေထွေစည်းကမ်း သတ်မှတ်ချက်များအပြင် မည်သည့် စည်းကမ်းသတ်မှတ်ချက်ကိုမဆို (သို့မဟုတ်) ဘဏ်စာရင်း၏ အသေးစိတ်အချက်အလက်များ၊ အင်္ဂါရပ်များ (သို့မဟုတ်) အခြားသော အကြောင်းအရာတို့ကို မည်သည့် အချိန်တွင်မဆို ဘဏ်၏တစ်ဦးတည်း သော လုပ်ပိုင်ခွင့်ဖြင့် ပြင်ဆင်ဖြည့်စွက်ပိုင်ခွင့်ရှိသည်။ ပြင်ဆင်ဖြည့်စွက်ထားသည့် စည်းမျဉ်းစည်းကမ်းများသည် အသိပေးကြေညာသော နေ့စွဲမှစ၍အကျိုးသက်ရောက်မှုရှိပါမည်။ ထိုပြုပြင်မှုတို့ကို ရိုးမဘဏ်ခွဲများ၊ ဘဏ်၏အင်တာနက်စာမျက်နှာ (www.yomabank.com) တို့တွင်ကြည့်ရှုနိုင်ရန် အချိန်နှင့်တစ်ပြေးညီ ဖော်ပြထားမည်ဖြစ်သည်။ ထိုသို့ပြင်ဆင်ပြောင်းလဲထားသည့် စည်းမျဉ်းစည်းကမ်းများအား အသိပေးကြေညာပြီးနောက် သင့်အနေဖြင့် ရိုးမဘဏ်၏ဝန်ဆောင်မှုများကို ဆက်လက်အသုံးပြုပါက ထိုပြင်ဆင်ပြောင်းလဲထားသည့် စည်းမျဉ်းစည်းကမ်းများအား သဘောတူညီပြီး ဖြစ်ပါသည်။

(၁၂.၂) မြန်မာနိုင်ငံတော်ဗဟိုဘဏ်ထံမှ ညွှန်ကြားချက်တစ်ရပ်၏ ရလဒ်တစ်ခုအပါအဝင် မည်သည့် အကြောင်း ပြချက်အတွက်မဆို ဘဏ်အနေဖြင့် ဤဘဏ်စာရင်းကို (သို့မဟုတ်) ဤဘဏ်စာရင်းနှင့်စပ်လျဉ်းသည့် အခြားသောအင်္ဂါရပ်များ (သို့မဟုတ်) ဘဏ်စာရင်းဆိုင်ရာ လိုအပ်သည့် မည်သည့်ပြောင်းလဲမှုမဆိုနှင့် အင်္ဂါရပ်များ ကို ကမ်းလှမ်းခြင်းအား မည်သည့်အချိန်၌မဆို ရပ်ဆိုင်း (သို့မဟုတ်) ဖျက်သိမ်းနိုင်သည်။ Customer အနေဖြင့် ဘဏ်ဘက်မှ ဘဏ်စာရင်းအား ရပ်ဆိုင်းမှု (သို့မဟုတ်) ရုပ်သိမ်းမှုနှင့် စပ်လျဉ်း၍ တရားစွဲဆိုခွင့်ရှိမည် မဟုတ်ပါ။

(၁၃) ဘဏ်၏ စီရင်ပိုင်ခွင့်

(၁၃.၁) ဤသဘောတူညီချက်နှင့်စပ်လျဉ်း၍ ဖြစ်ပေါ်လာသည့် အငြင်းပွားမှုများနှင့် မည်သည့် ဖြစ်ရပ်အတွက်ကို မဆို တရားစီရင်ရာတွင် ပြည်ထောင်စုသမ္မတမြန်မာနိုင်ငံ၏ တရားရုံးတွင် တရားစွဲဆိုနိုင်သည်ဟု Customer အနေဖြင့် သဘောတူပါသည်။
(၁၃.၂) ဘဏ်အား ပေးရန်ကျန်ရှိသည့် မည်သည့် ပမာဏကိုမဆို ပြန်လည်တောင်းခံရာတွင် ဥပဒေရေးရာ ကုန်ကျစရိတ်များအပါအဝင် ဘဏ်၏ ကုန်ကျစရိတ်အားလုံးကို ပေးရန် Customer အနေဖြင့် သဘောတူညီပါသည်။
(၁၃.၃) Customer သည် ဤစည်းမျဉ်းစည်းကမ်းများအား ချိုးဖောက်ခြင်း၊ ဘဏ်စာရင်းနှင့် ဝန်ဆောင်မှုများအား မသမာသောနည်းလမ်း (သို့မဟုတ်) တရားမဝင်သော နည်းလမ်းများဖြင့် အသုံးပြုခြင်း၊ Customer ၏ ဘဏ် စာရင်း၊ ငွေလွှဲပြောင်းမှုများသည် ဥပဒေနှင့်ညီညွတ်ခြင်းမရှိဟု ဘဏ်မှ သံသယဖြစ်ပါက (သို့မဟုတ်) ပြဿနာ ပေါ်ပေါက်စေသော ကိစ္စရပ်များ ဖြစ်ပေါ်လာနိုင်သည်ဟု ယူဆပါက ဘဏ်အနေဖြင့် ဝန်ဆောင်မှုများအား ရပ်ဆိုင်း နိုင်သည်။ ဘဏ်၏ဆုံးဖြတ်ပိုင်ခွင့်အာဏာဖြင့် ဘဏ်သည် ပေးပြီးသောဝန်ဆောင်မှုများအား အကြောင်းပြချက် တစ်စုံတစ်ရာမပေးဘဲ (သို့မဟုတ်) ဤစည်းမျဉ်းစည်းကမ်းများအား မထိခိုက်စေဘဲ ရပ်ဆိုင်းနိုင်သည်။
(၁၃.၄) ဤသဘောတူညီမှုတွင် ပါဝင်သောစည်းမျဉ်းစည်းကမ်းများမှ အချက်အလက် တစ်စုံတစ်ရာ ပျက်ပြယ်ခဲ့ ပါက ကျန်ရှိသော အချက်အလက်များသည် ဆက်လက်တည်ရှိနေမည်ဟု မှတ်ယူရမည်။ ဤသဘောတူညီချက်ပါ စည်းမျဉ်းစည်းကမ်းများတွင် ဥပဒေအရ မဖယ်ထုတ်နိုင်သည့် ဆောင်ရွက်ရမည့် မည်သည့် တာဝန်ရှိမှု တစ်ခုခုမဆို ဖယ်ထုတ် ချန်လှပ်ထားခြင်းမရှိပါ။

(၁၄) ဘဏ်၏တာဝန်ရှိမှုအား ကန့်သတ်ခြင်း

၁၄.၁။ သဘာဝဘေးအန္တရာယ်များ၊ စစ်ဖြစ်ပွားခြင်း၊ အဓိကရုဏ်းဖြစ်ခြင်း၊ ကုန်သွယ်မှုတားမြစ် ပိတ်ပင်ခြင်း၊ အစိုးရအမိန့်နှင့် အခြားသော မမျှော်မှန်းနိုင်သော အခြေအနေများကြောင့် ထိန်းချုပ်ရန် ခက်ခဲသော အခြေအနေများတွင် ဤစည်းမျဉ်းစည်းကမ်းများအား အကောင်အထည်ဖော်ရာ၌ ပျက်ကွက်ခြင်း (သို့မဟုတ်) ကြန့်ကြာခြင်းများ အတွက် ဘဏ်တွင် တာဝန်မရှိစေရ။

(၁၅) အခြား‌သော အကြောင်းအရာများ

(၁၅.၁) ဤလျှောက်ထားမှုကို ဆောင်ရွက်ရာတွင် ဘဏ်အနေဖြင့် မည်သည့်အဖွဲ့အစည်းနှင့်မဆို မှတ်တမ်းယူထား သည့် Customer ၏ မည်သည့်သတင်းအချက်အလက်ကိုမဆို ရယူနိုင်ကြောင်း Customer အနေဖြင့် အသိအမှတ် ပြုပါသည်။
(၁၅.၂) ဘဏ်နှင့် Customer ၏ ဆက်ဆံရေးအခြေအနေ၊ ဆောင်ရွက်မှုတို့နှင့်စပ်လျဉ်းသည့် မည်သည့်သတင်းအချက်အလက်ကိုမဆို ဘဏ်၏ အခြားမည်သည့်ဌာနအပြင် ချေးငွေသတင်းပေးပို့ခြင်းဆိုင်ရာ လုပ်ငန်းအဖွဲ့အစည်း (Credit Bureau) (သို့မဟုတ်) အလားသဏ္ဍာန်တူ အေဂျင်စီတို့မှ အသုံးပြုနိုင်ကြောင်းနှင့် ယင်းတို့ကို ဖွင့်ဟနိုင်ကြောင်း Customer အနေဖြင့် အတည်ပြုပါသည်။
(၁၅.၃) Customer သည် စီမံခန့်ခွဲရေးအမိန့် (Administrative Order) အောက်တွင်ရှိပါက၊ Customer ၏ ပစ္စည်းတို့ကို သိမ်းယူထားပါက (သို့မဟုတ်) အခြားသော မည်သည့်ပုံစံနှင့်မဆို ဥပဒေရေးရာအရ ချို့ယွင်းနေမှုရှိပါက ဘဏ်အား ချက်ချင်းအကြောင်းကြားရမည်။
(၁၅.၄) ဘဏ်သည် ဤစည်းကမ်းသတ်မှတ်ချက်များကို ဘဏ်၏ လုပ်ပိုင်ခွင့်အရ အခါအားလျော်စွာ ပြောင်းလဲ ပြင်ဆင်ဆုံးဖြတ်နိုင်သည်။
(၁၅.၅) ဤစည်းကမ်းသတ်မှတ်ချက်များကို ပြည်ထောင်စုသမ္မတမြန်မာနိုင်ငံ၏ ဥပဒေများဖြင့် လွှမ်းမိုးထားပါသည်။

၁။ သဘောတူညီချက်

ဤသဘောတူညီချက်တွင် ဘဏ်၏ ဒစ်ဂျစ်တယ်ဘဏ်လုပ်ငန်းဝန်ဆောင်မှုများကို အသုံးပြုရာတွင် ဖောက်သည်မှလိုက်နာ ဆောင်ရွက်ရမည့် စည်းမျဉ်းစည်းကမ်းများ ပါဝင်သည်။ ဘဏ်၏ ဒစ်ဂျစ်တယ်ဘဏ်လုပ်ငန်း ဝန်ဆောင်မှုရရှိရန် လျှောက် ထားခြင်းသည် ဤသဘောတူညီချက်ပါ စည်းမျဉ်းစည်းကမ်းများအားလည်းကောင်း၊ ဘဏ်မှ အခါအားလျော်စွာ ထုတ်ပြန်သည့် စည်းမျဉ်းစည်းကမ်းများအားလည်းကောင်း ဖောက်သည်မှ သိရှိနားလည်ပြီး သဘောတူသည် ဟု ဘဏ်မှ မှတ်ယူမည်။ ထို့ကြောင့် အသုံးပြုသူ ဖောက်သည်အနေဖြင့် ဘဏ်မှ အခါအားလျော်စွာ ထုတ်ပြန်သော စည်းမျဉ်းစည်းကမ်းများအား သေချာစွာ ဖတ်ရှုသိရှိနားလည်ထားရမည်။

၂။ သဘောတူညီချက် ပြင်ဆင်ဖြည့်စွက်ခြင်း

ဘဏ်မှ ဤသဘောတူညီချက်ပါ စည်းမျဉ်းစည်းကမ်းများကို မည်သည့်အချိန်တွင်မဆို ပြင်ဆင်ဖြည့်စွက်ပိုင်ခွင့် ရှိသည်။ အရေးပါသောပြင်ဆင်ပြောင်းလဲမှုများရှိပါက ဘဏ်၏ Website တွင်လည်းကောင်း၊ ဘဏ်ခွဲများတွင်လည်းကောင်း အသိပေး ကြေညာမည်ဖြစ်သည်။ ပြင်ဆင်ဖြည့်စွက်ထားသည့် စည်းမျဉ်းစည်းကမ်းများသည် အသိပေးကြေညာသော နေ့စွဲမှစ၍ အကျိုးသက်ရောက်မှုရှိပါမည်။ ဤအပိုဒ်အရ “အရေးပါသော ပြင်ဆင်ပြောင်းလဲမှု” ဆိုသည်မှာ ဘဏ်၏ ဝန်ဆောင်မှုများကို ဖျက်သိမ်းခြင်း၊ အဆုံးသတ်ခြင်း သို့မဟုတ် ဘဏ်၏ဝန်ဆောင်မှုများ သို့မဟုတ် ဝန်ဆောင်မှုပေးသည့် လုပ်ငန်းများကို လျှော့ချခြင်း၊ ဘဏ်၏ဝန်ဆောင်မှုများနှင့် ဝန်ဆောင်သည့် လုပ်ငန်းများအတွက် ဝန်ဆောင်ခများ တိုးမြှင့်ခြင်း သို့မဟုတ် ဝန်ဆောင်ခနှုန်း အသစ်များ ပြောင်းလဲကောက်ခံခြင်း စသည့်တို့ကို ဆိုလိုပါသည်။

၃။ အဓိပ္ပာယ်ဖွင့်ဆိုချက်များ

၃.၁။ ဤစာရွက်စာတမ်းပါ “ဘဏ်” ဆိုသည်မှာ ရိုးမဘဏ် ကို ဆိုလိုသည်။

၃.၂။ “စာရင်း(များ)”ဆိုသည်မှာ ဘဏ်၏ ဒစ်ဂျစ်တယ်ဘဏ်လုပ်ငန်းစနစ်မှ ရယူသုံးစွဲမည့် ဖောက်သည်၏ အပ်ငွေ စာရင်းများ၊ ချေးငွေစာရင်းများ၊ ကတ်စာရင်းများ စသည်တို့ကို ဆိုလိုသည်။

၃.၃။ “Wave Money” ဆိုသည်မှာ Wave Money Account ကို ဆိုလိုသည်။

၃.၄။ “ကတ် (များ)” ဆိုသည်မှာ ဘဏ်၏ ဒစ်ဂျစ်တယ်ဘဏ်လုပ်ငန်းစနစ်မှ ရယူသုံးစွဲမည့် ဖောက်သည်၏ မြီစားကတ်၊ မြီရှင်ကတ် စသည်တို့ကို ဆိုလိုသည်။

၃.၅။ “သဘောတူညီချက်” ဆိုသည်မှာ ဤစာရွက်စာတမ်းကို ဆိုလိုသည်။

၃.၆။ “ညွှန်ကြားချက်” ဆိုသည်မှာ ဒစ်ဂျစ်တယ်ဘဏ်လုပ်ငန်း ဝန်ဆောင်မှုစနစ် မှတဆင့် ဖောက်သည် (သို့မဟုတ်) အသုံးပြုသူက (ကိုယ်တိုင်ဖြစ်စေ၊ ၎င်း၏ ကိုယ်စား အသုံးပြုသူတစ်ဦးဦးက ဖြစ်စေ) ပြုလုပ်ပြီး ဘဏ် က လိုက်နာ ဆောင်ရွက်ရမည့် ညွှန်ကြားချက်ကို ဆိုလိုသည်။

၃.၇။ “ဖောက်သည်/Customer” ဆိုသည်မှာ ဘဏ်တွင် စာရင်းများ၊ ကတ်များ၊ ချေးငွေများ သို့မဟုတ် အခြား ဝန်ဆောင်မှုများကို ရယူထားသည့် သို့မဟုတ် အသုံးပြုသည့် တရားဝင်အဖွဲ့အစည်းများ (သို့မဟုတ်) လူပုဂ္ဂိုလ်တစ်ဦးတစ်ယောက်ချင်းစီကို ဆိုလိုသည်။

(က) အကယ်၍ စာရင်းများနှင့်ကတ်များ ကို ပိုင်ဆိုင် သည့် Customer တစ်ဦးချင်းသည် ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်အသုံးပြုနိုင်ခြင်းမရှိပါက ထိုသူသည် Customer သာလျှင် ဖြစ်ပြီး ဒစ်ဂျစ်တယ်ဘဏ်လုပ်ငန်းစနစ်သို့ ၎င်း၏ ကိုယ်စား ဝင်ရောက် အသုံးပြုရန်အတွက် အခြား လူပုဂ္ဂိုလ်တစ်ဦးဦးအား User အဖြစ် ခန့်အပ် ရမည်။

(ခ) အဖွဲ့အစည်းများ နှင့် ကုမ္ပဏီအားလုံးသည် Customer များသာ ဖြစ်သည်။ အဖွဲ့အစည်း သို့မဟုတ် ကုမ္ပဏီတစ်ခုကို လူပုဂ္ဂိုလ် တစ်ဦးချင်းကဲ့သို့ စစ်မှန်မှု အတည်ပြုခြင်း မပြုလုပ်နိုင်သဖြင့် ယင်း၏ ကိုယ်စားလှယ်များက User များအဖြစ် ဆောင်ရွက်ရသည်။ ဤ စည်းကမ်းသတ်မှတ်ချက်များနှင့်အညီ User ၏ ဆောင်ရွက်ချက်မှန်သမျှကို Customer ၏ ဆောင်ရွက်ချက်အဖြစ် မှတ်ယူပါသည်။

(ဂ) အကယ်၍ လူပုဂ္ဂိုလ်တစ်ဦးသည် ဝန်ဆောင်မှုများဖြစ်သော စာရင်းများနှင့် ကတ်များ စသည်တို့ကို မပိုင်ဆိုင်သော်လည်း ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်အသုံးပြုရန် အမှတ်အသား (Log In ID) ရှိပြီး Customer ၏ ကိုယ်စား လုပ်ဆောင်ချက်များကို ဆောင်ရွက်နိုင်ပါက ထိုသူသည် User သာလျှင် ဖြစ်သည်။

(ဃ) အကယ်၍ Customer သည် လူပုဂ္ဂိုလ်တစ်ဦးဖြစ်ပြီး ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်အသုံးပြုရန် အမှတ်အသား (Log In ID) ရှိပါက ထိုသူသည် User လည်း ဖြစ်သည်၊ Customer လည်း ဖြစ်သည်။ ထိုသူသည် အခြား ဖောက်သည်များ၏ ကိုယ်စားဆောင်ရွက်ခွင့် မရှိသော်လည်း ယင်း၏ကိုယ်ပိုင်စာရင်းများကို စီမံခန့်ခွဲပြီး ယင်းကိုယ်တိုင်၏ User အဖြစ် ဆောင်ရွက်နေသည်။ အကယ်၍ Customer တစ်ဦးသည် ယင်း၏ကိုယ်စား ဆောင်ရွက်ရန် User (များ) ကို ခန့်အပ်ထားပြီး အခြား Customer များ၏ ကိုယ်စားဆောင်ရွက်ရန် လည်းလုပ်ပိုင်ခွင့် ရယူထားပါက ထိုသူသည် User လည်းဖြစ်သည်၊ Customer လည်း ဖြစ်သည်။

၃.၈။ “အသုံးပြုသူ/User” ဆိုသည်မှာ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်အသုံးပြုခွင့်ရှိသည့် လူပုဂ္ဂိုလ်ကို ဆိုလိုသည်။ အသုံးပြုသူတိုင်းသည် အကောင့်တစ်ခုအတွက် ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်အသုံးပြုနိုင်သည့် အမှတ်အသား (Log In ID) ရရှိနိုင်ပြီး ယင်းစနစ်ဖြင့်လုပ်ငန်းဆောင်ရွက်ရန် နှင့် ဆုံးဖြတ်နိုင်ရန် လုပ်ကိုင်ခွင့် ပေးအပ်ခြင်းခံရသူ ဖြစ်ပါသည်။

၃.၉။ “အသုံးပြုသူအမည်/ အမှတ်အသား (User Name/ User ID/ Client ID/ Login ID/ Alias)” ဆိုသည်မှာ မည်သည့် စကားလုံးကို အသုံးပြုသည်ဖြစ်စေ ဘဏ်၏ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ရန်အတွက် လိုအပ်သော အသုံးပြုသူ၏ အမှတ်အသား ဖြစ်ပါသည်။

၃.၁၀။ “ဖောက်သည်၏အမှတ်အသား (Party ID/ Customer ID/ CIF ID)” ဆိုသည်မှာ မည်သည့်စကားလုံးကို အသုံးပြု သည်ဖြစ်စေ ဘဏ်၏ Core Banking System တွင် မှတ်တမ်းတင်ထားရှိသည့် ဖောက်သည်၏ ကိုယ်ရေးအချက်အလက်များ နှင့် စာရင်းဆိုင်ရာ အချက်အလက်များကို သိမ်းဆည်းထားသော ဖိုင်၏ အမှတ်အသားကို ဆိုလိုသည်။ Party ID ကို ဒစ်ဂျစ်တယ်ဘဏ်လုပ်ငန်းစနစ်တွင် CIF ID ဟု ခေါ်ဆိုပြီး ဖောက်သည်၏ အချက်အလက်များကို Core Banking System မှ ရယူရာတွင် အသုံးပြုသည်။

၃.၁၁။ “Core Banking System (CBS)” ဆိုသည်မှာ အခြေခံဘဏ်လုပ်ငန်းဝန်ဆောင်မှုများဖြစ်သော အပ်ငွေများ လက်ခံခြင်း၊ ချေးငွေများထုတ်ချေးခြင်း၊ ချေးငွေပြန်လည်ပေးဆပ်ခြင်း၊ ငွေထုတ်ယူခြင်း၊ စာရင်းမှတ်တမ်းများထားရှိခြင်း၊ ငွေရေးကြေးရေးဆိုင်ရာ အစီရင်ခံစာများ ထုတ်ပေးခြင်း အစရှိသည်တို့ကို ဆောင်ရွက်ရန်အတွက် ဘဏ်မှ အသုံးပြုသည့် ကွန်ပျူတာနည်းပညာဆိုင်ရာ “ဗဟိုပြုဘဏ်လုပ်ငန်းစနစ်” ဆိုလိုသည်။

၃.၁၂။ “ဒစ်ဂျစ်တယ်ဘဏ်လုပ်ငန်း (Digital Banking)” ဆိုသည်မှာ အင်တာနက်ဝန်ဆောင်မှုကို အသုံးပြုပြီး ဖောက်သည်မှ စတင်၍ ဘဏ်လုပ်ငန်းဝန်ဆောင်မှုများကို အစအဆုံး လုံခြုံစိတ်ချ လွယ်ကူချောမွေ့စွာ ဆောင်ရွက်နိုင်ပြီး အသုံးဝင်မှုအများဆုံး ရရှိစေနိုင်သည့် နည်းပညာသုံး ဘဏ်လုပ်ငန်းစနစ်တစ်ခုဖြစ်ပြီး ဘဏ်၏ ဒစ်ဂျစ်တယ်ဘဏ်လုပ်ငန်းစနစ်သို့ Online Channel နှင့် Mobile Channel များမှ ဝင်ရောက် အသုံးပြုနိုင်ပါသည်။

၃.၁၃။ “Online Channel” ဆိုသည်မှာ Computer/Laptop/ Tablet/ Mobile ၏ Web browser များတွင် ဘဏ်၏ URL https://onlinebanking.yomabank.com မှ ဒစ်ဂျစ်တယ်ဘဏ်လုပ်ငန်းဝန်ဆောင်မှုများကို ရယူဆောင်ရွက်နိုင်သည့် ဝန်ဆောင်မှုလမ်းကြောင်း ဖြစ်သည်။

၃.၁၄။ “Mobile Channel” ဆိုသည်မှာ ဘဏ်၏ “Yoma Bank Mobile Banking Application” ကို ရည်ညွှန်းခြင်းဖြစ်ပြီး Smart Phone, Tablet စသည်တို့မှတစ်ဆင့် ဒစ်ဂျစ်တယ်ဘဏ်လုပ်ငန်း ဝန်ဆောင်မှုများကို ရရှိနိုင်သည့် ဝန်ဆောင်မှု လမ်းကြောင်း ဖြစ်သည်။

၃.၁၅။ “စကားဝှက် (Password)” ဆိုသည်မှာ ဘဏ်၏ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ရာတွင် User ၏ ဖုန်းသို့ SMS ဖြင့်ပေးပို့သည့် အတည်ပြုစစ်ဆေးရန် လိုအပ်သော၊ အသုံးပြုသူမှ ကိုယ်တိုင် မဖြစ်မနေ ပြောင်းလဲ အသုံးပြုရမည်ဖြစ်သော လျှို့ဝှက်ဂဏန်း/စာလုံးများကို ဆိုလိုသည်။

၃.၁၆။ “တစ်ခါသုံးစကားဝှက် (One Time Password/OTP)” ဆိုသည်မှာ ဘဏ်၏ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ရာတွင်လည်းကောင်း၊ ဒုတိယအဆင့် အတည်ပြုစစ်ဆေးမှု ပြုလုပ်ရာတွင်လည်းကောင်း အသုံးပြုရန်လိုအပ်သော တစ်ခါသုံး လျှို့ဝှက်ဂဏန်း/စာလုံးများကို ဆိုလိုသည်။

၃.၁၇။ “Mobile Token” ဆိုသည်မှာ ဘဏ်၏ Yoma Bank Mobile Banking Application တွင်ပါရှိသည့် Secure Code Generator, Manual Signing, QR Code Signing နည်းများဖြင့် “OTP” ကို ထုတ်ပေးသည့် လုပ်ဆောင်ချက်ကို ဆိုလိုသည်။

၃.၁၈။ “Security Codes” ဆိုသည်မှာ “User ID/ Client ID/ Login ID/ Alias”, “Password”, “One Time Password (OTP)” တို့ကို စုပေါင်းခေါ်တွင်သော “လုံခြုံရေးသင်္ကေတများ” ကို ဆိုလိုသည်။

၃.၁၉။ “Products” ဆိုသည်မှာ ဘဏ်တွင်ဖွင့်လှစ်ထားရှိသည့် အသုံးပြုသူ၏ စာရင်းများနှင့်ကတ်များစသည့် “ဘဏ်၏ဝန်ဆောင်မှုများ” ကို ဆိုလိုသည်။

၃.၂၀။ “Web Browser” ဆိုသည်မှာ ဘဏ်၏ ဒစ်ဂျစ်တယ်ဘဏ်လုပ်ငန်းစနစ်သို့ ဘဏ်မှ ခွင့်ပြုသည့် ကိရိယာများကို အသုံးပြုပြီး ဝင်ရောက်နိုင်သည့် Browser များကို ဆိုလိုသည်။

၃.၂၁။ “ကိရိယာ(များ)/Device(s)” များဆိုသည်မှာ ဘဏ်၏ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ရာတွင် လိုအပ်သော ဘဏ်စနစ်မှ ခွင့်ပြုသည့် Desktop များ၊ Tablet များ၊ iPad များ၊ Android Tablet များ၊ iOS ဖုန်းများနှင့် Android ဖုန်းများကို ဆိုလိုသည်။

၃.၂၂။ “ဆက်သွယ်ရန်လိပ်စာ” ဆိုသည်မှာ ဘဏ်၏ Core Banking System တွင် မှတ်တမ်းတင်ထားရှိသည့် အသုံးပြု၏ ဆက်သွယ်ရန်လိပ်စာ (Email address/Primary Phone Number) ကို ဆိုလိုသည်။

၃.၂၃။ “ဆက်သွယ်ရေးလိုင်းများ” ဆိုသည်မှာ ဘဏ်၏ ဒစ်ဂျစ်တယ်ဘဏ်လုပ်ငန်းဝန်ဆောင်မှုကို ရရှိရန် လိုအပ်သော မိုဘိုင်းဆက်သွယ်ရေးလိုင်းများနှင့် အင်တာနက်လိုင်းများကို ဆိုလိုသည်။

၃.၂၄။ “Call Center” ဆိုသည်မှာ ဘဏ်၏ Call Center ဖုန်းနံပါတ် “9662” (သို့မဟုတ်) “097 9662 9662” ကို ဆိုလိုသည်။

၃.၂၅။ “Website” ဆိုသည်မှာ ဘဏ်၏ တရားဝင် အင်တာနက် စာမျက်နှာဖြစ်သည့် www.yomabank.com ကို ဆိုလိုသည်။

၃.၂၆။ “User Guide” ဆိုသည်မှာ ဒစ်ဂျစ်တယ် ဘဏ်လုပ်ငန်းဝန်ဆောင်မှုများကို အသုံးပြုသူမှ စနစ်တကျ အလွယ်တကူ အသုံးပြုနိုင်စေရန်ရည်ရွယ်၍ ဘဏ်မှ အခါအားလျော်စွာ ထုတ်ပြန်ပြီး ဘဏ်ခွဲများတွင် လည်းကောင်း၊ ဘဏ်၏ Website တွင်လည်းကောင်း ဖြန့်ဝေပေးသည့် Online Channel User Guide နှင့် Mobile Channel (Andriod/iOS) User Guide များကို ဆိုလိုသည်။

၃.၂၇။ “Rooted/Jailbroken Devices” ဆိုသည်မှာ စက်ပစ္စည်းထုတ်လုပ်ရောင်းချသူမှ ကန့်သတ်ထားသည့် ကန့်သတ် ချက်များကို ဖယ်ရှားထားသည့် စက်ပစ္စည်းများကို ဆိုလိုသည်။ Rooting/Jailbreaking ပြုလုပ်ထားခြင်းဖြင့် စက်များတွင် Malicious apps များ၏ ထိခိုက်လွယ်မှု အန္တရာယ်ရှိနိုင်ပါသည်။

၃.၂၈။ ပြင်ပဘဏ် ဆိုသည်မှာ CBM-Net2 မှတစ်ဆင့် ငွေပေးချေမှုများကို လက်ခံနိုင်သော မြန်မာနိုင်ငံရှိ ဘဏ်ကို ဆိုလိုခြင်းဖြစ်သည်။

၃.၂၉။ ပြင်ပအကောင့်နံပါတ်ဆိုသည်မှာ ပြင်ပဘဏ်အကောင့်တစ်ခု၏ ဘဏ်အကောင့်နံပါတ်ကို ဆိုလိုသည်။

၃.၃၀။ ပြင်ပဘဏ်အကောင့်ဆိုသည်မှာ ပြင်ပဘဏ်တစ်ခုနှင့် ဘဏ်အကောင့်တစ်ခုဖြစ်သည်။

၃.၃၁။ ပြင်ပဘဏ်ငွေလွှဲခြင်းဆိုသည်မှာ ရိုးမဘဏ်အကောင့်မှ ပြင်ပဘဏ်အကောင့်တစ်ခုသို့ လွှဲပြောင်းခြင်းကို ဆိုလိုပါသည်။

၃.၃၂။ External Beneficiary ဆိုသည်မှာ ပြင်ပဘဏ်အကောင့်တစ်ခု၏ အကောင့်ပိုင်ရှင်ကို ဆိုသည်။

၄။ ဒစ်ဂျစ်တယ်ဘဏ်လုပ်ငန်းဝန်ဆောင်မှုများ

၄.၁။ ဒစ်ဂျစ်တယ်ဘဏ်လုပ်ငန်းဝန်ဆောင်မှုများမှာ ငွေစာရင်းလွှဲပြောင်းခြင်းစသည့် ငွေကြေးလုပ်ဆောင်ချက်များ (Financial Functions)၊ ငွေလက်ကျန်စစ်ဆေးခြင်း၊ ဘဏ်ရှင်းတမ်းကြည့်ရှုခြင်း စသည့် ငွေကြေး မဟုတ်သော လုပ်ဆောင်ချက်များ (Non-Financial Functions) နှင့် ချိတ်ဆက်အသုံးပြုသည့် စက်ပစ္စည်းများကို စီမံခန့်ခွဲခြင်း အစရှိသည့် အခြားဝန်ဆောင်မှုများ (Other Functions) ပါဝင်ပြီး ဘဏ်မှ အခါအားလျော်စွာ ထုတ်ပြန်ကြေညာသည့် ဝန်ဆောင်မှုများပါဝင်သည်။ အသေးစိတ် လုပ်ဆောင်ချက်များကို ပူးတွဲပါ Appendix_Yoma Bank_ Digital Banking Services တွင်လည်းကောင်း၊ ဘဏ်၏ Website တွင် လည်းကောင်းကြည့်ရှုနိုင်ပါသည်။

၅။ လိုအပ်ချက်များ

၅.၁။ အသုံးပြုသူသည် ဒစ်ဂျစ်တယ်ဘဏ်လုပ်ငန်းဝန်ဆောင်မှုများကို အသုံးပြုနိုင်ရန်အတွက် လိုအပ်သော စာရွက်စာတမ်းများ (ဥပမာ – လျှောက်လွှာများ၊ User ၏ နိုင်ငံသားစိစစ်ရေးကတ် သို့မဟုတ် နိုင်ငံကူးလက်မှတ် မိတ္တူ စသည်) ကို ဘဏ်သို့ တင်သွင်းလျှောက်ထားရမည့်အပြင် ဆက်သွယ်ရန်အတွက် Email နှင့် အဓိက အသုံးပြုနိုင်သော ဖုန်းနံပါတ်တို့ကို ပေးအပ်ရမည်။ Customer ၏ အေးဂျင့်အဖြစ်ဆောင်ရွက်ပြီး Customer ၏ ကိုယ်စား Customer ၏ အ‌ကောင့်ကို အသုံးပြု၍ လုပ်ငန်းဆောင်ရွက်မည့် User အတွက် အဆိုပါ User ၏ စစ်မှန်မှု နှင့် လုပ်ပိုင်ခွင့်တို့ကို ဘဏ်မှ အတည်ပြုနိုင်ရန် Customer သည် လိုအပ်သော စာရွက်စာတမ်းများနှင့်အချက်အလက်များအားလုံးကို ဘဏ်သို့ ပေးအပ်ရမည်။ ကနဦး အသုံးပြုရမည့် User ID ပေးပို့ရန်အတွက် User ၏ Email ကိုလည်းကောင်း၊ ဒုတိယအဆင့် အတည်ပြု စစ်ဆေးရန် အသုံးပြုသည့် OTP ကို ပေးပို့ရန်အတွက် User ၏ Email နှင့် သို့မဟုတ် ဖုန်းနံပါတ်တို့ကိုလည်းကောင်း အသုံးပြုမည်ဖြစ်သည်။ Customer သည် ဘဏ်က ထိုသို့ ဆောင်ရွက်ပေးခြင်း သို့မဟုတ် ဘဏ်၏ ဒစ်ဂျစ်တယ်ဘဏ်လုပ်ငန်းဝန်ဆောင်မှုများကို အသုံးပြုခြင်းနှင့် စပ်လျဉ်း၍ ဖြစ်ပေါ်လာနိုင်သည့် နောက်ဆက်တွဲ ဆုံးရှုံးနိုင်ခြေအလားအလာများကို လက်ခံရန် သဘောတူပါသည်။

၅.၂။ User ပြောင်းလဲသည့်အခါ Customer သည် ပြောင်းလဲမှု အကြိုးသက်ရောက်စေရန် (ဘဏ်သို့ လိုအပ်သော စာရွက်စာတမ်းများနှင့် အချက်အလက်များအားလုံးကို ပေးအပ်ခြင်း အပါအဝင်) လျှောက်ထား အသုံးပြုခွင့် ဖောင်ကို ဘဏ်သို့ တင်ပြရမည်။ Customer သည် အဆိုပါ လျှောက်ထားဖောင်များကို အနည်းဆုံး အလုပ်ဖွင့်ရက် ခုနစ်ရက် (၇)ရက် ကြိုတင်၍ ဘဏ်သို့ လျှောက်ထားရမည်။ ပြောင်းလဲမှုကို အကြိုးသက်ရောက်စေရန် Customer ၊ တည်ဆဲ User နှင့် အစားထိုးရန် ရည်ရွယ်ထားသော User တို့သည် ဘဏ်က ညွှန်ကြားထားသည့်အတိုင်း လိုအပ်သော ဆောင်ရွက်ခြင်းများကို ဆောင်ရွက်ရမည်ဖြစ်ပြီး လိုအပ်သော စာရွက်စာတမ်းများအားလုံးကို ပေးအပ်ရမည်။

၅.၃။ ဘဏ်၏ ဒစ်ဂျစ်တယ်ဘဏ်လုပ်ငန်းဝန်ဆောင်မှုကို ရရှိရန် ဆက်သွယ်ရေးလိုင်းများ လိုအပ်သည့်အပြင် ဘဏ်မှ အခါအားလျော်စွာ ပြောင်းလဲပြင်ဆင်မည့် အောက်ဖော်ပြပါ လိုအပ်ချက်များ ရှိထားရန် လိုအပ်သည် –

(က) Online Channelမှ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ရန် Desktop ကွန်ပျူတာများ အတွက် Windows, Internet Explorer 11, Firefox last ESR and actual, Opera (actual), Chrome (actual), Microsoft Edge (actual), Mac, Safari (actual, version 10 is not supported) စသည့် Web Browser များ၊ Tablet browsers အတွက် iPad, Safari (actual), Android Tablet, Chrome (actual), Windows Tablet, Internet Explorer 11, Microsoft Edge (actual) များ။

(ခ) Yoma Bank App/Mobile Channelမှ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ရန် Android ဖုန်းအသုံးပြုသူများအတွက် Android Versions – 4.4, 5.0, 5.1, 6.0, 7.0, 7.1, 8.0, 8.1, 9.0, Android Wear 1.4, 2.0 နှင့် 2.1 နှင့် iOS ဖုန်း အသုံးပြုသူများအတွက် iOS Versions – 9.x, 10.x, 11.x, 12, 13 နှင့ျ iOS WatchOS – 2.2, 3.0, 4.0 နှင့် 5.0 ။

၆။ အတည်ပြုစစ်ဆေးခြင်း

၆.၁။ Security Codes – ဒစ်ဂျစ်တယ်ဘဏ်လုပ်ငန်းစနစ်သို့ ပထမဦးဆုံးအကြိမ် ဝင်ရောက်ခြင်းအတွက် ဘဏ်မှ ပေးပို့သော ကနဦး “Login ID/ Alias” နှင့် “Password” ကို အသုံးပြုရမည်။ ထို့နောက် အသုံးပြုသူမှ မိမိ ကြိုက်နှစ်သက်ရာ “Password” ကို မဖြစ်မနေ ပြောင်းလဲအသုံးပြုရမည်ဖြစ်ပြီး Login ID/Alias ကို ပြောင်းလဲ အသုံးပြုရန် အကြံပြုပါသည်။ Online Channel တွင် Anti-phishing Image ကို ထပ်ဆင့် ရွေးချယ်အသုံးပြုရမည်ဖြစ်ပြီး Mobile Channelတွင် PIN/Pattern or Touch ID ကို ထပ်ဆင့် ရွေးချယ်အသုံးပြုရမည်။

(က) Password ကို ပြောင်းလဲအသုံးပြုရာတွင် အနည်းဆုံး စာလုံးကြီး (၁) လုံး၊ စာလုံးသေး (၁) လုံး၊ ဂဏန်း (၁)လုံး ပါရှိရမည်ဖြစ်ပြီး စုစုပေါင်း စာလုံး အနည်းဆုံး (၈) လုံးမှ အများဆုံး (၁၆) လုံးအထိ ထည့်သွင်း အသုံးပြုနိုင်သည်။ အထူးစကားလုံးများ (#, @, *, စသည့် သင်္ကေတများ) ကို အသုံးမပြုနိုင်ပါ။ Password ပြောင်းလဲအသုံးပြုရာတွင် နောက်ဆုံးအသုံးပြုခဲ့ပြီးဖြစ်သော Password (၃) ခုကို ပြန်လည်အသုံးပြု၍ မရပါ။

(ခ) PIN ကို အသုံးပြုရာတွင် အလွန်ရိုးစင်းသော ကိန်းဂဏန်းများ၊ ထပ်တူကျသည့်ကိန်းဂဏန်းများ၊ ငယ်စဉ် ကြီးလိုက် (သို့မဟုတ်) ကြီးစဉ်ငယ်လိုက် စီစဉ်ထားသည့် ကိန်းဂဏန်းများ ပေါင်းစပ်ထားခြင်း ဖြစ်သည့် PIN ကို ရွေးချယ် အသုံးပြုခွင့်မရှိပါ။ PIN ကို (၅) ကြိမ်တိုင်တိုင် မှားယွင်းထည့်သွင်းမိပါက အသုံးပြုသူကို စနစ်သို့ ဝင်ရောက်နိုင်ခွင့် ယာယီ ဆိုင်းငံ့ထားမည် ဖြစ်သည်။

(ဂ) Pattern ကို အသုံးပြုရာတွင် အနည်းဆုံး အမှတ် (၆) မှတ်ကို ချိတ်ဆက်အသုံးပြုရမည်ဖြစ်ပြီး ဖြတ်မှတ် တစ်ခုရှိရမည်။

၆.၂။ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ရန်အတွက် ပထမအဆင့် အတည်ပြုစစ်ဆေးခြင်း (First Level Authentication) ကို မဖြစ်မနေ ဆောင်ရွက်ရမည်။ ငွေစာရင်းလွှဲပြောင်းခြင်း၊ အရေးပါသော ကိုယ်ရေးအချက်အလက်များ ပြောင်းလဲခြင်း စသည်တို့အတွက် ဒုတိယအဆင့် အတည်ပြုစစ်ဆေးခြင်း (Second Level Authentication) နည်းဖြင့် ထပ်ဆင့်အတည်ပြု စစ်ဆေးမည်။

၆.၃။ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်အသုံးပြုရာတွင် Mobile Channel မှ ပထမအဆင့် အတည်ပြု စစ်ဆေးခြင်းအတွက် PIN/Pattern (သို့မဟုတ်) Touch ID ကိုအသုံးပြုရန်၊ ဒုတိယအဆင့် အတည်ပြု စစ်ဆေးခြင်းအတွက် SMS OTP ကိုအသုံးပြုရန်၊ SMS OTP ကို ဘဏ်၏ Core Banking System တွင် မှတ်တမ်းတင်ထားရှိသည့် ဖောက်သည် သို့မဟုတ် ၎င်း၏ User(များ) ၏ အဓိက အသုံးပြုနေသော ဖုန်းနံပါတ် သို့ ပေးပို့မည် ဖြစ်ပါသည်။ Password ကို အသုံးပြုပြီး Online Channel မှ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်သည့် User သည် Mobile Device ရှိထားပြီးဖြစ်ပါက SMS OTP (သို့မဟုတ်) Mobile Token OTP ကြိုက်နှစ်သက်ရာကို ရွေးချယ်အသုံးပြုနိုင်ပါသည်။

၇။ ဒစ်ဂျစ်တယ်ဘဏ်လုပ်ငန်းစနစ်သို့ဝင်ရောက်အသုံးပြုခြင်း

၇.၁။ ဝင်ရောက်အသုံးပြုနိုင်သောအချိန် – ဘဏ်စနစ်များကို ပြုပြင်ထိန်းသိမ်းရန် လိုအပ်ချိန်မှလွဲ၍ ဒစ်ဂျစ်တယ်ဘဏ် လုပ်ငန်းစနစ်သို့ ၂၄ နာရီ၊ ပိတ်ရက်မရှိ ဝင်ရောက်အသုံးပြုနိုင်ပါမည်။

၇.၂။ ဒစ်ဂျစ်တယ် ဘဏ်လုပ်ငန်းစနစ်ကို ဝင်ရောက်အသုံးပြုရာတွင် စနစ်တကျ လွယ်ကူစွာ အသုံးပြုနိုင်စေရန် Customer နှင့် User များသည် ဘဏ်က အခါအားလျော်စွာ ထုတ်ပြန်သည့် Online Channel User Guide နှင့် Mobile Channel (Android/iOS) User Guide များကို လိုက်နာဆောင်ရွက်ရမည်။

၇.၃။ အသုံးပြုသူနှင့် စာရင်းများ၏ ပတ်သက်ဆက်နွှယ်မှု (Relationship between user and Account) အပေါ်မူတည်ပြီး အသုံးပြုသူ၏ ငွေစာရင်းလုပ်ဆောင်ချက်များတွင် ကန့်သတ်ချက်များရှိနိုင်သည်။

(က) Customer သည် မိမိစာရင်းအား အသုံးပြုရာတွင် မိမိကိုယ်တိုင် User အဖြစ် ဆောင်ရွက်သည်ဖြစ်စေ၊ မိမိ၏ ကိုယ်စားလှယ်အဖြစ် အခြားလူပုဂ္ဂိုလ်တစ်ဦးဦးအား ခန့်အပ်ပြီး User အဖြစ် ဆောင်ရွက်သည်ဖြစ်စေ၊ (၎င်း၏ ဘဏ်စာရင်းများအချင်းချင်းဖြစ်စေ သို့မဟုတ် ပြင်ပဘဏ်စာရင်းများသို့ လွှဲပြောင်းခြင်းအပါအဝင်) ၎င်း၏ ဘဏ်စာရင်း (များ) နှင့် စပ်လျဥ်း၍ ဘဏ်သို့ ပေးအပ်သော ညွှန်ကြားချက်မှန်သမျှကို တာဝန်ယူရမည်။

(ခ) ညွှန်ကြားချက်ပေးသူ မည်သူမည်ဝါဖြစ်ကြောင်း စုံစမ်းအတည်ပြုခြင်း သို့မဟုတ် လုပ်ပိုင်ခွင့်ကို စစ်ဆေးခြင်းအပါအဝင် အဆိုပါ ညွှန်ကြားချက်နှင့် ပတ်သက်သော အချက်အလက်များ ကို စစ်ဆေးခြင်းမပြုဘဲ ဘဏ်သည် Customer သို့မဟုတ် User ၏ ထိုညွှန်ကြားချက်အတိုင်းသာ ယုံကြည်ဆောင်ရွက်မည် ဖြစ်ကြောင်း (ဘဏ်က ထိုသို့ ဆောင်ရွက်ရန်အတွက် Customer က ဤစည်းကမ်းသတ်မှတ်ချက်များနှင့်အညီ ခွင့်ပြုပေးပြီးဖြစ်ကြောင်း) ကို Customer က သဘောတူညီပါသည်။ User ကို Customer ၏ Agent (ကိုယ်စားလှယ်) ဖြစ်သည်ဟုမှတ်ယူပြီး User က စာရင်းနှင့် ပတ်သက်၍ အသုံးပြုလုပ်ဆောင်သော ဆောင်ရွက်ချက်အားလုံးသည် Customer ၏ တရားဝင် ခွင့်ပြုချက်အရ ဆောင်ရွက်ခြင်းဖြစ်သည်ဟု မှတ်ယူရန် Customer က သဘောတူညီပါသည်။ Customer သည် User ၏ ဆောင်ရွက်ချက်နှင့် ပျက်ကွက်မှုအားလုံးအတွက် တာဝန်ရှိပါသည်။

(ဂ) ဘဏ်သည် Customer ၏ ညွှန်ကြားချက်နှင့်အညီ ဆောင်ရွက်ရသော မည်သည့်လုပ်ရပ်ကိုမဆို တာဝန် သို့မဟုတ် ပေးလျှော်ရန် တာဝန်မရှိကြောင်း Customer က သဘောတူညီပါသည်။ Customer သည် ၎င်းကိုယ်တိုင် User အဖြစ် ဆောင်ရွက်၍ ပေးအပ်သော သို့မဟုတ် ၎င်း၏ ကိုယ်စား User အဖြစ် ဆောင်ရွက်ကျသော ပုဂ္ဂိုလ်တစ်ဦးဦးက ပေးအပ်သော သို့မဟုတ် ၎င်းးက သိရှိသော သို့မဟုတ် ၎င်း၏ ခွင့်ပြုချက်ရရှိသော ပုဂ္ဂိုလ်တစ်ဦးက ပေးအပ်သော ညွှန်ကြားချက်မှန်သမျှတို့ကို တာဝန်ယူရမည်။

(ဃ) Customer သည် ညွှန်ကြားချက် နှင့် စပ်လျဥ်းသော သို့မဟုတ် ညွှန်ကြားချက်များ၏ တစ်စိတ်တစ်ဒေသကို ဖြစ်စေ ပေးအပ်သော အချက်အလက်များ ပြည့်စုံ၊ တိကျ၊ မှန်ကန်မှုရှိစေရန် တာဝန်ရှိပါသည်။

(င) ညွှန်ကြားချက်သည် အခြေအနေ သို့မဟုတ် စည်းကမ်းချက်တစ်ရပ်အပေါ် မူတည်သည့် ညွှန်ကြားချက်မျိုး မဖြစ်စေရဘဲ ဘဏ်သည် ထိုသို့သော ညွှန်ကြားချက်များကို ရရှိစေကာမူ သို့မဟု‌တ် စည်းကမ်းချက်တစ်ရပ်ရပ်အပေါ် မူတည်ခြင်း မရှိသော ညွှန်ကြားချက် ကဲ့သို့ မှတ်ယူလျှက် ဆောင်ရွက်ခွင့် ရှိပါသည်။

(စ) Customer သည် အကြောင်းတစ်ခုခုကြောင့် ဝန်ဆောင်မှုအား အသုံးပြုခွင့်မရရှိခြင်း (သို့မဟုတ်) စနစ်၏ ချို့ယွင်းမှုကြောင့် အသုံးပြု၍ မရနိုင်ခြင်း၊ ဝန်ဆောင်မှုအား အသုံးပြုနိုင်ရန် တပ်ဆင်ထားသော ကိရိယာများ၏ ချို့ယွင်းမှုကြောင့် အသုံးပြု၍မရသည့် အခြေအနေများတွင် ဘဏ်က အသုံးပြုသည့်သတင်းအချက်အလက်များ ရရှိနိုင်ရန်နှင့် Customer က ညွှန်ကြားချက်ပေးနိုင်ရန်အတွက် နည်းလမ်းများကို ညွှန်ကြားရန်မှာ Customer ၏ တာဝန်သာ ဖြစ်ကြောင်း သဘောတူညီပါသည်။

(ဆ) Customer ၏ ညွှန်ကြားချက်သည် ဗဟိုဘဏ်၏ချမှတ်ထားသော ဥပဒေစည်းမျဉ်းစည်းကမ်းများ၊ အုပ်ချုပ်ရေး၊ တရားရုံး (သို့မဟုတ်) စီမံခန့်ခွဲရေးအရ ထုတ်ပြန်သော အမိန့် ကြေညာချက်များ၊ ညွှန်ကြားချက် များနှင့် ကိုက်ညီမှု မရှိဟု ဘဏ်က ထင်မြင် ယူဆပါက Customer ၏ ထို ညွှန်ကြားချက်အား ဘဏ်မှ လိုက်နာဆောင်ရွက်ပေးရန်တာဝန် မရှိပါ။ ထိုကဲ့သို့သော ကိစ္စမျိုးအတွက် ဘဏ်သည် ညွှန်ကြားချက်အတိုင်း လိုက်နာဆောင်ရွက်ရန် တာဝန်မရှိပါ။

(ဇ) တစ်ဦးချင်းစာရင်း အသုံးပြုသူများသည် ထိုစာရင်းနှင့် ပတ်သက်သည့် လုပ်ဆောင်မှုများအား ဆောင်ရွက်နိုင်မည်ဖြစ်ပြီး ထိုသို့ဆောင်ရွက်ရာတွင် ဘဏ်၏ ခွင့်ပြုချက်အတိုင်းသာ ဆောင်ရွက်ရမည်။

(ဈ) ပူးတွဲစာရင်းကို အသုံးပြုမည့်သူတစ်ဦးသည် ကျန်ပူးတွဲစာရင်းပိုင်ရှင်များ၏ သဘောတူညီမှုရရှိထားရန် လိုအပ်ပါသည်။ ပူးတွဲစာရင်းပိုင်ရှင်များအားလုံးသည် ဒစ်ဂျစ်တယ်ဘဏ်လုပ်ငန်း ဝန်ဆောင်မှု လျှောက်ထားရာတွင် လက်မှတ်ရေးထိုးထားရန် လိုအပ်မည်ဖြစ်ပြီး ပူးတွဲစာရင်းပိုင်ရှင်များထဲမှ တစ်ဦးဦးအား User အဖြစ် သတ်မှတ်၍ လုပ်ပိုင်ခွင့်အာဏာ ပေးအပ်ထားရမည် ဖြစ်သည်။ ပူးတွဲစာရင်း ဖွင့်လှစ်အသုံးပြုရာတွင် ထိုစာရင်းနှင့် ပတ်သက်သည့် စည်းမျဉ်းစည်းကမ်း သဘောတူညီမှုများအတွက် ပူးတွဲစာရင်းအသုံးပြုသူ တစ်ဦးချင်းစီနှင့် အားလုံး၌ စုပေါင်း၍ တာဝန် ရှိကြောင်း နားလည်သဘောပေါက်ကြရမည် ဖြစ်သည်။ ပူးတွဲစာရင်း အသုံးပြုသူများအနက် တစ်ဦးတစ်ယောက်မှသော် လည်းကောင်း၊ ပူးတွဲစာရင်းပိုင်ရှင်များမှ စုပေါင်း၍သော်လည်းကောင်း အသုံးပြုခွင့်အား ရုတ်သိမ်းလိုကြောင်း အကြောင်း ကြားလာခဲ့လျှင် ဘဏ်အနေဖြင့် ယင်းဝန်ဆောင်မှုအား ပိတ်သိမ်းနိုင်သည်။

(ည) ပူးတွဲစာရင်းပိုင်ရှင် တစ်ဦးဦး သေဆုံးခြင်း (သို့မဟုတ်) လူမွဲအဖြစ် ခံယူရသည့် အခြေအနေမျိုးတွင် အခြား ကျန်ရှိသည့် ပူးတွဲစာရင်းပိုင်ရှင်များမှ လက်ရှိငွေစာရင်းနှင့် ထည့်သွင်းမည့် ငွေများအားလုံးကို အပြည့်အဝ ထိန်းချုပ်နိုင်ခွင့်၊ ပိုင်ဆိုင်ခွင့်များရရှိမည် ဖြစ်သည်။ ပူးတွဲစာရင်း အသုံးပြုသူများသည် ဒစ်ဂျစ်တယ်ဘဏ်လုပ်ငန်း ဝန်ဆောင်မှုဖြင့် ငွေစာရင်းစီမံခန့်ခွဲရာတွင် သင့်တော်သော ညွှန်ကြားချက်များပေး၍ ဆောင်ရွက်နိုင်မည် ဖြစ်သည်။ ဤအပိုဒ်အရ ဆောင်ရွက်ချက်များ အားလုံး၏ အကျိုးသက်ရောက်မှု သို့မဟုတ် တရားဝင်ကျိုးကြောင်း ညီညွတ်ခိုင်လုံခြင်းများသည် သက်ဆိုင်ရာ အမွေဆက်ခံပိုင်ခွင့် ဥပဒေများအားလုံးနှင့်အညီ ဖြစ်ပါသည်။

၈။ လုံခြုံရေးနှင့်လျှို့ဝှက်ချက်

၈.၁။ User သည် “Password” ကို မှတ်ညဏ်ဖြင့် မှတ်သားထားပြီး မည်သည့် နေရာတွင်မှ ရေးသားထားခြင်းမပြုရန်။

၈.၂။ User သည် ဘဏ်စာရင်းအချက်အလက်များအား တစ်ပါးသူ မမြင်နိုင်မည့် နေရာများတွင်သာ ကြည့်ရူ စစ်ဆေးဆောင်ရွက်ရန် ဖြစ်ပြီး (စာရင်းအမှတ်၊ အသုံးပြုသူ အမည်၊ Password အစရှိသည့်) စာရင်းနှင့် ပတ်သက်၍ လျို့ဝှက်ရန် အချက်အလက်များကို အခြားသူများ တွေ့ရှိနိုင်သော နေရာများတွင် တစ်နည်းနည်းဖြင့် ချန်ရစ်ထားခဲ့ခြင်း သို့မဟုတ် အများသုံး သို့မဟုတ် အထွေထွေသုံး ဆက်သွယ်ရေးစနစ် သို့မဟုတ် လုံခြုံမှုမရှိသော အီးမေးလ် သို့မဟုတ်အခြား ဆက်သွယ်ရေးစနစ်များကို အသုံးပြု၍ အဆိုပါ လျို့ဝှက်စာရင်းနှင့်အချက်အလက်များကို တစ်ပါးသူသို့ ပေးအပ်ခြင်း မပြုရ။

၈.၃။ User ၏ Security Codes အား မည်သို့သောအခါမှ အခြားမည်သူကိုမျှ SMS သို့မဟုတ် Email သို့မဟုတ် အခြားနည်းလမ်းများဖြင့် မျှဝေ၍ ဘဏ်လုပ်ငန်း ဆောင်ရွက်ခိုင်းခြင်း မပြုရ။ မည်သူကိုမျှ ဆိုရာတွင် ဘဏ်ဝန်ထမ်းများလည်း ပါဝင်ပါသည်။

၈.၄။ ဘဏ်၏ Online Channel (Log In URL) တစ်ခုတည်းတွင်သာ Security Codes နှင့် လိုအပ်သော အချက်အလက်များကို ဖြည့်သွင်းအသုံးပြုရန်။

၈.၅။ Web Browser တွင် အသုံးပြုသူ၏ Security Codes များအား သိမ်းဆည်းထားခြင်း (Saved) မပြုလုပ်ရန်။

၈.၆။ ဘဏ်လုပ်ငန်းဆောင်ရွက်မှုများကို ရယူဆောင်ရွက်ပြီးပါက ဒစ်ဂျစ်တယ်ဘဏ်လုပ်ငန်းစနစ်မှ ထွက်ပြီး(Log out) Browser ကိုပိတ်ရန်။ (ထွက်ခွာခြင်းမပြုဘဲ Browser ကိုချန်ထားခဲ့ပါက Security Codes သည် Browser’s Cache တွင် ကျန်ရှိနေသေးသဖြင့် မည်သူမဆို သင်၏စာရင်းကို ရယူနိုင်သည်ကို သတိပြုပါ။) ထို့အပြင် User သည် ဒစ်ဂျစ်တယ်ဘဏ်လုပ်ငန်းစနစ်ကို အသုံးပြုစဉ် ကိုယ်ပိုင်ကွန်ပျုတာ သို့မဟုတ် မိုဘိုင်းဖုန်းတို့ကို စောင့်ကြည့်သူမရှိဘဲ ချန်ထားခဲ့ခြင်း မပြုရ။

၈.၇။ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ပြီး (၅) မိနစ်ကြာ လုပ်ဆောင်မှုတ်စုံတစ်ရာမရှိခဲ့ပါက စနစ်မှ Auto Logout ဖြစ်သွားမည်။ သို့ရာတွင် အသုံးပြုလျက်ရှိသည့် ကိရိယာများအနားမှ ထွက်ခွာသည့်အချိန်တိုင်း (သို့မဟုတ်) အခြား Browser သို့ ဝင်ရောက်တိုင်း အသုံးပြုလျှက်ရှိသည့် ကိရိယာတို့မှ Logout လုပ်ခဲ့ရန်။

၈.၈။ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်နိုင်ခြင်းကို မပိတ်မီ (၅) ကြိမ်တိုင်တိုင် ကြိုးစားခွင့်ပြုမည် ဖြစ်သည်။ ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်နိုင်ခြင်းကို ပိတ်ပင်ခံရပါက ပြန်လည်ရယူရန် ဘဏ်သို့သော် လည်းကောင်း၊ Call Center သို့သော်လည်းကောင်း ဆက်သွယ်ဆောင်ရွက်ရန်။

၈.၉။ ဘဏ်မှ အသုံးပြုသူများအတွက် OTP ပေးပို့ရန် သတ်မှတ်ထားသော Primary Phone Number နှင့် Yoma Bank App (Mobile Token) တပ်ဆင်အသုံးပြုထားသော ကိရိယာများအား လုံခြုံစွာ သိမ်းဆည်း အသုံးပြုရန်။

၈.၁၀။ အသုံးပြုသူ၏ ငွေကြေးလုံခြုမှုအတွက် Rooted/Jailbroken Devices တွင် ဘဏ်၏ Mobile App ကို တပ်ဆင် အသုံးပြုခြင်းမှ ရှောင်ကြဉ်ရန်။

၈.၁၁။ ဘဏ်သည် Customer နှင့် User များ၏ သီးသန့် Username နှင့် Password များမှတဆင့် မည်သူမည်ဝါဖြစ်ကြောင်း ကို ခွဲခြားသတ်မှတ်ပါသည်။ User ၏ Username နှင့် Password ဖြင့် လုပ်ဆောင်ချက်များအားလုံးသည် Customer နှင့်သာ သက်ဆိုင်ပါသည်။ User သည် Username သို့မဟုတ် Password အား ဘဏ်ဝန်ထမ်းများ အပါအဝင် မည်သူ တစ်ဦးတစ်ယောက်ကိုမျှ မပေးအပ်ကြောင်းနှင့် အသုံးပြုခွင့် မပေးကြောင်း Customer နှင့် User တို့က သဘောတူညီသိရှိပါသည်။

၉။ ထုတ်ဖော်ကြေညာချက်များ

၉.၁။ ဘဏ်၏ ဒစ်ဂျစ်တယ် ဘဏ်လုပ်ငန်း ဝန်ဆောင်မှုများကို လျှောက်ထားခြင်းနှင့် အသုံးပြုသူ Customer နှင့် User တို့သည် အောက်ပါတို့ကို သဘောတူရမည် –

(က) ဘဏ်မှ အခါအားလျော်စှာ သတ်မှတ် အကြောင်းကြားထားသည့်အတိုင်း၊ ဘဏ်မှ ခွင့်ပြုသည့် နည်းလမ်း များနှင့်အညီဒစ်ဂျစ်တယ်ဘဏ်လုပ်ငန်း ဝန်ဆောင်မှုများကိုရယူရန်နှင့် အသုံးပြုရန် သဘောတူရမည်။

(ခ) ထို့အပြင် ဘဏ်မှ အခါအားလျော်စွာ ထုတ်ပြန်သည့် စည်းမျဉ်းစည်းကမ်းများကိုလည်း သဘောတူ လိုက်နာရမည်။

(ဂ) ဘဏ်သည် မည်သည့်အကြောင်းပြချက်များပေးရန် မလိုဘဲ မည်သည့် ဒစ်ဂျစ်တယ်ဘဏ်လုပ်ငန်း ဝန်ဆောင်မှု များရယူရန် လျှောက်ထားခြင်းကိုမဆို ငြင်းပယ်ခွင့်ရှိကြောင်း နားလည် သဘောတူပါသည်။

(ဃ) ဒစ်ဂျစ်တယ်ဘဏ်လုပ်ငန်းဝန်ဆောင်မှု အသုံးပြုရန် အွန်လိုင်းမှ စတင်လျှောက်ထားသည့်နေ့မှစတင်၍ ရက်ပေါင်း (၉၀) အတွင်း အသုံးပြုခြင်းမရှိသည့် ဒစ်ဂျစ်တယ်ဘဏ်လုပ်ငန်းဝန်ဆောင်မှုအပါအဝင် မည်သည့် စာရင်းကိုမဆို ဘဏ်သည် ရပ်စဲခွင့်ရှိကြောင်း နားလည်ဘောတူရသည်။

(င) လုံခြုံရေး သ‌ကေံတများ (Security Codes) ကို Customer နှင့် User မှ လက်ခံရရှိမှု မရှိခြင်း (သို့မဟုတ်) ခွင့်ပြုမထားသည့် အခြားပုဂ္ဂိုလ်များသို့ အဆိုပါ Security Codes များကို အသိပေးပြောကြားခြင်းများမှ ဖြစ်ပေါ်လာသည့် မည်သည့်ဆုံးရှုံးမှုကိုမဆို Customer နှင့် User မှ တာဝန်ယူရန်နှင့် ဘဏ်မှ မည်သည့် နည်းလမ်းနှင့်မျှ အဆိုပါဆုံးရှုံးမှုအတွက် တာဝန်ယူဖြေရှင်းပေးမည် မဟုတ်ကြောင်းနှင့် သို့မဟုတ် ပေးလျှော်မည် မဟုတ်ကြောင်း သိရှိ သဘောတူရမည်။

(စ) User တွင် တစ်ခုထက် ပိုသော Productများ၊ စာရင်များ ဘဏ်တွင် ထားရှိခဲ့ပါက ယင်းစာရင်းများအားလုံးကို User ID အလိုအလျောက် ချိတ်ဆက်မည်ဖြစ်ကြောင်း သဘောတူအတည်ပြုရမည်။

(ဆ) ဒစ်ဂျစ်တယ်ဘဏ်လုပ်ငန်းဝန်ဆောင်မှုများကို အသုံးပြုခြင်းအတွက် ဘဏ်မှ Customer ကို ကြိုတင်အသိပေးခြင်းမပြုဘဲ ငွေကြေးလုပ်ဆောင်ချက်ဝန်ဆောင်ခများကို ကောက်ခံ/ ပြောင်းလဲနိုင်ကြောင်းနှင့် အဆိုပါ ဝန်ဆောင် ခြင်း ကိုကောက်ခံခဲ့ပါက အသုံးပြုသူ၏စာရင်းမှ ထုတ်နှုတ်ကျခံရမည် ဖြစ်ကြောင်းနှင့် မည်သည့်နည်းနှင့်မျှ ပြန်လည် ထုတ်ပေးမည် မဟုတ်ကြောင်း သိရှိသဘောတူရမည်။

(ဇ) Customer User မှ ဤစည်းကမ်းသတ်မှတ်ချက်များကို ဖောက်ဖျက်ခြင်းကြောင့် လည်းကောင်း၊ Online Channel (Login URL) ရှိ အချက်အလက်များကို User က အသုံးပြုခြင်းကြောင့် လည်းကောင်း၊ ဝန်ဆောင်မှုများကို အသုံးပြုခြင်းကြောင့်လည်းကောင်း ပေါ်ပေါက်လာသည့် ဘဏ်၏နစ်နာဆုံးရှုံးမှုများအားလုံး (မည်သည့်ပေးရန် တာဝန်၊ ဆုံးရှုံးမှု၊ တောင်းဆိုမှုနှင့် ရှေ့နေခအပါအဝင် စရိတ်စကများ) အတွက် ပေးလျော်ရန် သဘောတူရမည်။

(ဈ) ဘဏ်သည် ဒစ်ဂျစ်တယ်ဘဏ်လုပ်ငန်း ဝန်ဆောင်မှုပေးခြင်းနှင့် ပတ်သက်၍ တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း၊ ဥပဒေကြောင်းအရ ပေါ်ပေါက်လာသော ကိစ္စရပ်များအတွက် ကိုယ်စားပြုခြင်း။ တာဝန်ခံ ဖြေရှင်းခြင်းပြုလုပ်မည် မဟုတ်ကြောင်းနှင့် Customer User တွင် ဆုံးရှုံးနစ်နာမှုများ (သို့မဟုတ်) ထိခိုက် ပျက်စီးမှုများ ဖြစ်ပေါ်လာပါက Customer တစ်ဦးတည်းကသာ တာဝန်ယူရမည်ဖြစ်ပြီး ဘဏ်အား ဥပဒအရေ အရေးယူခြင်း၊ တရားစွဲဆိုခြင်းစသည့် ကိစ္စရပ်များ မဖြစ်ပေါ်စေရန် တားဆီးပေးရမည်ဖြစ်ကြောင်း သဘောတူရမည်။

(ည) Web Browser (သို့မဟုတ်) Electronic file များတွင် ပါဝင်နေသော ဗိုင်းရပ်(စ်)များ/Viruses ကြောင့် ဖြစ်ပေါ်လာသော မည်သည့် ပျက်စီးဆုံးရှုံးရမှုမျိုးအတွက်မဆို ဘဏ်မှ တာဝန်မရှိကြောင်း (သို့မဟုတ်) ပေးရန်တာဝန်များ အားလုံးကို အသုံးပြုသူမှ တောင်းခံပိုင်ခွင့် မရှိကြောင်း သဘောတူရမည်။

(ဋ) အသုံးပြုသူမှ Rooted/Jailbroken Devices တွင် ဘဏ်၏ Mobile App ကို တပ်ဆင်အသုံးပြုခြင်းဖြင့် ဖြစ်ပေါ်လာသော ဆုံးရှုံးမှုကို အသုံးပြုသူမှ တာဝန်ယူရမည်။

(ဌ) ဒစ်ဂျစ်တယ်ဘဏ်လုပ်ငန်းဝန်ဆောင်မှု၏ လုံခြုံရေး အပြင်အဆင်များကို User က မလျော်မကန် အသုံးပြုခြင်း သို့မဟုတ် အသုံးပြုခြင်း သို့မဟုတ် လိုအပ်ချက်များကို Customer သို့မဟုတ် User က လိုက်နာရန် ပျက်ကွက်ခြင်း သို့မဟုတ် Customer ၏စာရင်းကို ချိတ်ဆက်ရန် အခွင့်မရှိသော ပုဂ္ဂိုလ်များကို ချိတ်ဆက်ခြင်းကြောင့် နစ်နာဆုံးရှုံးမှုများ ဖြစ်ပေါ်လာပါက Customer တစ်ဦးတည်းကသာ တာဝန်ယူရမည် ဖြစ်ကြောင်း၊ ပေးလျော်ရန် တာဝန်ရှိမည် ဖြစ်ကြောင်း သဘောတူရမည်။

(ဍ) ဒစ်ဂျစ်တယ်ဘဏ်လုပ်ငန်းဝန်ဆောင်မှုများနှင့် ချိတ်ဆက်၍ အခြားပြင်ပအဖွဲ့အစည်းများ၏ စနစ်ကို အသုံးပြုရာတွင် နည်းပညာဆိုင်ရာ ယိုယွင်းမှုများပေါ်ပေါက်လာပြီး ဆုံးရှုံးမှု သို့မဟုတ် နစ်နာမှုများ ဖြစ်ပေါ်လာပါက ဘဏ်မှ တာဝန်ယူ ဆောင်ရွက်ပေးမည် မဟုတ်ကြောင်းကို သဘောတူရမည်။

(ဎ) Customer ၏စာရင်းသို့ (စနစ် သို့မဟုတ် ပြင်ပ အဖွဲ့အစည်းများ၏ အမှားကြောင့်) မှားယွင်းစွာ ငွေသွင်းမိပါက ၊ ဘဏ် သည် Customer သို့မဟုတ် User ထံသို့ ကြိုတင်အကြောင်းကြားစာပေးရန် မလိုဘဲ Customer ၏မည်သည့်စာရင်းမှမဆို နုတ်ယူနိုင်ကြောင်း သို့မဟုတ် တနည်းနည်း ငွေပေးသွင်းနိုင်စေရန် ဆောင်ရွက်နိုင်ကြောင်း သို့မဟုတ် အဆိုပါ ပမာဏကို ခုနှိမ်နိုင်ကြောင်း သို့မဟုတ် ထိန်းသိမ်းထားနိုင်ကြောင်း သဘောတူရမည်။
(ဏ) ဘဏ်သည် ပြင်ပဘဏ်ငွေလွှဲခြင်းဆိုင်ရာ ဝန်ဆောင်မှုအခကြေးငွေများ (အထက်ပါအချက် (ဆ) အရ ကောက်ခံရန်) ကို စည်းကြပ်နိုင်ခွင့်ရှိသည်ကို သိရှိပါသည်။ ယင်းလွှဲပြောင်းမှုတွင် ပြင်ပဘဏ်မှ ချမှတ်ထားသော အပိုဆောင်းအခကြေးငွေများ သို့မဟုတ် နုတ်ယူမှုများလည်း ပါရှိမည်ဖြစ်သည်ကို သဘောတူသိရှိပါသည်။

(တ) ပြင်ပဘဏ်ငွေလွှဲခြင်းနှင့်စပ်လျဉ်း၍ ဝယ်ယူသူ/အသုံးပြုသူမှ ပေးဆောင်သော မမှန်ကန်သော အချက်အလက်တစ်ခုခုကြောင့် ဖြစ်ပေါ်လာသည့် ဆုံးရှုံးမှုများအတွက် Customer တစ်ဦးတည်းတွင်သာ တာဝန်ရှိပြီး တာ၀န်ရှိကြောင်း သဘောတူပါသည်။

(ထ) CBM သို့မဟုတ် အခြားသက်ဆိုင်ရာ အာဏာပိုင်အဖွဲ့အစည်းတစ်ခုခုမှ ထုတ်ပြန်ထားသော စည်းမျဉ်းစည်းကမ်းများကို လိုက်နာရန် သို့မဟုတ် လိုက်နာရန်အတွက် ဘဏ်မှ ပြင်ပဘဏ်လွှဲပို့ခြင်း အပါအဝင် တောင်းဆိုထားသည့် လွှဲပြောင်းမှုများကို လုပ်ဆောင်ရန် ငြင်းဆိုနိုင်ကြောင်း သဘောတူပါသည်။

၉.၂။ Customer နှင့် User တိုင်းသည် Mobile Money Transfer ဖြင့် ငွေစာရင်းလွှဲပြောင်းခြင်းအတွက် သက်ဆိုင်ရာ Provider များမှ ချမှတ်သည့် စည်းမျဉ်း စည်းကမ်းများအတိုင်း လိုက်နာဆောင်ရွက်ရမည့်အပြင် ဘဏ်မှ အခါအားလျော်စွာ ထုတ်ပြန်မည့် စည်းမျဉ်းစည်းကမ်းများကို လိုက်နာရမည် –

(က) မည်သည့် Provider ကို ရွေးချယ်သည်ဖြစ်စေ သက်ဆိုင်ရာ Provider ၏ ဝန်ဆောင်မှုအား အသုံးပြုနိုင်ရန်အ တွက် Register ပြုလုပ်ထားသော ဖုန်းနံပါတ် (ဥပမာ-Wave Money အတွက် Telenor ဖုန်းနံပါတ်) သို့သာ လွှဲပြောင်းနိုင်မည်ဖြစ်ပြီး ရွေးချယ်ရန် ခွင့်ပြုထားသော မြန်မာကျပ်ငွေ ပမာဏအတိုင်းသာ လွှဲပြောင်းရမည်ကို သိရှိသဘောတူရမည်။

(ခ) အသုံးပြုသူမှ ငွေစာရင်းလွှဲပြောင်းရန်ဆောင်ရွက်ပြီးသည်နှင့် ဘဏ်၏စနစ်မှ လွှဲပြောင်းငွေ ပမာဏအား ဖောက်သည်၏စာရင်းမှ စတင် Blocked လုပ်ထားလိုက်မည်ဖြစ်ပြီး လုပ်ဆောင်ချက် အောင်မြင်ပါက အဆိုပါစာရင်းမှ နုတ်ယူမည်။ လုပ်ဆောင်ချက် မအောင်မြင်ပါက Blocked ပြုလုပ်ခံရသည့် ငွေပမာဏအား နှစ်ဆယ့်လေး (၂၄) နာရီ အကြာတွင် ကြိုးပမ်းအားထုတ်၍ ဘဏ်စနစ်မှ အလိုအလျောက် ပြန်လည်ပယ်ဖျက်ပေးမည်ကို သိရှိသဘောတူရမည်။

(ဂ) အကြောင်းအမျိုးမျိုးကြောင့် ငွေလွှဲပြောင်းလုပ်ဆောင်ချက် မအောင်မြင်ဘဲ လုပ်ဆောင်ချက် အခြေအနေ “Failed” သို့မဟုတ်“Processing” ဟုပြသနေပြီး ဖောက်သည်၏စာရင်းမှလုပ်ဆောင်ချက်ငွေ ပမာဏကို နုတ်ယူသွားပါက နီးစပ်ရာဘဏ်ခွဲသို့ ဆက်သွယ်ခြင်းဖြင့်သော်လည်းကောင်း၊ Call Center သို့ ဖုန်းဆက်၍ သော်လည်းကောင်း အကြောင်း ကြားပြီး Complain တင်ရမည်။ ဘဏ်မှ လိုအပ်သောစစ်ဆေးမှုများ ပြုလုပ်ပြီး မှန်ကန်ပါမှ နုတ်ယူထားသည့် ပမာဏ အား Customer ၏ စာရင်းသို့ ပြန်လည်ထည့်သွင်းပေးမည်ကို လက်ခံ သဘောတူရမည်။

(ဃ) ငွေလွှဲပြောင်းလုပ်ဆောင်ချက် အောင်မြင်ပြီး လုပ်ဆောင်ချက်အခြေအနေ “Processed” ဟု ပြသသော်လည်း လွှဲပြောင်းငွေပမာဏအား ဖောက်သည်၏စာရင်းမှ နုတ်ယူသွားခြင်းမရှိ ဟု ဘဏ်မှ စစ်ဆေးတွေ့ရှိပါက မည်သည့်နေ့ရက်၊ မည်သည့်အချိန်တွင်ဖြစ်စေ အသုံးပြုသူမှ ပေးချေရန် ရွေးချယ်ထားသည့်စာရင်းမှ အဆိုပါလွှဲပြောင်းငွေပမာဏအားပြန်လည်နုတ်ယူမည် ကို သိရှိသဘောတူရမည်။

၉.၃။ (User အပါအဝင်) Customer သည် Mobile Top-up အတွက် သက်ဆိုင်ရာ GSM (Mobile Service) Provider များမှ ချမှတ်ထားသည့် စည်းမျဉ်း စည်းကမ်းများအတိုင်း လိုက်နာဆောင်ရွက်ရမည့်အပြင် ဘဏ်မှ အခါအားလျော်စွာ ထုတ်ပြန်မည့် စည်းမျဉ်းစည်းကမ်းများကို လိုက်နာရပါမည် –

(က) Mobile Top-up ကိုဆောင်ရွက်ရာတွင် GSM Provider ကို မှန်ကန်စွာ ရွေးချယ်ရမည်။ မည်သည့် Service Provider ကို ရွေးချယ်သည်ဖြစ်စေ GSM Mobile ဖုန်းများကိုသာ ငွေလက်ကျန် ဖြည့်တင်းနိုင်မည်ဖြစ်ပြီး ရွေးချယ်နိုင်ရန် ခွင့်ပြုထားသော မြန်မာကျပ်ငွေ ပမာဏအတိုင်းသာ ဖြည့်တင်းနိုင်ပါမည်။

(ခ) အသုံးပြုသူမှ Mobile Top-up ပြုလုပ်ရန် ဆောင်ရွက်ပြီးသည်နှင့် ဘဏ်၏စနစ်မှ Top-up ပြုလုပ်မည့် ငွေပမာဏအား ဖောက်သည်၏စာရင်းမှ စတင် Blocked လုပ်ထားလိုက်မည် ဖြစ်ပြီး လုပ်ဆောင်ချက် အောင်မြင်ပါက အဆိုပါစာရင်းမှ နုတ်ယူမည်။ လုပ်ဆောင်ချက် မအောင်မြင်ပါက Blocked ပြုလုပ်ခံရသည့် ငွေပမာဏအား (၂၄) နာရီ အကြာတွင် ကြိုးပမ်းအားထုတ်၍ ဘဏ်စနစ်မှ အလိုအလျောက် ပြန်လည်ပယ်ဖျက်ပေးမည်ကို သိရှိသဘောတူရမည်။

(ဂ) အကြောင်းအမျိုးမျိုးကြောင့် Mobile Top-up လုပ်ဆောင်ချက် မအောင်မြင်ဘဲ လုပ်ဆောင်ချက် အခြေအနေ “Failed” သို့မဟုတ် “Processing” ဟု ပြသနေပြီး ဖောက်သည်၏စာရင်းမှ လုပ်ဆောင်ချက်ငွေပမာဏကို နုတ်ယူသွားပါက နီးစပ်ရာဘဏ်ခွဲသို့ ဆက်သွယ်၍သော်လည်းကောင်း၊ Call Center သို့ ဖုန်းဆက်၍သော်လည်းကောင်း အကြောင်းကြားပြီး Complain တင်ရမည်။ ဘဏ်မှ လိုအပ်သောစစ်ဆေးမှုများပြုလုပ်ပြီး မှန်ကန်ပါမှ နုတ်ယူထားသည့် ပမာဏအား Customer ၏ စာရင်းသို့ ပြန်လည်ထည့်သွင်းပေးမည်ကို လက်ခံသဘောတူရမည်။

(ဃ) Mobile Top-up လုပ်ဆောင်ချက် အောင်မြင်ပြီး လုပ်ဆောင်ချက်အခြေအနေ “Processed” ဟု ပြသသော်လည်း Mobile Top-up ပြုလုပ်သည့် ငွေပမာဏအား ဖောက်သည်၏ စာရင်းမှနုတ်ယူသွားခြင်းမရှိ ဟု ဘဏ်မှ စစ်ဆေးတွေ့ရှိပါက မည်သည့်နေ့ရက် မည်သည့်အချိန်တွင်ဖြစ်စေ အသုံးပြုသူမှ ပေးချေရန် ရွေးချယ်ထားသည့်စာရင်းမှ အဆိုပါ လွှဲပြောင်းငွေပမာဏအား ပြန်လည် နုတ်ယူမည်ကို သိရှိသဘောတူရမည်။

၉.၄။ Create Fixed Deposit (စာရင်းသေအပ်ငွေစာရင်းထားရှိခြင်း) အတွက် ဘဏ်ခွဲများတွင် ထားရှိသော စာရင်းသေ အပ်ငွေစာရင်းဆိုင်ရာ စည်းမျဉ်းစည်းကမ်းများအတိုင်း လိုက်နာဆောင်ရွက်ရမည့်အပြင် Online/Mobile Channels မှ ထားရှိခြင်းအတွက် အောက်ပါတို့ကို သိရှိလိုက်နာဆောင်ရွက်ရန် သဘောတူရမည် –

(က) စာရင်းသေအပ်ငွေစာရင်းကို အနည်းဆုံး ငွေကျပ်-၅၀,၀၀၀/- (ငွေကျပ်ငါးသောင်းတိတိ) မှ စတင်ထားရှိနိုင် မည်ဖြစ်ပြီး ဘဏ်မှ အခါအားလျော်စွာ သတ်မှတ်သည့် အများဆုံးငွေ ပမာဏအထိ ထားရှိနိုင်မည် ဖြစ်သည်။ အသုံးပြုသူမှ သတ်မှတ်ထားရှိမည့်ငွေပမာဏကို အသုံးပြုသူ ရွေးချယ်သည့် ဖောက်သည်၏စာရင်းမှ နုတ်ယူမည်။

(ခ) စာရင်းသေအပ်ငွေစာရင်း ထားရှိနိုင်သော ကာလမှာ (ရက် ၃၀ ၊ ၉၀ ၊ ၁၈၀ ၊ ၂၇၀ ၊ ၃၆၅) ဖြစ်ပြီး အသုံးပြုသူမှ ကြိုက်နှစ်သက်ရာကာလကို ရွေးချယ်ထားရှိနိုင်ပါမည်။ ယင်းကာလအလိုက် အပ်ငွေများအပေါ်တွင် ဒါရိုက်တာအဖွဲ့မှ အခါအားလျော်စွာ သတ်မှတ်ထားသော အတိုးနှုန်းများကို ခံစားခွင့်ပြုမည် ဖြစ်ပြီး ရရှိသည့်အတိုးငွေပေါ်တွင် ကျသင့်သည့် အမြတ်တော်ခွန်အား စာရင်းသေအပ်ငွေစာရင်း ပြုလုပ်သူမှ ကျခံရမည်။

(ဂ) စာရင်းသေအပ်ငွေစာရင်း ထားရှိရာတွင် အရင်းအားသက်တမ်းတိုးခြင်း (Principle Only Rollover) (သို့မဟုတ်) သက်တမ်းမတိုးခြင်း (No Rollover) ကိုသာ ရွေးချယ်သတ်မှတ်နိုင်သည်။ No Rollover (သက်တမ်း မတိုးခြင်း) ကို ရွေးချယ်ခဲ့ပါက စာရင်းသေအပ်ငွေစာရင်း သက်တမ်း ပြည့်ချိန်တွင် အရင်းနှင့် အတိုးငွေအား စာရင်းသေအပ်ငွေ စာရင်း စတင်ထားရှိစဉ် အသုံးပြုသူ ရွေးချယ်ထားခဲ့သော မူလစာရင်းများသို့ စာရင်းပြောင်းနည်းလမ်းဖြင့် ပြန်လည်ထည့်သွင်းပေးမည် ဖြစ်သည်။

(ဃ) စာရင်းသေအပ်ငွေစာရင်း ပြုလုပ်ထားရှိခြင်းအတွက် Certificate များ (သို့မဟုတ်) Passbook များကို ပေးအပ်မည် မဟုတ်ပါ။ Online/Mobile Channel များမှ ထားရှိသော စာရင်းသေအပ်ငွေ စာရင်းများကို ဘဏ်၏ Digital Banking Branch တွင် ထိန်းသိမ်းထားရှိမည် ဖြစ်ပြီး Online/ Mobile Channel များမှသာ ကြည့်ရှုစစ်ဆေးနိုင်မည် ဖြစ်သည်။

(င) Customer က စာရင်းသေအပ်ငွေစာရင်းကို သက်တမ်းမစေ့မီ ပယ်ဖျက်နိုင်သည်။ Customer သည် မည်သည့်ဘဏ်ခွဲတစ်ခုခုသို့မဆို သွားရောက်ပြီး ထိုစာရင်းပယ်ဖျက်မှုကို အကျိုးသက်ရောက်မှုရှိအောင် ဆောင်ရွက်နိုင်သည်။ ဘဏ်က ပေးရန်ရှိသော အတိုးနှင့် ဖောက်သည် (Customer) က ဘဏ်သို့ ပေးရန်ရှိသော ဝန်ဆောင်ခ ကောက်ခံမှုများမှာ ရိုးမဘဏ်မှ သတ်မှတ်ထားရှိသည့် စည်းမျဉ်းစည်းကမ်းများအတိုင်း လိုက်နာဆောင်ရွက်ရမည်။ Customer က ပေးရန်ရှိသော ဝန်ဆောင်ခများကို ထုတ်ပြန်ကြေညာပြီး ရိုးမဘဏ်၏ ဘဏ်ခွဲတစ်ခုချင်းစီတွင် ရရှိနိုင်အောင် ဆောင်ရွက်ထားပါသည်။

(စ) ရှင်းလင်းလိုသည့်အချက်မှာ Customer တစ်ဦးချင်းသည် စာရင်းသေအပ်ငွေ စာရင်းကို အွန်လိုင်းမှ ပယ်ဖျက်ရန် လျှောက်ထားပြီး ဖြစ်ပါက၊ အဆိုပါ စာရင်းသေအပ်ငွေ စာရင်းနှင့် စပ်လျဉ်း၍ ထုတ်ပေးထားသော Certificate သည် အလိုအလျောက် ပျက်ပြယ်ပြီး ဖြစ်သည်ဟု မှတ်ယူပါသည်။

၁၀။အခြားဒစ်ဂျစ်တယ်ဘဏ်လုပ်ငန်း နှင့် ဝန်ဆောင်မှုများ

၁၀.၁။ ကာလတိုချေးငွေ

(က) Customer သည် ရိုးမဘဏ်တွင် SMART Account ဖွင့်လှစ်လိုက်သည်နှင့် ကာလတိုချေးငွေ ဝန်ဆောင်မှုအား အခါအားလျော်စွာ အသုံးပြုနိုင်ရန်အတွက် ရိုးမဘဏ်က ၎င်း၏ဆုံးဖြတ်ချက်အတိုင်း ဆောင်ရွက်ပေးနိုင်မည်ကို သဘောတူညီပါသည်။ ယင်းသဘောတူညီချက်တွင် ရိုးမဘဏ်က Customer အား ကာလတိုချေးငွေနှင့် ပတ်သက်၍ ဆက်သွယ် ဝန်ဆောင်မှုပေးမည် (သို့မဟုတ်) Customer က ယင်းဝန်ဆောင်မှုနှင့် ပတ်သက်၍ သဘောတူလက်ခံရမည် (သို့မဟုတ်) ယင်းဝန်ဆောင်မှုအား အသုံးပြုမည်ဆိုသော သဘောတူညီမှုများ ပါဝင်မည် မဟုတ်ပါ။

(ခ) ကာလတိုချေးငွေ ဝန်ဆောင်မှုကို ရယူခြင်းအားဖြင့် Customer သည် အခါအားလျော်စွာ ချေးငွေရယူနိုင်မည်။ ရိုးမဘဏ်သည် သဘောတူညီချက်ပါ စည်းမျဉ်းစည်းကမ်းများအတိုင်း မည်သည့်အချိန်တွင်မဆို ကာလတိုချေးငွေ ပမာဏ၊ အချိန်သတ်မှတ်ချက် နှင့် ဝန်ဆောင်ခများကို ပြန်လည်ပြင်ဆင် ပြောင်းလဲနိုင်ပြီး Customerအား ဖော်ပြပါ အကြောင်းအရာများကို ကြိုတင်အသိပေးမည် ဖြစ်ပါသည်။

(ဂ) Customer သည် ကာလတိုချေးငွေကို ရိုးမဘဏ်၏ Application (သို့မဟုတ်) Email (သို့မဟုတ်) ဖုန်းခေါ်ဆိုမှုများမှ တစ်ဆင့် (သို့မဟုတ်) နီးစပ်ရာ ရိုးမဘဏ်ခွဲသို့ သွားရောက်၍ လျှောက်ထားနိုင်သည်။ ရိုးမဘဏ်၏ ကာလတိုချေးငွေ ဝန်ဆောင်မှုကို လျှောက်ထားသည်နှင့်တစ်ပြိုင်နက် ရိုးမဘဏ်က ထိုချေးငွေ ဝန်ဆောင်မှုပေးရန်အတွက် လိုအပ်သောချေးငွေလျှောက်ထားမှု ဝန်ဆောင်ခ ကောက်ခံခြင်း အပါအဝင် လိုက်နာရမည့် စည်းမျဉ်းစည်းကမ်းချက်များနှင့် အခြေအနေအရပ်ရပ်ကို ချမှတ်ပါမည်။ Customer သည် ချေးငွေကို ရယူလိုပါက ရိုးမဘဏ်က သတ်မှတ်ထားသော ဤသဘောတူညီချက်ပါ စည်းမျဉ်းစည်းကမ်းများကို လိုက်နာပါမည်ဟု ဝန်ခံကတိပြုကြောင်း ဘဏ်သို့ အသိပေးရပါမည်။

(ဃ) ရိုးမဘဏ်မှပေးပို့သော ကာလတိုချေးငွေဝန်ဆောင်မှုကို အသုံးပြုရန် သဘောတူညီချက်ပါ စည်းမျဉ်းစည်းကမ်းများက လက်ခံပါက Customer သည် အောက်တွင်ဖော်ပြထားသော အချက်များကို သဘောတူညီပြီး ဖြစ်ပါသည်။

(၁) Customer သည် ရိုးမဘဏ်၏ ကာလတိုချေးငွေဝန်ဆောင်မှုက အသုံးပြုပြီးပါက ရိုးမဘဏ်သည် ပေးရန်ကျန်ရှိသည့် ချေးငွေပမာဏကို သတ်မှတ်ထားသည့်အတိုင်း ပေးဆောင်ရမည်။

(၂) ရိုးမဘဏ်၏ ချေးငွေ သဘောတူညီချက်ပါ စည်းမျဉ်းစည်းကမ်းများအတိုင်း နောက်ဆုံးချေးငွေပေးသွင်းရမည့်နေ့တွင် ရိုးမဘဏ်သည် Customer ၏ မည့်သည့်ရိုးမဘဏ် အကောင့်စာရင်းမှမဆို ပြန်လည်ပေးချေရန် လိုအပ်သည့် ချေးငွေ ပမာဏကို လွှဲပြောင်း ထုတ်ယူနိုင်ခွင့် အပြည့်အဝရှိသည်ကို နားလည်သဘောတူညီရမည်။

၁၀.၂။ ဝန်ထမ်းကြိုတင်လစာ

(က) အကယ်၍ အလုပ်ရှင်သည် ရိုးမဘဏ်၏ လစာပေးခြင်းဝန်ဆောင်မှု (Payroll Services) ကိုအသုံးပြုပြီး ဝန်ထမ်း၏ SMART အကောင့်သို့ လစာထည့်သွင်းပေးပါက ဝန်ထမ်းများသည် ဝန်ထမ်းကြိုတင်လစာ (Employee Salary Advance) ခံစားပိုင်ခွင့်ရှိသည်။

(ခ) ဝန်ထမ်းကြိုတင်လစာကို ခံစားနိုင်ရန်အတွက် ဝန်ထမ်းအနေဖြင့်

(၁) အသက် (၁၈) နှစ်အထက်ဖြစ်ရမည်။

(၂) လစဉ်လတိုင်း၏ (၂၈) ရက်နေ့မတိုင်မီ ဝန်ထမ်းကြိုတင်လစာ လျှောက်ထားခြင်းဖြင့် နောက်တစ်လ၏ လစာမှ ဝန်ထမ်းကြိုတင်လစာ ခံစားနိုင်မည်ဖြစ်သည်။

(၃) ရိုးမဘဏ်၏ “လုပ်ခလစာဝန်ဆောင်မှု” ကိုအသုံးပြုပြီး အလုပ်ရှင်မှ သက်ဆိုင်ရာဝန်ထမ်း၏ SMARTအကောင့်သို့ လစဉ် လစာငွေ ထည့်သွင်းပေးရမည်ဖြစ်သည်။

(၄) ဝန်ထမ်းလစာကို ရိုးမဘဏ်၏ SMART အကောင့်ဖြင့် အနည်းဆုံးလခတစ်လစာကို ရရှိခဲ့ပြီးဖြစ်ရမည်။

(၅) ရိုးမဘဏ်သို့ ပေးဆပ်ရန်ကျန်ရှိသော ချေးငွေများနှင့် ကြွေးမြီများ မရှိရပါ။ ရိုးမဘဏ်တွင် ပျက်ကွက်ခဲ့ဖူးသော ငွေပေးချေမှုမှတ်တမ်းများ မရှိရပါ။

(ဂ) ဝန်ထမ်းကြိုတင်လစာသည် ဝန်ထမ်း၏ လစဉ်လစာငွေ၏ အများဆုံး ၂၀% အထိ (သို့မဟုတ်) ၂၀% နှင့်ညီမျှသော ပမာဏကို ရယူနိုင်သည်။

(ဃ) ဝန်ထမ်းကြိုတင်လစာလျှောက်ထားပါက ရိုးမဘဏ်သည် ဝန်ထမ်းကြိုတင်လစာနှင့် အပိုဒ်(င) တွင် ဖော်ပြထားသော ဝန်ဆောင်ခများအပါအဝင်ကို ကြိုတင်ထုတ်ယူသည့်လ၏ လုပ်ခလစာရရှိ မည့်နေ့ရက်တွင် ဝန်ထမ်း၏ SMART အကောင့်သို့ လစာငွေထည့်သွင်းပြီးသည်နှင့်တစ်ပြိုင်နက် အဆိုပါ SMART အကောင့်မှ နုတ်ယူမည်ဖြစ်သည်။

(င) ဝန်ထမ်းကြိုတင်လစာဝန်ဆောင်ခများကို ရိုးမဘဏ်မှ အခါအားလျော်စွာထုတ်ပြန်ထားသော ရိုးမဘဏ်၏ ဝန်ဆောင်ခစံနှုန်းများအလိုက် ကောက်ခံမည်ဖြစ်သည်။

(စ) ဝန်ထမ်းကြိုတင်လစာရယူရန် လျှောက်ထားခြင်းကို ရိုးမဘဏ်အနေဖြင့် အချိန်မရွေး ငြင်းပယ်ရုပ်သိမ်း ပိုင်ခွင့်ရှိသည်။

(ဆ) ဝန်ထမ်းကြိုတင်လစာဝန်ဆောင်မှုကို အသုံးပြုရာတွင် သက်ဆိုင်ရာဝန်ထမ်းများကြောင့်ဖြစ်ပေါ်လာသော ပျက်စီး ဆုံးရှုံးမှုအလုံးစုံသည် ရိုးမဘဏ်တွင် တာဝန်မရှိကြောင်း ဝန်ထမ်းမှ သဘောတူ လက်ခံပါသည်။

၁၀.၃။ အထွေထွေစည်းကမ်းချက်များ

(က) လစာပေးခြင်းဝန်ဆောင်မှု နှင့်/သို့မဟုတ် ဝန်ထမ်းကြိုတင်လစာ ဝန်ဆောင်မှုများ ပေးခြင်းကို ရိုးမဘဏ်မှ ရပ်တန့်လိုပါက အလုပ်ရှင်သို့ ရက်ပေါင်း ၃၀ ကြိုတင်၍ စာဖြင့်အသိပေးအကြောင်းကြားမည်ဖြစ်သည်။

(ခ) ရိုးမဘဏ်သည် လစာပေးခြင်းဝန်ဆောင်မှု၊ ဝန်ထမ်းကြိုတင်လစာ ဝန်ဆောင်မှုများ ပေးခြင်းနှင့် အခြား ဝန်ဆောင်မှုများ (သို့မဟုတ်) ဤစည်းကမ်းချက်များကို အခါအားလျော်စွာ ပြောင်းလဲသတ်မှတ်နိုင်သည်။ ဤစည်းကမ်းချက်များအား ပြောင်းလဲသတ်မှတ်မှုများရှိပါက ရိုးမဘဏ်၏ Website စာမျက်နှာတွင် သော်လည်းကောင်း၊ ဘဏ်ခွဲများတွင်သော်လည်းကောင်း ဖော်ပြအသိပေးသွားမည် ဖြစ်သည်။

၁၁။ ဘဏ်၏လုပ်ပိုင်ခွင့်အာဏာ

၁၁.၁။ ဝန်ဆောင်မှုအား ရပ်ဆိုင်းခြင်း – ဘဏ်၏ဆုံးဖြတ်ပိုင်ခွင့်အာဏာဖြင့် ဘဏ်သည် ဒစ်ဂျစ်တယ်ဘဏ် လုပ်ငန်း ဝန်ဆောင်မှုပေးရန် ငြင်းပယ်ပိုင်ခွင့် (သို့မဟုတ်) ပေးပြီးသောဝန်ဆောင်မှုများအား အကြောင်းပြချက် တစ်စုံတစ်ရာမပေးဘဲ (သို့မဟုတ်) ဤ စည်းမျဉ်းစည်းကမ်းများအား မထိခိုက်စေဘဲ ရပ်ဆိုင်းနိုင်သည်။ Customer သို့ User သည် စည်းမျဉ်းစည်းကမ်းများအား ချိုးဖောက်ခြင်း၊ ဘဏ်စာရင်းနှင့် ဝန်ဆောင်မှုများ အား မသမာသောနည်းလမ်း (သို့မဟုတ်) တရားမဝင်သော နည်းလမ်းများဖြင့် အသုံးပြုခြင်း၊ Customer ၏ ဘဏ်စာရင်းနှင့် ပတ်သက်၍ ပြဿနာ ပေါ်ပေါက်ခြင်းစသော ကိစ္စရပ်များ ဖြစ်ပေါ်လာပါက ဘဏ် အနေဖြင့် ဝန်ဆောင်မှုများအား ရပ်ဆိုင်းနိုင်သည်။

၁၁.၂။ ဆက်လက်တည်ရှိမှု – ဤသဘောတူညီမှုတွင် ပါဝင်သောစည်းမျဉ်းစည်းကမ်းများမှ အချက်အလက်တစ်စုံတစ်ရာ ပျက်ပြယ်ခဲ့ပါက ကျန်ရှိသော အချက်အလက်များသည် ဆက်လက်တည်ရှိနေမည် ဟု မှတ်ယူရမည်။ ဤသဘောတူညီချက်ပါ စည်းမျဉ်းစည်းကမ်းများတွင် ဥပဒေအရ မဖယ်ထုတ်နိုင်သည့် ဆောင်ရွက်ရမည့် မည်သည့်တာဝန်ရှိမှု တစ်ခုခုမဆို ဖယ်ထုတ် ချန်လှပ်ထားခြင်းမရှိပါ။

၁၁.၃။ ပြောင်းလဲပြင်ဆင်ခြင်း – ဘဏ်သည် ဤသဘောတူညီချက်ပါ စည်းမျဉ်းစည်းကမ်းများ၊ စရိတ်များ၊ ဝန်ဆောင်မှု ကုန်ကျစရိတ်များ၊ အွန်လိုင်းကတ်စနစ်၊ ငွေပေးချေမှုစနစ်များနှင့် သက်ဆိုင်သည့်ကိစ္စရပ်များအား အခါအားလျော်စွာ ပြောင်း လဲမည်ဖြစ်သည်။ လုံခြုံရေးအရသော်လည်းကောင်း (သို့မဟုတ်) စည်းမျဉ်းစည်းကမ်းများနှင့် ဆက်စပ်၍လည်းကောင်း ပြောင်းလဲရန် လိုအပ်ပါက ဘဏ်သည် ဤစည်းမျဉ်းစည်းကမ်းများအား ပြောင်းလဲမည် ဖြစ်သည်။ ပြောင်းလဲပြင်ဆင်မှုများ ပြုလုပ်ပြီး နောက်ဆုံးအချက်အလက်များကို ဘဏ်၏ Website တွင်လည်းကောင်း၊ ဘဏ်ခွဲများတွင်လည်းကောင်း ထုတ်ပြန် ကြေညာမည်။ ဘဏ်သည် ၎င်း၏ ဝန်ဆောင်မှုလုပ်ငန်းများနှင့်ပတ်သက်၍ ဘဏ်၏ဝန်ဆောင်မှုများ သို့မဟုတ် ဝန်ဆောင်မှု ပေးသည့်လုပ်ငန်းများအတွက် အထူးကမ်းလှမ်းကြေညာချက်ကို အချိန်မရွေး စတင်ဆောင်ရွက်နိုင်သည် သို့မဟုတ် ရုတ်သိမ်းနိုင်ပါသည်။

၁၁.၄။ သတင်းအချက်အလက်များအတွက် ဆောင်ရွက်နိုင်ခွင့် – ဘဏ်၏ ဒစ်ဂျစ်တယ်ဘဏ်လုပ်ငန်း ဝန်ဆောင်မှုအား အသုံးပြုနေသူများသည် ထိုဝန်ဆောင်မှုများအား အသုံးပြု၍ ဥပဒေချိုးဖောက်ခြင်း၊ ငွေကြေးခဝါချခြင်း၊ ကန့်သတ်ပိတ်ပင် ထားသည့် စာရင်းပိုင်ရှင်၏ စာရင်းအတွင်းသို့ ငွေလွှဲပြောင်းခြင်း ဖြစ်ပေါ်လာပါက အသုံးပြုခဲ့သည့် လိုအပ်သော အချက် အလက်များအား ဘဏ်မှ တောင်းဆိုရယူနိုင်ခွင့် ရှိကြောင်း Customer မှ သဘောတူညီရမည်။

၁၂။ ဘဏ်၏တာဝန်ရှိမှုအား ကန့်သတ်ခြင်း

၁၂.၁။ သဘာဝဘေးအန္တရာယ်များ၊ စစ်ဖြစ်ပွားခြင်း၊ အဓိကရုဏ်းဖြစ်ခြင်း၊ ကုန်သွယ်မှုတားမြစ် ပိတ်ပင်ခြင်း၊ အစိုးရ အမိန့်နှင့် အခြားသော မမျှော်မှန်းနိုင်သော အခြေအနေများကြောင့် ထိန်းချုပ်ရန် ခက်ခဲသော အခြေအနေများတွင် ဤစည်းမျဉ်းစည်းကမ်းများအား အကောင်အထည်ဖော်ရာ၌ ပျက်ကွက်ခြင်း (သို့မဟုတ်) ကြန့်ကြာခြင်းများအတွက် ဘဏ်တွင် တာဝန်မရှိစေရ။

၁၂.၂။ ငွေစာရင်းလွှဲပြောင်းမှုကို ပြီးပြည့်စုံအောင် အချိန်မီ ဆောင်ရွက်မပေးနိုင်ခြင်း (သို့မဟုတ်) ဘဏ်စနစ် ချို့ယွင်းချက် (System Error) ကြောင့် ပမာဏမှန်ကန်မှုမရှိခြင်းများ ရှိခဲ့ပါက အသုံးပြုသူ၏ နစ်နာဆုံးရှုံးမှုအတွက် ဘဏ်မှ တာဝန်ရှိပါသည်။ သို့ရာတွင် အောက်ပါခြွင်းချက်များရှိခဲ့ပါက ဘဏ်မှပေးလျော်ရန် တာဝန်မရှိပါ-

(က) ငွေစာရင်းလွှဲပြောင်းပေးရန် အသုံးပြုသူ၏ ငွေစာရင်းတွင် လက်ကျန်လုံလောက်မှုမရှိခြင်း။

(ခ) User ၏ စာရင်းမှာ ပိတ်သိမ်းပြီးသောစာရင်း ဖြစ်နေခြင်း။

(ဂ) အသုံးပြုသူ၏စာရင်း၌ ငွေလက်ကျန်လုံလောက်မှုရှိသော်လည်း တရားဥပဒေအရ တရားရင်ဆိုင်နေရခြင်း (သို့မဟုတ်) အခြားအတားအဆီးများ ရှိနေခြင်း။

(ဃ) ငွေစာရင်းလွှဲပြောင်းမှုမှာ ချေးငွေကန့်သတ်ချက် ကျော်လွန်ခြင်း (သို့မဟုတ်) စာရင်းပိုထုတ်မှုများ ကိုးကား မိစေရန် အခြားအစီအမံများ ရှိနေခြင်း။

(င) Customer သို့ User မှ ဒစ်ဂျစ်တယ်ဘဏ်လုပ်ငန်းဆိုင်ရာ စည်းမျဉ်းစည်းကမ်းများအား စနစ်တကျ မလိုက်နာခြင်း၊

(စ) ဘဏ်မှ သတိကြီးစွာ ကြိုတင်ကာကွယ်မှု ပြုလုပ်ထားသော်လည်း ထိန်းချုပ်နိုင်စွမ်းမရှိသည့် အခြေအနေများ (မီးလောင်ခြင်း၊ လျှပ်စစ်ဓာတ်အားပြတ်တောက်ခြင်း၊ စက်ပစ္စည်းများပျက်စီးခြင်း၊ ရေကြီးခြင်းအပြင် အခြားအခြေအနေ များစသည်) ဖြစ်ပေါ်ခြင်းကြောင့် ငွေစာရင်းလွှဲပြောင်းပေးမှုကို အဟန့်အတား ဖြစ်စေခြင်း၊

(ဆ) အသုံးပြုသူ၏ ဆက်သွယ်ရေးလိုင်းများ၊ ကိုယ်ပိုင်ကွန်ပျူတာ၊ မိုဘိုင်းဖုန်း စသည့်ကိရိယာများ ကောင်းစွာ အလုပ်မလုပ်ခြင်း၊

(ဇ) အသုံးပြုသူအနေဖြင့် ငွေပေးချေမှုအား မှန်ကန်စွာမပြုလုပ်ခြင်း (သို့မဟုတ်) ဘဏ်အား ငွေလက်ခံသူ၏ အမည်နှင့် ဘဏ်စာရင်း အစရှိသည်တို့ကို မှားယွင်းဖြည့်စွက်ထားခြင်း။

၁၃။ အရေးပေါ်ကိစ္စရပ်များ

၁၃.၁။ စကားဝှက် မေ့ပျောက်ခြင်း/ခိုးယူခံရခြင်း (Forgotten/ Stolen Password) – Customer/User မှ Password ကို မေ့သွားခြင်း (သို့မဟုတ်) ခိုးယူခံရခြင်း (သို့မဟုတ်) ခိုးယူခံရသည်ဟု သံသယဖြစ်ခြင်းများ ရှိခဲ့ပါက ဘဏ်သို့ ချက်ချင်းဆက်သွယ်အကြောင်း ကြားရမည်။ (သို့မဟုတ်) Call Center သို့ ဖုန်းခေါ်ဆိုရမည်။ သက်ဆိုင်ရာဝန်ထမ်းမှ လုံခြုံမှုအတွက် စုံစမ်းမေးမြန်းသည့် မေးမြန်းချက်များအားလုံးကို Customer က မှန်ကန်စွာ ဖြေကြားပေးနိုင်ရမည်။

၁၃.၂။ PIN Code မေ့ပျောက်ခြင်း (Forgotten PIN code) – Customer/User မှ အသုံးပြုလျက်ရှိသည့်ကိရိယာများရှိ Yoma Bank Mobile Banking Application အတွက် PIN Code ကို မေ့ပျောက်သွားပါက Unlink Function ကိုအသုံးပြုပြီး နောက်တစ်ကြိမ် Application ကို Activate ပြန်လည်ပြုလုပ်ရန် လိုအပ်ပါသည်။ Activation ပြုလုပ်နေစဉ် PIN အသစ်ကို ပြန်လည်သတ်မှတ်နိုင်ပါသည်။

၁၃.၃။ မိုဘိုင်းဖုန်းပျောက်ဆုံးခြင်း/ ခိုးယူခံရခြင်း (Mobile phone stolen or lost) – Customer/User မှ Online Channel သို့ ဝင်ရောက်ပြီး ခိုးယူခံရသည့်ကိရိယာ (Device)ကို Unlink ပြုလုပ်နိုင်ပါသည်။

၁၃.၄။ ခွင့်ပြုထားခြင်းမရှိသော လွှဲပြောင်းမှုများ (Unauthorized Transfers) – Customer ၏ ခွင့်ပြုချက်မရှိဘဲ Customer ၏ စာရင်းမှ ငွေလွှဲပြောင်းထုတ်ယူခြင်း သို့မဟုတ် စာရင်းသို့ ငွေလွှဲပြောင်းပေးသွင်းခြင်းများ တွေ့ရှိခဲ့ပါက ဘဏ်၏ Call Center သို့ ချက်ချင်းအကြောင်းကြားရမည်။ ထိုသို့မဟုတ်ပါက ထိုလွှဲပြောင်းမှုများအတွက် ဘဏ်မှ အကာကွယ်ပေးနိုင်မည် မဟုတ်ပါ။

၁၃.၅။ Customer ၏ စာရင်းနှင့်ပတ်သက်သည့် မှားယွင်းမှုများ/သံသယများ (Errors or Questions About Your Account) – Customer ၏ ဘဏ်စာရင်းရှင်းတမ်းမှားယွင်းမှုများ (သို့မဟုတ်) သံသယဖြစ်ဖွယ်ရာများ တွေ့ရှိခဲ့ပါက Customer အမည်၊ စာရင်းအမှတ်၊ မှားယွင်းသော (သို့မဟုတ်) သေချာမှုမရှိသော လွှဲပြောင်းမှုနှင့် ယင်းသို့ဖြစ်ရသည့် အကြောင်းရင်း၊ မှားယွင်းသည်ဟု သံသယဖြစ်သည့် ပမာဏ စသည်တို့ကို ရှင်းလင်းစွာ ဖော်ပြလျှက် တတ်နိုင်သမျှ မြန်မြန် ဘဏ်၏ Call Center သို့ ဖုန်းဖြင့် ဆက်သွယ်အကြောင်းကြားရမည်။

၁၄။ အထွေထွေ

၁၄.၁။ ငွေကြေးလွှဲပြောင်းခြင်း – လွှဲပြောင်းနိုင်သည့် ငွေပမာဏ/အကြိမ်ရေသည် ကန့်သတ်ချက်ထက် ကျော်လွန်နေပါက ဘဏ်မှ ချမှတ်ထားသည့် စည်းမျဉ်းစည်းကမ်းနှင့်အညီ ကျော်လွန်နေသော ငွေပမာဏအား တားမြစ်ခြင်း (သို့မဟုတ်) ရပ်ဆိုင်းခြင်းကို ဘဏ်မှ ဆောင်ရွက်နိုင်သည်။

၁၄.၂။ ဝန်ဆောင်မှုအသစ်များ – ဒစ်ဂျစ်တယ်ဘဏ်လုပ်ငန်းနှင့် ပတ်သက်၍ ဝန်ဆောင်မှုအသစ်များအတွက် ဘဏ်မှ ကြေညာပေးမည်ဖြစ်ပြီး ဝန်ဆောင်မှုအသစ်နှင့် ပတ်သက်သော ချမှတ်ထားသည့် စည်းမျဉ်းစည်းကမ်းများ၊ User Guide များ အား သုံးစွဲသူမှ လိုက်နာရပါမည်။

၁၄.၃။ Product အသစ်နှင့် ဝန်ဆောင်မှုများ ပေးအပ်ခြင်း – Customer သည် ရိုးမဘဏ်၏ Application (သို့မဟုတ်) Email အစရှိသည့် Electronic Channel များမှ တစ်ဆင့် အခါအားလျော်စွာ ပေးပို့သော Product နှင့် ဝန်ဆောင်မှုအသစ်များ မိတ်ဆက်ခြင်းကို သဘောတူညီပါသည်။ Customer သည် ရိုးမဘဏ်၏ Electronic Channel များမှတစ်ဆင့်ပေးပို့သော Product နှင့် ဝန်ဆောင်မှုအသစ်ဆိုင်ရာ စည်းမျဉ်းစည်းကမ်း သဘောတူညီချက်များ နှင့် ယင်းသဘောတူညီချက်ပါ အကြောင်းအရာများကို လက်ခံကြောင်း Electronic Channel များမှတစ်ဆင့် လုပ်ဆောင်ရန် သဘောတူညီပါသည်။

အထက်ဖော်ပြပါ စည်းမျဉ်းစည်းကမ်းများကို လက်ခံခြင်းသည် ဤသဘောတူညီချက်စာချုပ်အတိုင်း Customer က ရိုးမဘဏ်မှ ဝန်ဆောင်မှုရယူရန် နှင့် ရိုးမဘဏ်က Customer အား ဝန်ဆောင်မှုပေးရန်အတွက် Customer နှင့် ရိုးမဘဏ် နှစ်ဦးနှစ်ဖက်အကြား ဥပဒေအရ တရားဝင် ကတိပြုခြင်း ဖြစ်သည်ဟုမှတ်ယူပါသည်။

၁၄.၄။ အခကြေးငွေနှင့် ကောက်ခံသောနှုန်းထားများ – ဒစ်ဂျစ်တယ်ဘဏ်လုပ်ငန်းမှ ပေးမည့်ဝန်ဆောင်မှုများအတွက် ဘဏ်မှ အခါအားလျော်စွာ သတ်မှတ်ထားသည့် နှုန်းထားများအတိုင်း ကောက်ခံပါမည်။ ဘဏ်သည် ၎င်း၏ ဝန်ဆောင်မှုများအတွက် သတ်မှတ်ထားသော အခကြေးငွေများ သို့မဟုတ် ၎င်းတို့အနက်မှ တစ်ခုခုကို အသိပေးရန် မလိုဘဲ အချိန်မရွေး ပြန်လည်ပြင်ဆင်နိုင်သည်။

၁၄.၅။ ငွေကြေးမလုံလောက်ခြင်း – ဘဏ်၏ ဒစ်ဂျစ်တယ်ဘဏ်လုပ်ငန်းစနစ် သုံးစွဲသူသည် Customer ၏ ဘဏ်စာရင်းမှ ငွေပေးချေမှုပြုလုပ်ရန် ညွှန်ကြားလာသည့်အခါတွင် ထိုသို့ လွှဲပြောင်းပေးချေရန် ဘဏ်စာရင်း၌ ငွေကြေးလုံလောက်စွာ ရှိနေရန် Customer က ဆောင်ရွက်ထားရမည်။ ငွေကြေးလုံလောက်ခြင်းမရှိပါက ငွေပေးချေမှုရနိုင်မည် မဟုတ်သည့်အပြင် လုပ်ဆောင်ရန် ကျန်ရှိနေသေးသော ငွေပေးချေမှုများကိုလည်း ငွေကြေးလုံလောက်သည့် အချိန်အထိ ရပ်ဆိုင်းထားမည် ဖြစ်သည် သို့မဟုတ် ဆောင်ရွက်နိုင်မည် မဟုတ်ပါ။ ငွေကြေးလုံလောက်မှု မရှိသည့်အခါ အသုံးပြုသူသည် Warning Message (or) Error Message ကို မြင်တွေ့ရမည် ဖြစ်သည်။

၁၄.၆။ ဆက်သွယ်ရန်လိပ်စာ ပြောင်းလဲခြင်း – ဆက်သွယ်ရန်လိပ်စာသည် Security Code များကို ပေးပို့လက်ခံရာတွင် အသုံးပြုရသည်ဖြစ်ရာ အကြောင်းတစ်စုံတစ်ရာကြောင့် ဆက်သွယ်ရန်လိပ်စာတစ်ခုခု ပြောင်းလဲလိုပါက အသုံးပြုသူသည် ဘဏ်သို့ လူကိုယ်တိုင်လာရောက် ဆက်သွယ်အကြောင်းကြားရမည်။

၁၅။ ဥပဒေအကျိုးသက်ရောက်မှု

ဤသဘောတူညီချက်ပါ စည်းမျဉ်းစည်းကမ်းများအား ဖောက်ဖျက်ခြင်းကြောင့် ဖြစ်ပေါ်လာသော အငြင်းပွားမှုများသည် ပြည်ထောင်စုသမ္မတမြန်မာနိုင်ငံတော်၏ တည်ဆဲဥပဒေများအရ သက်ဆိုင်ရာတရားရုံးများ၌ တရားရင်ဆိုင်ဖြေရှင်းရမည်။

၁၆။ Appendix_Yoma Bank_ Digital Banking Services
ဒစ်ဂျစ်တယ်ဘဏ်လုပ်ငန်းဝန်ဆောင်မှုများ (Digital Banking Services)

၁။ ငွေကြေးလုပ်ဆောင်ချက်များ (Financial Functions)

၁.၁။ Transfer between my Yoma accounts/cards – ဘဏ်တွင်ဖွင့်လှစ်ထားရှိသော ကိုယ်ပိုင်စာရင်းများ၊ ကတ်များ အကြား ငွေစာရင်းလွှဲပြောင်းနိုင်ခြင်း၊

၁.၂။ Transfer to Yoma Bank Account – ဘဏ်တွင်ဖွင့်လှစ်ထားရှိသော အခြားသူများ၏ စာရင်းသို့ ငွေစာရင်း လွှဲပြောင်းနိုင်ခြင်း၊

(က) ပြင်ပဘဏ်ငွေလွှဲခြင်း – ရိုးမဘဏ်အကောင့်မှ ပြင်ပအကျိုးခံစားခွင့်ရှိသူများ၏ ပြင်ပဘဏ်အကောင့်များသို့ လွှဲပြောင်းခြင်း (CBM Net ကို လက်ခံခြင်း – ပိုမိုမြန်ဆန်သောငွေပေးချေမှုဆိုင်ရာ ပြင်ပဘဏ်များအတွက်) – ပြင်ပဘဏ်ငွေလွှဲခြင်းအတွက် သတ်မှတ်ချက်ပြည့်မီသော ပြင်ပဘဏ်များစာရင်းကို ရိုးမဘဏ်မှ ထုတ်ဝေပြီး ပြန်လည်ပြင်ဆင်မည် ဖြစ်သည်။

၁.၃။ Transfer to Wave Money – ဘဏ်တွင်ဖွင့်လှစ်ထားရှိသည့် စာရင်းတစ်ခုခုမှ Wave Money၏ MFS Account သို့ ငွေစာရင်းလွှဲပြောင်းပေးပို့နိုင်ခြင်း၊

၁.၄။ Mobile Top-up – ဘဏ်တွင် ဖွင့်လှစ်ထားရှိသည့် စာရင်းတစ်ခုခုမှ မိုဘိုင်းဖုန်း၏ ငွေလက်ကျန်ဖြည့်တင်းနိုင်ခြင်း၊

၁.၅။ Create Fixed Deposit – ဘဏ်တွင် ဖွင့်လှစ်ထားရှိသည့် စာရင်းတစ်ခုခုမှ ငွေစာရင်း လွှဲပြောင်းခြင်းနည်းဖြင့် အသုံးပြုသူကိုယ်တိုင် စာရင်းသေအပ်ငွေ (Fixed Deposit) ထားရှိနိုင်ခြင်း၊

၁.၆။ Terminate Fixed Deposit – စာရင်းသေအပ်ငွေစာရင်းကို အချိန်မစေ့မှီ ရပ်စဲခြင်း

၁.၇။ Recurring Payment – ထပ်တလဲလဲ ပေးချေမှုများအတွက် ဘဏ်က ဆောင်ရွက်ပေးရန် ညွှန်ကြားချက် ပေးထားနိုင်ခြင်း၊

၁.၈။ Bill Payment – WavePay ၏ ကွန်ယှက်အတွင်းရှိ Merchant များကို ငွေပေးချေခြင်း၊

၁.၉။ Bulk Payment – လုပ်ငန်းဆောင်ရွက်ချက်တစ်ခုတည်းဖွင့်၍ တစ်ခုထက်ပိုသော စာရင်းများသို့ ငွေအမြောက်အမြား ပေးချေခြင်း (Enterprise Customer များအတွက်သာ)

၁.၁၀။ Multi-signatures – ပူးတွဲ စာရင်းများနှင့် enterprise account များအတွက် အခွင့်ရ အသုံးပြုသူများက လုပ်ငန်း ဆောင်ရွက်ချက်များအတွက် လက်မှတ်ရေးထိုးခွင့်။

၂။ ငွေကြေးမဟုတ်သောလုပ်ဆောင်ချက်များ (Non-Financial Functions)

၂.၁။ Account Overview / Account Details – (ပူးတွဲ စာရင်းများအပါအဝင်) ငွေသွင်းခြင်းနှင့် ချေးငွေ စာရင်းများကို အသေးစိတ် ကြည့်ရူစစ်ဆေးနိုင်ခြင်း၊

၂.၂။ Account Statements – ဘဏ်တွင် ဖွင့်လှစ်ထားသော ဘဏ်စာရင်းရှင်းတမ်းများ ကြည့်ရှုစစ်ဆေးနိုင်ခြင်း၊ လအလိုက် ဘဏ်စာရင်းရှင်းတမ်းများကို ရယူနိုင်ခြင်း၊

၂.၃။ Card Overview/ Card Details – ဘဏ်မှ ထုတ်ပေးထားသည့် ကတ်များကို အသေးစိတ် ကြည့်ရှုစစ်ဆေးနိုင်ခြင်း၊

၂.၄။ Card Statements – ဘဏ်မှ ထုတ်ပေးထားသည့် ကတ်များ၏ လအလိုက် ဘဏ်ရှင်းတမ်းများကို ကြည့်ရှုရယူနိုင်ခြင်း၊

၂.၅။ Change Card Status – ဘဏ်မှထုတ်ပေးထားသည့် ကတ်အခြေအနေကို ယာယီပြောင်းလဲနိုင်ခြင်း၊

၂.၆။ Transaction History – လွန်ခဲ့သော ငွေကြေးလုပ်ဆောင်ချက်များကို ပြန်လည်ကြည့်ရှုနိုင်ခြင်း၊

၂.၇။ Transaction Status – ဘဏ်လုပ်ငန်း လုပ်ဆောင်ချက်အခြေအနေများကို ကြည့်ရှုနိုင်ခြင်း၊

၂.၈။ Mailbox – ဘဏ်လုပ်ငန်းဆိုင်ရာကိစ္စရပ်များအတွက် အသုံးပြုသူနှင့် ဘဏ်အကြား အပြန်အလှန် စာများပေးပို့နိုင်ခြင်း၊

၂.၉။ Switch Profiles – User သည် user profile များ အားလုံး၏ စာရင်းကို ကြည့်ရူနိုင်ခြင်း၊ user profile တစ်ခုမှ တစ်ခုသို့ ကူးပြောင်းနိုင်ခြင်း၊ လော့အင် ဝင်ရောက်ရန် default user profile ကို ဖန်တီးခွင့် နှင့် ပြောင်းလဲခွင့် အပါအဝင် personal profile နှင့် enterprise profile အကြားကူးပြောင်း သုံးစွဲနိုင်ခြင်း။

၃။ အခြားလုပ်ဆောင်ချက်များ (Other Functions)

၃.၁။ Unlink Device – Yoma Bank Mobile Banking Application ကို တပ်ဆင်အသုံးပြုနေသော မိုဘိုင်းဖုန်းများ အကြောင်းအမျိုးမျိုးကြောင့် ပယ်ဖျက်လိုပါက ပယ်ဖျက်နိုင်ခြင်း၊

၃.၂။ Log In – ဒစ်ဂျစ်တယ်ဘဏ်လုပ်ငန်းစနစ်သို့ ဝင်ရောက်ခြင်း၊

၃.၃။ Log Out – ဒစ်ဂျစ်တယ်ဘဏ်လုပ်ငန်းစနစ်မှ ထွက်ခြင်း၊

၃.၄။ Dashboard – ဒစ်ဂျစ်တယ်ဘဏ်လုပ်ငန်းစနစ်၏ ရှေ့မျက်နှာစာ၊

၃.၅။ Menu – ပါဝင်သည့်အကြောင်းအရာ၊

၃.၆။ Tutorial – လုပ်ဆောင်ချက်လမ်းညွှန်/နမူနာ၊

၃.၇။ Change Language – ဘာသာစကားပြောင်းလဲခြင်း၊

၃.၈။ Recipient Management – ငွေစာရင်းလွှဲပြောင်းလက်ခံသူ စီမံခန့်ခွဲခြင်း၊

၃.၉။ Widgets – ဆောင်ရွက်ချက်များ စုစည်းရာနေရာများ (Comfort Zone Widget, Account Widget, Card Widget, Send Money Widget, Mobile Top-up Widget, Transaction History Widget, Transaction Status Widget, Messaging Center Widget)၊

၃.၁၀။ Recurring Payment Overview – ငွေကြေးလွှဲပြောင်းမှုဆောင်ရွက်ပေးရန် ညွှန်ကြားချက်များ ကြည့်ရှုခြင်း၊

၄။ Online Channel ၏ သီးခြားဝန်ဆောင်မှုများ

၄.၁။ Header – လုပ်ဆောင်ချက်တစ်ခုချင်းစီ၏ ခေါင်းစဉ်များကိုအသုံးပြုပြီး ဘဏ်လုပ်ငန်း လုပ်ဆောင်ချက်များကို စတင်နိုင်ခြင်း၊

၄.၂။ Footer – ဒစ်ဂျစ်တယ်ဘဏ်လုပ်ငန်းစာမျက်နှာ အောက်ခြေတွင် အသုံးပြုသူများအတွက် အသုံးဝင်သော ဘဏ်လုပ်ငန်းဆိုင်ရာ Link များကို တိုက်ရိုက်ချိတ်ဆက်ကြည့်ရှုနိုင်ခြင်း၊

၄.၃။ Preferences Overview – စိတ်ကြိုက်မြင်ကွင်းများကို ဖန်တီးနိုင်ခြင်း။

၄.၄။ Device Management – Yoma Bank Mobile Banking Application ကို တပ်ဆင်အသုံးပြုလျက်ရှိသော ကိရိယာများကို စီမံခန့်ခွဲနိုင်ခြင်း၊

၄.၅။ Modify/Delete Template – ပုံစံများ ပြင်ဆင်/ပယ်ဖျက်ခြင်း၊

၄.၆။ Change Recipient Name/Image – ငွေစာရင်းလွှဲပြောင်းလက်ခံမည့်သူ၏ အမည်/ပုံရိပ်များ ပြောင်းလဲနိုင်ခြင်း၊

၅။ Mobile Channel/ Mobile Bank ၏ သီးခြားဝန်ဆောင်မှုများ

၅.၁။ Settings – သတ်မှတ်ချက်များ၊

၅.၂။ Change Unlock Method – Mobile App ဖွင့်ရန်နည်းလမ်းပြင်ဆင်ခြင်း၊

၅.၃။ Nearest Branches & Wave Shops – အနီးဆုံးရှိ ဘဏ်ခွဲများနှင့် Wave ဆိုင်များ

၅.၄။ Nearest Branches & Wave Shops Widget – အနီးဆုံးရှိ ဘဏ်ခွဲများနှင့် Wave ဆိုင်များကို ပြသသည့် နေရာ၊

၅.၅။ Mobile Token – ဒုတိယအဆင့်အတည်ပြုချက်အတွက် အသုံးပြုသည့် OTP ကို ထုတ်ပေးနိုင်ခြင်း၊

၅.၆။ Mobile Token Widget – Mobile Token ရှိရာနေရာ၊

၁။ သဘောတူညီချက်

ဤသဘောတူညီချက်တွင် ရိုးမဘဏ်လီမိတက် (“ဘဏ်” သို့မဟုတ် “ကျွန်ုပ်တို့”) မှ ထုတ်ပေးသည့် ငွေပေးချေမှုကတ်များ (ဥပမာ- အီလက်ထရောနစ်နည်းဖြင့်အသုံးပြုနိုင်သော သို့မဟုတ် လက်ဖြင့်ကိုင်တွယ် အသုံးပြုနိုင်သော Debit ကတ်၊ Credit ကတ်များ) ကို အသုံးပြုသည့်အခါ ကတ်ကိုင်ဆောင်သူ (ဤမှနောက်တွင် “ကတ်ကိုင်ဆောင်သူ” သို့မဟုတ် “သင်” ဟုခေါ်ဆိုမည်ဖြစ်သည်) မှ လိုက်နာရမည့် စည်းကမ်းချက်များ နှင့် သတ်မှတ်ချက်များ ပါဝင်ပါသည်။

ဘဏ်မှ ထုတ်ပေးမည့် ကတ်အပါအဝင် ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို လျှောက်ထားအသုံးပြုခြင်းဖြင့် ကတ်ကိုင်ဆောင်သူတစ်ဦးစီသည် ဤသဘောတူညီချက်၏ စည်းကမ်းချက်များ နှင့် သတ်မှတ်ချက်များ နှင့် ဘဏ်မှ ထုတ်ပြန်သည့် စည်းမျဉ်းစည်းကမ်းများနှင့် လုပ်ထုံးလုပ်နည်းများကို နားလည်သဘောပေါက်ပြီး လက်ခံသည်ဟု ယူဆပါသည်။

ကတ်ကိုင်ဆောင်သူတစ်ဦးစီသည် ဤသဘောတူညီချက်၊ ဘဏ်မှ ထုတ်ပြန်သည့် စည်းမျဉ်းစည်းကမ်းများနှင့် ဘဏ်၏ မူဝါဒများကို ဖတ်ရှုနားလည်ရမည်ဖြစ်ပြီး ဘဏ်၏ ဝက်ဘ်ဆိုက်သို့ ဝင်ရောက်ကာ ဘဏ်မှ ပြုလုပ်သည့် ဆက်သွယ်မှုအားလုံးကို ဖတ်ရှုခြင်းဖြင့် ဘဏ်မှ ပြုလုပ်သည့် ပြောင်းလဲမှုများကို ကိုယ်တိုင် သိရှိနေမည်ဟု ကိုယ်စားပြုခံဝန်ခံပါသည်။

ဤစည်းကမ်းချက်များ နှင့် သတ်မှတ်ချက်များ ကို ကျွန်ုပ်တို့ ပေးဆောင်သည့် ထုတ်ကုန်နှင့် ဝန်ဆောင်မှုတစ်ခုစီနှင့် သက်ဆိုင်သည့် တိကျသော စည်းကမ်းချက်များ နှင့် သတ်မှတ်ချက်များ ဖြင့် ဖြည့်စွက်နိုင်ပါသည်။ ထုတ်ကုန်နှင့် ဝန်ဆောင်မှုတစ်ခုစီနှင့် သက်ဆိုင်သည့် စည်းမျဉ်းစည်းကမ်းများနှင့် ဤယေဘုယျ စည်းကမ်းချက်များ နှင့် သတ်မှတ်ချက်များ အကြား ဆန့်ကျင်ကွဲလွဲမှုများ ရှိပါက ဤယေဘုယျ စည်းကမ်းချက်များ နှင့် သတ်မှတ်ချက်များ ကိုသာ ဦးစားပေး လိုက်နာရမည်ဖြစ်ပါသည်။

၂။ သဘောတူညီချက်ကို ပြင်ဆင်/ပြောင်းလဲ/ဖြည့်စွက်ခြင်း။

ဘဏ်သည် ဤယေဘုယျ စည်းကမ်းချက်များ နှင့် သတ်မှတ်ချက်များ ကို လိုအပ်သည့်အခါ ပြင်ဆင်/ပြောင်းလဲ/ဖြည့်စွက်နိုင်သော အခွင့်အရေးရှိသည်။ ဘဏ်သည် ယင်းကဲ့သို့ ပြင်ဆင်/ပြောင်းလဲ/ဖြည့်စွက်မှုများကို ၎င်း၏ ဝက်ဘ်ဆိုက်တွင် ထုတ်ပြန်ခြင်းဖြင့် အများပြည်သူအား ပြသထားမည်ဖြစ်သည်။ အရေးပါသော ပြင်ဆင်/ပြောင်းလဲ/ ဖြည့်စွက်မှု များအတွက် ဘဏ်သည် ၎င်း၏ ဝက်ဘ်ဆိုက်တွင် ထုတ်ပြန်ကြေညာမည်ဖြစ်ပြီး ဘဏ်ခွဲများတွင်လည်း ကြေညာချက်များ ပြသထားမည်ဖြစ်သည်။ ပြင်ဆင်/ပြောင်းလဲ/ဖြည့်စွက်မှုများသည် ပထမဆုံး ထုတ်ပြန်သည့်နေ့မှ စ၍ အကျိုးသက်ရောက်မည်ဖြစ်သည်။ “အရေးပါသော ပြင်ဆင်/ပြောင်းလဲ/ဖြည့်စွက်မှုများ” တွင် ကတ်အသုံးပြုခွင့်ကို ဖျက်သိမ်းခြင်း၊ ရပ်ဆိုင်းခြင်း နှင့်/သို့မဟုတ် ပြောင်းလဲခြင်း၊ ဘဏ်ကတ် ဝန်ဆောင်မှုများကို လျှော့ချခြင်း၊ ကတ်အသုံးပြုမှုနှင့် သက်ဆိုင်သည့် အခကြေးငွေအသစ်များ သတ်မှတ်ခြင်း သို့မဟုတ် လက်ရှိကြေးငွေများကို ပြောင်းလဲခြင်းတို့ နှင့်ဆိုင်သည့် ပြဋ္ဌာန်းချက်များ အပါအ၀င်ဖြစ်သည်။

၃။ သတ်မှတ်ချက်များ

• ၃.၁။ ဤစာရွက်စာတမ်းတွင် ဘဏ်ဟု ဖော်ပြထားခြင်းသည် ရိုးမဘဏ်လီမိတက်ကို ဆိုလိုသည်။
• ၃.၂။ စာရင်း(များ) ဆိုသည်မှာ ၀န်ဆောင်မှုရယူသူသည် ဘဏ်တွင် ဖွင့်လှစ်ပြီး ငွေပေးချေခြင်း၊ ငွေလက်ခံရရှိခြင်း၊ ထုတ်ကုန်နှင့် ဝန်ဆောင်မှုများ ဝယ်ယူရောင်းချခြင်း စသည့် ငွေကြေးဆိုင်ရာ လုပ်ငန်းဆောင်တာများ နှင့် တရားဝင်ရည်ရွယ်ချက်များအတွက် အသုံးပြုရန် သဘောတူထားသော ဘဏ်စာရင်း(များ) ကို ဆိုလိုသည်။
• ၃.၃။ လိပ်စာ ဆိုသည်မှာ ဘဏ်မှ ကတ်ကိုင်ဆောင်သူ (သို့မဟုတ် ကတ်လျှောက်ထားသူ) သို့ ဆက်သွယ်ရန်အတွက် ၄င်းမှ ဘဏ်သို့ ပေးအပ်ထားသည့် ဆက်သွယ်ရေး အသေးစိတ်များကို ဆိုလိုသည်။ ထိုသို့ ပေးအပ်ထားသည့် ဆက်သွယ်ရေးအသေးစိတ်များတွင် စာပေးစာယူလိပ်စာ၊ နေထိုင်ရာလိပ်စာ၊ အီးမေးလ်၊ ဖက်စ်နံပါတ်၊ ဖုန်းနံပါတ်တို့ ပါဝင်နိုင်သည်။
• ၃.၄။ ATM ဆိုသည်မှာ ဘဏ် သို့မဟုတ် အခြား MPU အဖွဲ့ဝင် ဘဏ်များ သို့မဟုတ် ငွေရေးကြေးရေးအဖွဲ့အစည်းများ၏ ကတ်ကို ကိုင်ဆောင်ထားသည့် ကတ်ကိုင်ဆောင်သူသည် ၎င်း၏ ကတ်ကို အသုံးပြု၍ ဘဏ်များရှိ စာရင်းများမှ ငွေထုတ်ယူခြင်း၊ စာရင်းများရှိ ငွေလက်ကျန်ကို စစ်ဆေးခြင်း စသည့် ဘဏ်လုပ်ငန်းများကို ဝင်ရောက်အသုံးပြုနိုင်သော စက်ကို ဆိုလိုသည်။
• ၃.၅။ ဘဏ်စာရင်းရှင်းတမ်း ဆိုသည်မှာ စာရင်းပိုင်ရှင်က (ကတ်ကို အသုံးပြုခြင်းဖြင့် အပါအ၀င်) လုပ်ဆောင်ခဲ့သည့် လုပ်ငန်းဆောင်တာများ ပါဝင်ပြီး ဘဏ်က သတ်မှတ်သည့် အချက်အလက်များအတိုင်း စာရင်း၏ ငွေလက်ကျန်ကို ပြသသည့် ဘဏ်စာရင်းရှင်းတမ်း ကို ဆိုလိုသည်။
• ၃.၆။ Call Centre ဆိုသည်မှာ ဘဏ်၏ ဆက်သွယ်ရေး ဗဟိုဌာန ဖုန်းနံပါတ် “9662” သို့မဟုတ် “097 9662 9662” ဖြစ်သည်။
• ၃.၇။ ကတ် ဆိုသည်မှာ ဘဏ်မှ (ပစ္စည်းအဖြစ် ဖြစ်စေ၊ အီလက်ထရောနစ်နည်းဖြင့် ဖြစ်စေ) ထုတ်ပေးထားသော ကတ် ဖြစ်ပြီး Debit ကတ်၊ Credit ကတ်၊ Pre-Paid ကတ် ကဲ့သို့ ငွေပေးချေမှု ပြုလုပ်နိုင်သော ကတ်ကို ဆိုလိုသည်။
• ၃.၈။ ကတ်ကိုင်ဆောင်သူ ဆိုသည်မှာ ဘဏ်မှ ထုတ်ပေးသည့် ကတ်ကို အသုံးပြုရန် တရားဝင် လက်ခံခွင့်ပြုထားသည့် ပုဂ္ဂိုလ်ကို ဆိုလိုသည်။ ကတ်ကိုင်ဆောင်သူသည် မြန်မာနိုင်ငံသား မဟုတ်ပါက လျှောက်ထားချက်တိုင်း နှင့်အတူ သက်တမ်းအနည်းဆုံး ခြောက်လ ကျန်ရှိသည့် နိုင်ငံကူးလက်မှတ် အထောက်အထား ပေးရမည် ဖြစ်သည်။
• ၃.၉။ ကတ်ပေးချေမှု ဆိုသည်မှာ ဘဏ်မှ ထုတ်ပေးသည့် အီလက်ထရောနစ်ကတ်များကို အသုံးပြု၍ ပေးချေမှုပုံစံမျိုးကို ဆိုလိုသည်။ ဥပမာ – POS ငွေပေးချေမှုများ၊ ATM ငွေပေးချေမှုများ၊ E-commerce ငွေပေးချေမှုများနှင့် ကတ်ကို အသုံးပြု၍ ပေးချေသည့် အခြားပေးချေမှုပုံစံများ ဖြစ်သည်။
• ၃.၁၀။ ကတ်ထုတ်ပေးသူ ဆိုသည်မှာ ဗဟိုဘဏ်မြန်မာမှ အီလက်ထရောနစ်ကတ် လုပ်ငန်း လုပ်ဆောင်ခွင့် ပြုထားသည့် ဘဏ် သို့မဟုတ် ဘဏ္ဍာရေး အဖွဲ့အစည်း နှင့် MPU တွင် စာရင်းသွင်းထားသည့် ဘဏ္ဍာရေး အဖွဲ့အစည်း နှင့် ဖွဲ့စည်းအဖွဲ့များ ဖြစ်သည်။
• ၃.၁၁။ ကတ်ဝန်ဆောင်မှု ပေးသူ ဆိုသည်မှာ နိုင်ငံတကာကတ်များအတွက် ငွေပေးချေများ လုပ်ဆောင်သည့် ဘဏ် နှင့် ငွေရေးကြေးရေးအဖွဲ့အစည်း ဖြစ်သည်။
• ၃.၁၂။ Credit ကတ် ဆိုသည်မှာ ဘဏ်က ကြိုတင်ခွင့်ပြုထားသော ချေးငွေပမာဏကို စာရင်းပိုင်ရှင်/ကတ်ကိုင်ဆောင်သူမှ ကတ်အသုံးပြုခွင့် ရှိသည့် နေရာများတွင် သို့မဟုတ် Credit ကတ် ပေးချေမှု လက်ခံသည့် လက်လီ လက်ကားဆိုင်များတွင် အသုံးပြုနိုင်သောကတ်ဖြစ်သည်။ Credit ကတ် စည်းမျဥ်းစည်းကမ်းချက်များ ၏ အသေးစိတ်အချက်များကို www.yomabank.com/terms-and-conditions တွင် ကြည့်နိုင်သည်။
• ၃.၁၃။ Debit ကတ် ဆိုသည်မှာ ဘဏ်မှ ထုတ်ပေးသည့် Debit ကတ် ဖြစ်ပြီး ကတ်ဖြင့် ပေးချေမှု လက်ခံသည့် နေရာများတွင် နှင့် ကတ်ကိုင်ဆောင်သူ၏ ချိတ်ဆက်ထားသည့် စာရင်းမှ အသုံးပြုသည့် ငွေကြို နုတ်ထွက်သွားသည့် ATM များတွင် အသုံးပြုနိုင်သည်။
• ၃.၁၄။ ဒစ်ဂျစ်တယ်ဘဏ်လုပ်ငန်းစနစ် ဆိုသည်မှာ လုံခြုံပြီး အဆင်ပြေသော ပုံစံဖြင့် အွန်လိုင်း ဘဏ်လုပ်ငန်း ဝန်ဆောင်မှုများ အသုံးပြုမှုကို အကောင်းဆုံးဖြစ်စေရန် အင်တာနက် ဝန်ဆောင်မှုများကို အသုံးပြု၍ ၀န်ဆောင်မှုရယူသူ နှင့် ဘဏ်အကြား အွန်လိုင်းမှတစ်ဆင့် ဆောင်ရွက်ပေးသည့် ဘဏ်လုပ်ငန်းစနစ်ကို ဆိုလိုသည်။
• ၃.၁၅။ E-Commerce Website ဆိုသည်မှာ ကတ်ကိုင်ဆောင်သူသည် ကတ်ကို အသုံးပြု၍ အီးကွန်မတ်စ် ရောင်းချသူ၏ ဝက်ဘ်ဆိုက်များမှ ကုန်ပစ္စည်းနှင့် ဝန်ဆောင်မှုများကို အွန်လိုင်းမှတစ်ဆင့် ဝယ်ယူနိုင်သော အင်တာနက် စာမျက်နှာကို ဆိုလိုသည်။
• ၃.၁၆။ ကုန်သည် ဆိုသည်မှာ ဘဏ် သို့မဟုတ် MPU အဖွဲ့ဝင် ဘဏ်များနှင့် ကတ်အသုံးပြုမှုကို လက်ခံရန် သဘောတူညီချက် ချုပ်ဆိုထားသည့် ရွှေနှင့်လက်၀တ်ရတနာကုန်သည်များ၊ ဆိုင်ပိုင်ရှင်များ၊ စားသောက်ဆိုင် ပိုင်ရှင်များ၊ လေကြောင်းလိုင်းများ စသည့် ကုန်သည်များကို ဆိုလိုသည်။
• ၃.၁၇။ MPU ဆိုသည်မှာ မြန်မာနိုင်ငံတော်ဗဟိုဘဏ်၏ ညွှန်ကြားချက်အရ ကတ်ထုတ်ပေးသူများနှင့် ကတ်ဝန်ဆောင်မှုပေးသူများက ဖွဲ့စည်းထားသည့် Myanmar Payment Union ကို ဆိုလိုသည်။
• ၃.၁၈။ Mobile Channel ဆိုသည်မှာ စမတ်ဖုန်း၊ Tablet သို့မဟုတ် အခြားသက်ဆိုင်ရာ စက်ပစ္စည်းများမှတစ်ဆင့် ဒစ်ဂျစ်တယ် ဘဏ်လုပ်ငန်း ဝန်ဆောင်မှုများကို ရရှိနိုင်သော ဘဏ်၏ မိုဘိုင်းလ် အက်ပ်လီကေးရှင်းများနှင့် အွန်လိုင်း ပေါ်တယ်များကို ဆိုလိုသည်။
• ၃.၁၉။ အမိန့် ဆိုသည်မှာ ကတ်နှင့် ဆက်စပ်သည့် စာရင်း(များ) ကို အသုံးပြုခွင့်ရှိသူမှ ကတ်ကို အသုံးပြု၍ ငွေကြေးလွှဲပြောင်းမှုများကို တိုက်ရိုက် သို့မဟုတ် သွယ်ဝိုက်၍ အကျိုးသက်ရောက်စေရန် ပေးအပ်သည့် တရားဝင် ညွှန်ကြားချက်ကို ဆိုလိုသည်။
• ၃.၂၀။ PIN ဆိုသည်မှာ ဘဏ်က သီးခြား ထုတ်ပေးသည့် လျှို့ဝှက်နံပါတ် ဖြစ်ပြီး ကတ်ကိုင်ဆောင်သူသည် ၎င်း၏ကိုယ်ပိုင် ကိုယ်ရေးကိုယ်တာ စကားဝှက်နံပါတ် (PIN) သို့ ကိုယ်တိုင် ပြောင်းလဲနိုင်သည်။
• ၃.၂၁။ OTP ဆိုသည်မှာ ဘဏ်က ကတ်ကိုင်ဆောင်သူထံ ပေးပို့နိုင်သည့် တစ်ကြိမ်သုံး စကားဝှက် ဖြစ်ပြီး သတ်မှတ်ထားသည့် အချိန်ကာလအတွင်း ကတ်ပေးချေမှု တစ်ကြိမ်တည်းအတွက်သာ အသုံးပြုနိုင်သည်။
• ၃.၂၂။ POS Terminal ဆိုသည်မှာ ဘဏ်၏ ဘဏ်ခွဲများ သို့မဟုတ် ကုန်သည်များက ကတ်လုပ်ငန်းဆောင်တာများ သို့မဟုတ် လုပ်ဆောင်ချက်များကို ဆောင်ရွက်ရန် အသုံးပြုသည့် အီလက်ထရောနစ်ပစ္စည်းကို ဆိုလိုသည်။
• ၃.၂၃။ Prepaid ကတ် ဆိုသည်မှာ ကတ်ကိုင်ဆောင်သူသည် ဘဏ်သို့ တိုက်ရိုက် သို့မဟုတ် သွယ်ဝိုက်၍ သတ်မှတ်ငွေပမာဏ တစ်ခုကို ကြိုတင်ငွေချေပြီးမှ ကတ်ကို အသုံးပြု၍ ငွေပေးချေမှု ပြုလုပ်နိုင်သည့် ကတ်ကို ဆိုလိုသည်။
• ၃.၂၄။ Supplementary ကတ် ဆိုသည်မှာ ဘဏ်မှ ကတ်ကိုင်ဆောင်သူ၏ သဘောတူညီချက်ဖြင့် ၎င်း၏ မိသားစုဝင် (ဇနီး၊ သား၊ သမီး၊ မိဘ) ထံ ထုတ်ပေးသည့် ကတ်ကို ဆိုလိုသည်။
• ၃.၂၅။ User Guide/ User Manual ဆိုသည်မှာ (အသုံးပြုသူလမ်းညွှန်စာစောင် သို့မဟုတ် အသုံးပြုသူလက်စွဲစာစောင် ဟူသော စကားလုံးများကို သုံးစွဲသည်ဖြစ်စေ) ဘဏ်ခွဲများတွင် ဖြန့်ဝေ သို့မဟုတ် ဘဏ်၏ ဝက်ဘ်ဆိုက်ပေါ်တွင် ပြသထားသည့် ကတ်အသုံးပြုသူ လမ်းညွှန်စာစောင် ဖြစ်ပြီး ဘဏ်က ကတ်ဝန်ဆောင်မှုကို စနစ်တကျ နှင့် လွယ်ကူစွာ အသုံးပြုနိုင်ရန် ရည်ရွယ်၍ အခါအားလျော်စွာ ထုတ်ပြန်လေ့ရှိသည်။
• ၃.၂၆။ Website ဆိုသည်မှာ ဘဏ်၏တရားဝင်ဝဘ်ဆိုဒ် www.yomabank.com ကို ဆိုလိုသည်။

၄။ ကတ်ကိုင်ဆောင်သူများ လိုက်နာရမည့်စည်းကမ်းများ။

• ၄.၁။ ကတ်တစ်ခုချင်းစီသည် ဘဏ်၏ တည်မြဲသောပိုင်ဆိုင်မှုဖြစ်ပြီး ထိုပိုင်ဆိုင်မှုသည် တရား၀င်အကျိုးခံစားခွင့်ရှိသော ပိုင်ဆိုင်မှုဖြစ်သည်။ ဘဏ်သည် တစ်ဦးတည်းဆုံးဖြတ်ခွင့်ဖြင့် ကတ်ကို ပြန်လည် ပေးအပ်ရန် တောင်းဆိုလျှင် ကတ်များကို ချက်ချင်းပြန်လည်ပေးအပ်ရမည်။
• ၄.၂။ ကတ်ကိုင်ဆောင်သူဖြစ်လိုသူသည် ဘဏ်တွင် စာရင်းရှင်စာရင်း သို့မဟုတ် စုငွေစာရင်း သို့မဟုတ် ခေါ်ယူအပ်ငွေစာရင်း သို့မဟုတ် ဘဏ်က လိုအပ်သည့် အခြားစာရင်းမျိုးကို ဖွင့်လှစ်ရမည်။ ထို့ပြင် ၀န်ဆောင်မှုရယူသူ သည် ကတ်အမျိုးအစားပေါ်မူတည်၍ သို့မဟုတ် ဘဏ်၏ အခြားလိုအပ်ချက်များအရ ဘဏ်က လိုအပ်သည့် အချက်အလက်များကို ဘဏ်သို့ ပေးရမည်။
• ၄.၃။ ကတ်ဝန်ဆောင်မှုစနစ်သည် ATM သို့မဟုတ် POS သို့မဟုတ် E-Commerce Website တွင်အသုံးပြုရန်အတွက် ကတ်နှင့် ချိတ်ဆက်ထားသော စာရင်း(များ)မှ ငွေပေးချေမှုများအတွက် ငွေပေးချေ/ငွေလွှဲမည် ဖြစ်ကြောင်း ကတ်ကိုင်ဆောင်သူများသည် သဘောတူညီကြသည်။
• ၄.၄။ ကတ်ကိုင်ဆောင်သူသာလျှင် ကတ်ကို အသုံးပြုခွင့်ရှိပြီး သူမ/သူသည် ကတ်ကို အခြားသူတစ်ဦးထံ လွှဲပြောင်းခြင်း သို့မဟုတ် အသုံးပြုခွင့်ပေးခြင်း မပြုရပါ။ ကတ်ကိုင်ဆောင်သူသည် သူမ/သူ၏ ကတ်ကို အခြားသူတစ်ဦး အသုံးပြုခွင့်ပေးပါက သက်ဆိုင်ရာ ကတ်ကိုင်ဆောင်သူသည် ထိုသို့ ခွင့်ပြုခြင်းကြောင့် တိုက်ရိုက်နှင့် သွယ်ဝိုက်၍ ဖြစ်ပေါ်လာသော ဆုံးရှုံးမှုနှင့် တာဝန်ယူမှုအားလုံးကို တာဝန်ယူရမည်။ ကတ်ကို မသင့်လျော်စွာ အသုံးပြုခဲ့သည် သို့မဟုတ် မသင့်လျော်စွာ အသုံးပြုရန် ခြိမ်းခြောက်မှုရှိသည်ဟု ဘဏ်က သံသယရှိခြင်းတို့ အပါအ၀င် ဘဏ်က သင့်လျော်သည်ဟု ယူဆသည့် အကြောင်းရင်းများကြောင့် ဘဏ်သည် ၎င်း၏ ဆုံးဖြတ်ချက်အပြည့်အဝဖြင့် ကတ်ကိုင်ဆောင်သူအား ကြိုတင် အကြောင်းမကြားဘဲ ကတ်ကို အသုံးပြုခြင်းမှ ချက်ချင်း ရပ်ဆိုင်း သို့မဟုတ် ရပ်တန့်ရန် လုပ်ပိုင်ခွင့်ရှိသည်။
• ၄.၅။ ဘဏ်သည် ပထမဆုံးအကြိမ် အသုံးပြုရန်အတွက် PIN ကို ကတ်ကိုင်ဆောင်သူထံ ထုတ်ပေးမည်ဖြစ်ပြီး ကတ်ကိုင်ဆောင်သူသည် ဘဏ်၏ ATM သို့မဟုတ် POS တွင် PIN ကို ပြောင်းလဲပြီးနောက် အသုံးပြုရမည်။
• ၄.၆။ ကတ်ကိုင်ဆောင်သူသည် ကတ်ကို အသုံးပြု၍ ပြုလုပ်သော ငွေပေးငွေချေမှုများအားလုံးအတွက် တာဝန်ခံမှုအပြည့်အဝရှိပြီး ကတ်ကိုင်ဆောင်သူသည် PIN ကို အခြားသူတစ်ဦးထံ လွှဲပြောင်းခြင်း သို့မဟုတ် ပြောပြခြင်း သို့မဟုတ် PIN ကို ဆုံးရှုံးခြင်းမရှိစေရန် သေချာစွာ ထိန်းသိမ်းရမည်။
• ၄.၇။ အချို့သော ငွေပေးငွေချေမှုများအတွက် ၀န်‌ဆောင်မှုရယူသူသည် ငွေပေးငွေချေမှုကို ခွင့်ပြုရန်အတွက် ဘဏ်သည် ၀န်‌ဆောင်မှုရယူသူထံ OTP ကို ပေးပို့နိုင်သည်။ မှားယွင်းသော OTP ကြောင့် ငွေပေးငွေချေမှုကို ပယ်ချမည်ဖြစ်သည်။
• ၄.၈။ ကတ်များကို ဘဏ်က သတ်မှတ်သည့် သုံးစွဲမှု သို့မဟုတ် ထုတ်ယူမှု ပမာဏကန့်သတ်ချက်ဖြင့် ထုတ်ပေးမည်ဖြစ်သည်။ ကတ်တစ်ကတ်အတွက် သုံးစွဲမှု သို့မဟုတ် ထုတ်ယူမှု ပမာဏကန့်သတ်ချက်သည် အချိန်အားလျော်စွာ ကွဲပြားနိုင်သော်လည်း ဘဏ်က သတ်မှတ်ထားသည့် တစ်ကြိမ်တွင် ထုတ်ယူနိုင်သည့် ကန့်သတ်ချက်နှင့် နေ့စဉ်ထုတ်ယူနိုင်သည့် စုစုပေါင်း ပမာဏကန့်သတ်ချက်ထက် ပိုမို၍ ထုတ်ယူနိုင်မည်မဟုတ်ပါ။ ငွေပေးငွေချေမှု ကန့်သတ်ချက်များကို ဘဏ်ဝက်ဘ်ဆိုက်တွင် ကြည့်ရှုနိုင်ပါသည်။ ဘဏ်သည် ထိုကဲ့သို့သော သတ်မှတ်ထားသည့် ငွေပမာဏများကို ကြိုတင်အကြောင်းကြားခြင်းမရှိဘဲ လိုအပ်သည့်အခါတွင် ပြောင်းလဲနိုင်သည်။ ဘဏ်သည် အမြင့်ဆုံးငွေပမာဏကို ပြောင်းလဲပါက ဘဏ်၏ ဝက်ဘ်ဆိုက်နှင့် ဘဏ်ခွဲများတွင် ပြောင်းလဲမှုများကို ကြေညာနိုင်သည်။
• ၄.၉။ ကုန်သည်များ၏ တည်နေရာများတွင်ရှိသော ကုန်သည် POS စက်များ သို့မဟုတ် E-commerce အွန်လိုင်းပေါ်တယ် သို့မဟုတ် ပြည်တွင်း/ပြည်ပ ATM ကွန်ရက်များတွင် ပြုလုပ်သော ငွေပေးငွေချေမှု ငွေပေးချေမှုအားလုံးအတွက် ငွေပေးချေမှု ချန်နယ်တစ်ခုစီအတွက် ထုတ်ယူနိုင်သော အမြင့်ဆုံးငွေပမာဏသည် သီးခြားကန့်သတ်ချက်တစ်ခုဖြစ်ပြီး နေ့စဉ်၊ တစ်ပတ်စဉ် သို့မဟုတ် တစ်လစဉ် ကန့်သတ်ချက်ဖြင့် သီးခြားကန့်သတ်ထားသည်။ ငွေပေးငွေချေမှု ကန့်သတ်ချက်များကို ဘဏ်ဝက်ဘ်ဆိုက်တွင် ကြည့်ရှုနိုင်ပါသည်။ ဘဏ်သည် ထိုကဲ့သို့သော သတ်မှတ်ထားသည့် ငွေပမာဏများကို ကြိုတင်အကြောင်းကြားခြင်းမရှိဘဲ လိုအပ်သည့်အခါတွင် ပြောင်းလဲနိုင်သည်။ ဘဏ်သည် ငွေပေးချေမှုအတွက် ထုတ်ယူနိုင်သော အမြင့်ဆုံးငွေပမာဏကို ပြောင်းလဲပါက ဘဏ်၏ ဝက်ဘ်ဆိုက်နှင့် ဘဏ်ခွဲများတွင် ကြေညာနိုင်သည်။
• ၄.၁၀။ ကတ်ကိုင်ဆောင်သူများသည် ကတ်နှင့် ချိတ်ဆက်ထားသော စာရင်းတွင် လုံလောက်သော ငွေကြေး ရှိစေရမည်ဖြစ်ပြီး ဘဏ်က ကြိုတင်ခွင့်ပြုချက်ပေးထားသည့် ကန့်သတ်ချက် (ချေးငွေ သို့မဟုတ် အခြား) ထက် ပိုမို၍ အသုံးပြုခြင်းမရှိစေရပါ။
• ၄.၁၁။ ကတ် ဆုံးရှုံးခြင်း၊ ပျက်စီးခြင်း၊ ခိုးယူခံရခြင်း သို့မဟုတ် လိမ်လည်မှု သို့မဟုတ် ညွှန်ကြားချက်မရှိဘဲ အသုံးပြုခြင်း ရှိသည် သို့မဟုတ် သိရှိရပါက ကတ်ကိုင်ဆောင်သူသည် ချက်ချင်း ဘဏ် သို့မဟုတ် ဘဏ်၏ Call Centre သို့ အကြောင်းကြားရမည်ဖြစ်ပြီး ကတ်အသုံးပြုမှုကို ရပ်ဆိုင်းရန် တောင်းဆိုနိုင်သည် သို့မဟုတ် ကတ်အသုံးပြုသူသည် ဒစ်ဂျစ်တယ်ဘဏ်လုပ်ငန်းစနစ် ဝန်ဆောင်မှုကို ဝင်ရောက်အသုံးပြုနေပါက သက်ဆိုင်ရာ အွန်လိုင်းချန်နယ်/ မိုဘိုင်းချန်နယ် မှတစ်ဆင့် ကတ်အသုံးပြုမှုကို ရပ်ဆိုင်းရန် တောင်းဆိုနိုင်သည်။ ကတ်ကိုင်ဆောင်သူသည် ရပ်ဆိုင်းခြင်း သို့မဟုတ် ဘဏ်သို့ အကြောင်းကြားခြင်းမပြုမီ ဖြစ်ပွားခဲ့သော စာရင်းများ (ငွေသွင်းငွေထုတ် သို့မဟုတ် ငွေလွှဲခြင်းကဲ့သို့သော) တွင် ပြုလုပ်သော ငွေပေးငွေချေမှုများအားလုံးအတွက် တာဝန်ခံမှုအပြည့်အဝရှိသည်။ ဘဏ်သည် ကတ်ကိုင်ဆောင်သူနှင့် ကတ်အသုံးပြုမှုနှင့် စပ်လျဉ်းသည့် အချက်အလက်များကို တောင်းခံခွင့်ရှိပြီး စုံစမ်းစစ်ဆေးမှု ကာလအတွင်း ကတ်အသုံးပြုမှုကို ရပ်ဆိုင်းနိုင်သည်။
• ၄.၁၂။ ကတ် ဆုံးရှုံးခြင်း၊ ပျက်စီးခြင်း၊ ခိုးယူခံရခြင်း သို့မဟုတ် လိမ်လည်မှု သို့မဟုတ် ညွှန်ကြားချက်မရှိဘဲ အသုံးပြုခြင်းကို ဘဏ်သို့ အကြောင်းကြားပြီးနောက် ကတ်ကို ပြန်လည်တွေ့ရှိပါက ကတ်ကိုင်ဆောင်သူသည် ကတ်ကို ပြန်လည်တွေ့ရှိကြောင်း ဘဏ်သို့ အကြောင်းကြားရမည်ဖြစ်ပြီး ရပ်ဆိုင်းထားသော ကတ်ကို ပြန်လည်အသုံးပြုနိုင်ရန်အတွက် ဘဏ်သို့ လျှောက်ထားရမည်ဖြစ်သည် သို့မဟုတ် ကတ်ကိုင်ဆောင်သူသည် ဒစ်ဂျစ်တယ်ဘဏ်လုပ်ငန်းစနစ်ကို အသုံးပြုနေပါက အွန်လိုင်းချန်နယ်/မိုဘိုင်းချန်နယ်မှတစ်ဆင့် ရပ်ဆိုင်းမှုကို ဖယ်ရှားရန် တောင်းဆိုနိုင်သည်။
• ၄.၁၃။ ဘဏ်သည် ကတ်ကိုင်ဆောင်သူ၏ မကျေနက်ချက်များအတွက် တာဝန်မရှိပါ။ ထိုသို့သော မကျေနပ်ချက်များတွင် ကတ်အသုံးပြုမှုနှင့် စပ်လျဉ်းသည့် အောက်ပါအခြေအနေများ ပါဝင်သည်။
  • (က) ကတ်ကိုင်ဆောင်သူသည် ကတ်ပေါ်တွင် ရိုက်ထည့်ထားသော အချက်အလက်များကို ပြန်လည်ရယူ၍ မရခြင်း၊ ကတ်ကိုင်ဆောင်သူ၏ အမှားကြောင့် ကတ်ဆုံးရှုံးခြင်း၊ ပျက်စီးခြင်း၊ ခိုးယူခံရခြင်း၊ လိမ်လည်မှု သို့မဟုတ် မှားယွင်းစွာအသုံးပြုခြင်း။
  • (ခ) ဆက်သွယ်မှု ပြတ်တောက်ခြင်း၊ ဆက်စပ်စက်ပစ္စည်းများတွင် အမှားရှိခြင်း နှင့်/သို့မဟုတ် သဘာဝဘေးအန္တရာယ်ကြောင့် ကတ်ပျက်စီးခြင်း စသည့် ဘဏ်က ပြုပြင်၍ မရသော အခြေအနေများ သို့မဟုတ် ဘဏ်က လုပ်ဆောင်ရန် လိုအပ်သော လုပ်ငန်းဆောင်တာများကြောင့် နှောင့်နှေးမှု ဖြစ်ပေါ်ခြင်း။
  • (ဂ) ကုန်သည်တစ်ဦးဦးက အကြောင်းမျိုးစုံကြောင့် ကတ်ဖြင့် ငွေပေးချေမှုကို လက်ခံရန် ငြင်းဆိုခြင်း၊ ကတ်ကို အသုံးပြု၍ ငွေပေးချေထားသော ကုန်ပစ္စည်းနှင့် ဝန်ဆောင်မှုကို ကတ်ကိုင်ဆောင်သူ မရရှိခြင်း၊ ကုန်ပစ္စည်းနှင့် ဝန်ဆောင်မှုတွင် အားနည်းချို့ယွင်းချက် ရှိခြင်း သို့မဟုတ် မျှော်မှန်းထားသည့် အရည်အသွေးနှင့် မညီညွတ်ခြင်း။
  • (ဃ) သက်ဆိုင်ရာ ဥပဒေနှင့် စည်းမျဉ်းစည်းကမ်းများနှင့်အညီ ဘဏ်က အခါအားလျော်စွာ သတ်မှတ်သည့် အခြားအဖြစ်အပျက်များ သို့မဟုတ် အခြေအနေများ။
  • (င) ကတ်ကိုင်ဆောင်သူသည် ၎င်း၏ ကတ်တွင် ခွင့်ပြုချက်မရှိဘဲ သို့မဟုတ် လိမ်လည်၍ ပြုလုပ်သော ငွေပေးငွေချေမှုများကို သတိပြုမိပါက (ကတ်ကိုင်ဆောင်သူကိုယ်တိုင် မပြုလုပ်သော အွန်လိုင်း သို့မဟုတ် ကုန်သည်ငွေပေးငွေချေမှုများ) ထိုငွေပေးငွေချေမှု ပြုလုပ်သည့်ရက်မှစ၍ ၇ ရက်အတွင်း ဘဏ်သို့ အကြောင်းကြားရမည်။ ဤကာလအတွင်း ဘဏ်သို့ အကြောင်းမကြားပါက ကတ်ကိုင်ဆောင်သူသည် ငွေပေးငွေချေမှုကို ငြင်းဆိုနိုင်ခွင့်ကို ထိခိုက်နိုင်ပြီး ငွေပေးငွေချေမှုပမာဏအတွက် တာဝန်ရှိနိုင်သည်။ ဘဏ်သည် စုံစမ်းစစ်ဆေးရေးနှင့် ကွဲပြားမှုကို ဖြေရှင်းရန်အတွက် ထပ်လောင်းအချက်အလက်များကို တောင်းခံခွင့်ရှိသည်။
• ၄.၁၄။ ကတ်ကိုင်ဆောင်သူသည် သက်တမ်းကုန်ဆုံးသော ကတ် သို့မဟုတ် ပျက်စီးသော ကတ်ကို ဘဏ်သို့ ချက်ချင်း ပြန်လည်ပေးပို့ရမည်။
• ၄.၁၅။ ကတ်ကိုင်ဆောင်သူက တိုင်ကြားသော အငြင်းပွားမှုကို ဖြေရှင်းရာတွင် ကုန်ကျစရိတ်များနှင့် ဝန်ဆောင်မှုကြေးများ ကျသင့်ပါက ထိုကုန်ကျစရိတ်များနှင့် ကုန်ကျငွေများကို ကတ်နှင့် ချိတ်ဆက်ထားသော ကတ်ကိုင်ဆောင်သူ၏ စာရင်း သို့မဟုတ် ဘဏ်က သတ်မှတ်သည့် အခြားစာရင်းမှ နုတ်ယူမည်ဖြစ်ကြောင်း ကတ်ကိုင်ဆောင်သူသည် သဘောတူညီသည်။ ဘဏ်နှင့် အငြင်းပွားမှုကို ဖြေရှင်းနေသည့် ကာလအတွင်း ကတ်ကို ရပ်ဆိုင်းနိုင်ကြောင်း ကိုလည်း ကတ်ကိုင်ဆောင်သူသည် လက်ခံသဘောတူညီပါသည်။
• ၄.၁၆။ ဘဏ်သည် ကတ်ကိုင်ဆောင်သူနှင့် ဆက်သွယ်ရန် လိုအပ်ပါက ဘဏ်သည် ကတ်လျှောက်လွှာပုံစံတွင် ပေးထားသော လိပ်စာနှင့် အသေးစိတ်အချက်အလက်များ သို့မဟုတ် ကတ်ကိုင်ဆောင်သူက ဘဏ်သို့ နောက်ဆုံးပေးပို့ထားသော လိပ်စာနှင့် အသေးစိတ်အချက်အလက်များကို အသုံးပြု၍ ဆက်သွယ်မည်ဖြစ်သည်။ ထိုကဲ့သို့သော လိပ်စာ သို့မဟုတ် အသေးစိတ်အချက်အလက်များသို့ ပေးပို့သော အကြောင်းကြားခြင်းကို တရားဝင်သော အကြောင်းကြားချက်အဖြစ် သတ်မှတ်မည်ဖြစ်ပြီး ကတ်ကိုင်ဆောင်သူသည် အောက်ပါ သတ်မှတ်ချက်များအတိုင်း အကြောင်းကြားချက်ကို လက်ခံရရှိပြီး ဖြစ်သည်ဟု ယူဆရမည်။
  • (က) စာပို့ခြင်းဖြင့် ဆက်သွယ်ပါက အကြောင်းကြားချက် ပေးပို့သည့်နေ့မှ စ၍ တတိယနေ့။
  • (ခ) အီလက်ထရောနစ်နည်းဖြင့် ဆက်သွယ်ပါက ဖုန်းခေါ်ဆိုခြင်း၊ ဒစ်ဂျစ်တယ်မက်ဆေ့ခ်ျ ၊ ဖက်စ် သို့မဟုတ် အီးမေးလ်မှတစ်ဆင့် အချက်အလက်များ ပေးပို့ပြီးနောက် ချက်ချင်း။
• ၄.၁၇။ ကတ်ကိုင်ဆောင်သူများစွာ၏ စာရင်းများနှင့် ကတ်များကို စုပေါင်းအားဖြင့် မည်သည့်နည်းလမ်းဖြင့်မဆို ထုတ်ယူမှု ကန့်သတ်ချက်များကို ရှောင်ရှားရန် စနစ်တစ်ခုအဖြစ် အသုံးပြုနေသည်ဟု ဘဏ်က ယုံကြည်ခြင်း သို့မဟုတ် အခြားအသုံးပြုပုံသည် ဘဏ်က မသင့်လျော်သည်ဟု ယူဆခြင်း သို့မဟုတ် သက်ဆိုင်ရာ စည်းကမ်းထိန်းသိမ်းရေးအဖွဲ့ သို့မဟုတ် အာဏာပိုင်များမှ သတိပေးခြင်း စသည့် အခြေအနေများအပါအ၀င် လိုအပ်သည့်အခါတွင် ဘဏ်သည် ကတ်ကိုင်ဆောင်သူ၏ ကတ်အသုံးပြုမှုကို ကြိုတင်အကြောင်းမကြားဘဲ ရပ်ဆိုင်း သို့မဟုတ် ရပ်တန့်နိုင်သည် သို့မဟုတ် ထုတ်ယူမှု ကန့်သတ်ချက်ကို မည်သည့်အချိန်တွင်မဆို ပြောင်းလဲနိုင်သည်။ (ယာယီအားဖြင့် သို့မဟုတ် သတ်မှတ်ထားသော ကာလအတွင်း သုညအထိ လျှော့ချခြင်း ပါဝင်သည်)။

၅။ အငြင်းပွားမှု ဖြစ်ပွားပါက လိုက်နာရမည့် လုပ်ထုံးလုပ်နည်း။

• ၅.၁။   ကတ်ကိုင်ဆောင်သူ၏ ကတ်အသုံးပြုမှုနှင့် စပ်လျဉ်း၍ တိုင်ကြားမှုများ ဖြစ်ပွားပါက ကတ်ကိုင်ဆောင်သူသည် ၇ ရက်အတွင်း ဘဏ်သို့ ချက်ချင်း အကြောင်းကြားရမည်ဖြစ်ပြီး တိုင်ကြားချက်ကို ဖြေရှင်းရန်အတွက် လိုအပ်သည့် အချက်အလက်အပြည့်အစုံဖြင့် တိုင်ကြားချက် တင်သွင်းရမည်။ကတ်ကိုင်ဆောင်သူသည် ဘဏ်၏ Call Centre (သို့မဟုတ် ဘဏ်က တိုင်ကြားချက်များ သို့မဟုတ် အငြင်းပွားမှုများကို ဖြေရှင်းရန်အတွက် ပေးထားသည့် အခြားဆက်သွယ်ရေးနည်းလမ်းများ) သို့ ဖုန်းခေါ်ဆို၍ ပြဿနာဖြစ်ပေါ်ရသည့် အကြောင်းရင်းကို ပြောပြပြီး အငြင်းပွားမှုကို ဖြေရှင်းရန် တောင်းဆိုနိုင်သည်။ ထိုသို့ တောင်းဆိုရာတွင် ကတ်ကိုင်ဆောင်သူသည် ဘဏ်၏ စုံစမ်းစစ်ဆေးမှုအတွက် လိုအပ်သည့် အချက်အလက်များကို ပေးရမည်ဖြစ်သည်။ ဥပမာအားဖြင့် ကတ်ကိုင်ဆောင်သူအမည်၊ စာရင်းနံပါတ်၊ ကတ်နံပါတ်၊ ကတ်ကိုင်ဆောင်သူဖုန်းနံပါတ်၊ ငွေပေးငွေချေမှုရက်စွဲ၊ ငွေပေးငွေချေမှု ကိုးကားချက်၊ ငွေပေးငွေချေမှုပမာဏ၊ အငြင်းပွားမှုဖြစ်ပေါ်သည့်ပမာဏနှင့် အငြင်းပွားမှုအသေးစိတ်များ စသည်တို့ကို Call Centre သို့မဟုတ် ဘဏ်က တောင်းဆိုသည့်အခါတွင် ပေးရမည်။ လိုအပ်ပါက ကိစ္စတစ်ခုချင်းစီအလိုက် ထပ်လောင်းအချက်အလက်များ ပေးအပ်ရသည်။
• ၅.၂။       ဘဏ်က ATM တပ်ဆင်ထားပြီး ထိန်းချုပ်ထားသည့် နေရာတွင် ပြဿနာဖြစ်ပေါ်ပါက ဘဏ်သည် ATM နှင့် စပ်လျဉ်းသည့် တိုင်ကြားချက်ကိုသာ တိုက်ရိုက် ဖြေရှင်းနိုင်သည်။ သို့သော် ကုန်သည်များက စီမံခန့်ခွဲထားသော POS စက်များ သို့မဟုတ် MPU ၏ အခြားဘဏ်များ သို့မဟုတ် ဘဏ္ဍာရေးအဖွဲ့အစည်းများက စီမံခန့်ခွဲပြီး ထိန်းချုပ်ထားသော ATM များနှင့် စပ်လျဉ်း၍ တိုင်ကြားချက် ဖြစ်ပေါ်လာပါက ကတ်ကိုင်ဆောင်သူသည် ထို အခြားအဖွဲ့အစည်းများက အသုံးပြုသည့် လုပ်ထုံးလုပ်နည်းများနှင့်အညီ ထိုအဖွဲ့အစည်းများနှင့်သာ ဖြေရှင်းနိုင်မည်ဖြစ်ကြောင်း သဘောတူညီပြီး လက်ခံသည်။
• ၅.၃။      ဘဏ်သို့ ကတ်ကိုင်ဆောင်သူက ပေးပို့သော အငြင်းပွားမှု နှင့် စပ်လျဉ်းသည့် အချက်အလက်များ မှန်ကန်မှုမရှိပါက ကတ်ကိုင်ဆောင်သူသည် ပြဿနာကို ဖြေရှင်းရာတွင် ကျသင့်သည့် ကုန်ကျစရိတ်များကို ဘဏ်သို့ ပြန်လည်ပေးဆောင်ရမည်ဖြစ်ပြီး ဘဏ်က ထုတ်ပြန်ကြေညာထားသော အခကြေးငွေဇယား နှင့်အညီ ကတ်ကိုင်ဆောင်သူထံ ၀န်ဆောင်မှုကြေး ကောက်ခံနိုင်ပါသည်။ ထိုကဲ့သို့သော ပြန်လည်ပေးဆောင်မှုနှင့် အခကြေးငွေများကို ကတ်ကိုင်ဆောင်သူ၏ စာရင်းမှ နုတ်ယူမည်ဖြစ်သည်။
• ၅.၄။      ဘဏ်မှ တစ်ဦးတည်းဆုံးဖြတ်ချက်ဖြင့် လိုအပ်သည်ဟု ဆုံးဖြတ်ပါက အငြင်းပွားမှုကို ဖြေရှင်းနေစဥ် သို့မဟုတ် တိုင်ကြားချက်ကို ဖြေရှင်းနေစဥ် ကာလအတွင်း ကတ် သို့မဟုတ် ဒီဂျစ်တယ်ဘဏ်စနစ် ကို ပိတ်ထားနိုင်ကြောင်း ကတ်ကိုင်ဆောင်သူသည် သဘောတူညီပါသည်။

၆။ ဝန်ဆောင်မှုအခကြေးငွေများ ကောက်ခံခြင်း

• ၆.၁။        ဘဏ်သည် အခါအားလျော်စွာ ဘဏ်ဝန်ဆောင်မှုများအတွက် အခကြေးငွေများ ကောက်ခံခွင့်ရှိပြီး ကတ်ကိုင်ဆောင်သူသည် ထိုကဲ့သို့သော အခကြေးငွေများကို ၎င်း၏ စာရင်းမှ နုတ်ယူနိုင်ကြောင်း သဘောတူညီပြီး ဘဏ်အား ထိုသို့ နုတ်ယူခွင့် ပြုသည်။ အခကြေးငွေများ နှုတ်ယူရခြင်း၏ အကြောင်းခြင်းရာတွင် အောက်ပါအချက်များ ပါဝင်နိုင်သည်။
  • ဆုံးရှုံးခြင်း သို့မဟုတ် ပျက်စီးခြင်း၊ ခိုးယူခံရခြင်း သို့မဟုတ် လိမ်လည်မှု သို့မဟုတ် မသင့်လျော်စွာ အသုံးပြုခြင်း စသည့် အကြောင်းရင်းများကြောင့် ကတ်အသစ် ထုတ်ပေးရခြင်းအတွက်
  • ကတ်ငွေပေးငွေချေမှုများ (ငွေသွင်းငွေထုတ်ခြင်း၊ ငွေလွှဲခြင်း၊ ကုန်ပစ္စည်း သို့မဟုတ် ဝန်ဆောင်မှုများအတွက် ဝယ်ယူခြင်း) အတွက်
  • ကတ်ထိန်းသိမ်းမှု၊ ကတ်ကိုင်ဆောင်သူက PIN ကို မမှတ်မိပါက PIN ကို ပြန်လည်ထုတ်ပေးရခြင်း၊ ကတ်ကို ရပ်ဆိုင်းခြင်း သို့မဟုတ် ကတ်ဝန်ဆောင်မှုကို ပြန်လည်စတင်ရန်အတွက်
  •  နိုင်ငံခြားငွေ လဲလှယ်ငွေပေးချေမှုများနှင့် ငွေရှင်းလင်းမှုများအတွက် (ရှိပါက) ဘဏ်က သတ်မှတ်သည့် နှုန်းထားဖြင့်
  • ထုတ်ယူထားသော ချေးငွေ အပေါ် အတိုးနှုန်းအတွက်၊ စာရင်း သို့မဟုတ် ကတ်တွင် သတ်မှတ်ထားသော ချေးငွေကန့်သတ်ချက်ကို ကျော်လွန်ခြင်းအတွက်၊ နောက်ကျငွေပေးခြင်းများအတွက် နှင့် ပေးချေရန် နောက်ကျနေသည့် သက်တမ်းရှည်ချေးငွေ အတွက် ဒဏ်ကြေးများအတွက် နှင့် Credit ကတ်အတွက် အရစ်ကျ ပြန်ဆပ်မှုပမာဏအတွက်
  • ကတ်ကိုင်ဆောင်သူက ကတ်ကို အသုံးပြု၍ ပြုလုပ်သော ငွေပေးငွေချေမှုများနှင့် လုပ်ငန်းဆောင်တာများနှင့်  စပ်လျဉ်း၍ ဘဏ်က ကျသင့်သော စာချုပ်၀င်မဟုတ်သောသူအတွက် ကုန်ကျစရိတ်များအတွက်
• ၆.၂။      ဘဏ်သည် ၎င်း၏ အခကြေးငွေဇယား၊ အခကြေးငွေပြောင်းလဲမှုများနှင့် အခကြေးငွေအသစ်များကို ၎င်း၏ ဘဏ်ခွဲများတွင် သို့မဟုတ် ဘဏ်၏ ဝက်ဘ်ဆိုက်တွင် သို့မဟုတ် ဘဏ်က သင့်လျော်သည်ဟု ယူဆသည့် ပြည်သူများ လက်လှမ်းမီနိုင်သော ထုတ်ဝေမှုများ ကဲ့သို့သော နည်းလမ်းများဖြင့် ကြေညာမည်ဖြစ်သည်။

၇။ ကတ်အသုံးပြုမှုကို ရပ်ဆိုင်းခြင်း

• ဘဏ်သည် ၎င်း၏ တစ်ဦးတည်းသော ဆုံးဖြတ်ချက်အပြည့်အဝဖြင့် ကြိုတင်အကြောင်းကြားခြင်းမရှိဘဲ အောက်ပါအချက်များကြောင့်အပါအ၀င် လိုအပ်သည့်အခါတွင် ကတ်အသုံးပြုမှုကို ရပ်ဆိုင်း သို့မဟုတ် ရပ်တန့်နိုင်ကြောင်းကို ကတ်ကိုင်ဆောင်သူသည် လက်ခံပြီး သဘောတူညီသည်။
  • ကတ်ကိုင်ဆောင်သူသည် ကတ်ကို ဘဏ်သို့ ပြန်လည်ပေးပြီး မည်သည့်အကြောင်းရင်းကြောင့်မဆို ကတ်အသုံးပြုမှုကို ရပ်ဆိုင်းရန် တောင်းဆိုလျှင်။
  • ဘဏ်သည် ကတ်ကိုင်ဆောင်သူအား ကြိုတင်အကြောင်းကြားခြင်းမရှိဘဲ ကတ်အသုံးပြုမှုကို ရပ်ဆိုင်း သို့မဟုတ် ရပ်တန့်နိုင်သည့် လုပ်ပိုင်ခွင့်ရှိလျှင်။
  • တရားရုံးမှ ကတ်ကိုင်ဆောင်သူအား ဒေ၀ါလီခံရသူဟု ကြေညာခြင်း သို့မဟုတ် ထိုသို့ တင်ပြချက် တင်သွင်းခြင်း ရှိပါက။
  • ကတ်ကိုင်ဆောင်သူသည် ဘဏ်မှ အခါအားလျော်စွာ ထုတ်ပြန်သော မူဝါဒ၊ စည်းကမ်းချက် သို့မဟုတ် စည်းမျဉ်းစည်းကမ်းများကို ချိုးဖောက်ပါက။
  • ကတ်ကိုင်ဆောင်သူသည် ဘဏ်၏ ဂုဏ်သိက္ခာကို ထိခိုက်စေပါက သို့မဟုတ် ဘဏ်သည် မြန်မာနိုင်ငံတော်ဗဟိုဘဏ် သို့မဟုတ် အခြားတာဝန်ရှိသည့် အဖွဲ့အစည်းထံမှ အမိန့် သို့မဟုတ် ကန့်ကွက်ချက်များ (တိုက်ရိုက် သို့မဟုတ် သွယ်ဝိုက်၍ဖြစ်စေ၊ ထုတ်ဝေခြင်း သို့မဟုတ် အခြားနည်းလမ်းများဖြင့်ဖြစ်စေ) ကို လက်ခံရရှိပါက။
  • ကတ်ကိုင်ဆောင်သူသည် တာဝန်ရှိသည့် အဖွဲ့အစည်း၏ (ပြစ်မှုဆိုင်ရာ သို့မဟုတ် ပြည်သူ့ဝန်ထမ်းဆိုင်ရာ) စုံစမ်းစစ်ဆေးမှုကို ခံနေရခြင်း သို့မဟုတ် ၎င်းအား ဖမ်းဝရမ်းထုတ်ထားကြောင်း ဘဏ်က သိရှိရပါက။
• ဘဏ်က ကတ်အသုံးပြုမှုကို ရပ်ဆိုင်းပြီးနောက် ကတ်နှင့် ချိတ်ဆက်ထားသော သို့မဟုတ် ချိတ်ဆက်ထားသည့် စာရင်းများသည် ဘဏ်၏ ဆုံးဖြတ်ချက်အရ ဆက်လက်အသုံးပြုနိုင်သည် သို့မဟုတ် ပယ်ဖျက်နိုင်သည်။ စာရင်းတစ်ခုပေါ်တွင် ဘဏ်သို့ ပေးဆောင်ရန် ကျန်ရှိသော ငွေပမာဏများကို ဘဏ်သို့ ဆက်လက်ပေးဆောင်ရမည်ဖြစ်ပြီး ကတ်အသုံးပြုမှုကို ရပ်ဆိုင်း သို့မဟုတ် ဆိုင်းငံ့ခြင်းမပြုမီ စုဆောင်းထားသော ဘဏ်၏ အခွင့်အရေးအားလုံးသည် ကတ်အသုံးပြုမှုကို ရပ်ဆိုင်း သို့မဟုတ် ရပ်တန့်ပြီးနောက် ဆက်လက်ရှိနေမည်ဖြစ်သည်။

၈။ ဘဏ်၏ တာဝန်ယူမှု ကန့်သတ်ချက်

• ၈.၁။ သဘာဝဘေးအန္တရာယ်များ၊ စစ်ပွဲ၊ အဓိကရုဏ်း၊ ကုန်သွယ်ရေး ပိတ်ဆို့မှု၊ အစိုးရ၏ အမိန့်များ နှင့်/သို့မဟုတ် အခြား မမှန်းဆနိုင်သော အခြေအနေများ ဖြစ်ပေါ်ခြင်းကြောင့် ဘဏ်၏ တစ်ဦးတည်းသော ထိန်းချုပ်နိုင်မှု ကျော်လွန်၍ ခက်ခဲသည့် အခြေအနေများတွင် ဤ စည်းကမ်းချက်များနှင့် သတ်မှတ်ချက်များနှင့်အညီ လုပ်ဆောင်ရာတွင် ပျက်ကွက်ခြင်း သို့မဟုတ် စာချုပ်ချိုးဖောက်ခြင်းအတွက် ဘဏ်သည် တာဝန်မရှိပါ။
• ၈.၂။ ကတ်ကိုင်ဆောင်သူသည် ဥပဒေများနှင့် စည်းမျဉ်းစည်းကမ်းများ၊ စည်းကမ်းချက်များနှင့် သတ်မှတ်ချက်များ၊ ဘဏ်၏ မူဝါဒများ နှင့်/သို့မဟုတ် ဘဏ်က အခါအားလျော်စွာ ထုတ်ပေးသည့် ဝန်ဆောင်မှုလက်စွဲကို လိုက်နာရန် ပျက်ကွက်ခြင်းကြောင့် ဆုံးရှုံးမှု ဖြစ်ပေါ်လာပါက ဘဏ်သည် ကတ်ကိုင်ဆောင်သူအပေါ် တာဝန်မရှိပါ။

ဒေတာနှင့် လျှို့၀ှက်ချက်၊ ကတ်အသုံးပြုမှု၊ ဒစ်ဂျစ်တယ် ဝင်ရောက်အသုံးပြုခွင့်

၉.၁။          ထုတ်ဖော်ပြောကြားပိုင်ခွင့်

ဤ စည်းကမ်းချက်များ နှင့် သတ်မှတ်ချက်များတွင် မည်သို့ပင် ဖော်ပြထားစေကာမူ ကျွန်ုပ်တို့နှင့် ဆက်သွယ်ဆောင်ရွက်ခြင်း၊ ကျွန်ုပ်တို့ထံ အချက်အလက်များ ပေးပို့ခြင်း နှင့်/သို့မဟုတ် ကျွန်ုပ်တို့က ပေးအပ်သော စာရင်းများ၊ ထုတ်ကုန်များနှင့် ဝန်ဆောင်မှုများ ရယူရန်အတွက် စာရင်းသွင်းခြင်းဖြင့် သင်သည် သင်၏ ကိုယ်ရေးကိုယ်တာဆိုင်ရာ နှင့် ထိခိုက်လွယ်သော ဒေတာ နှင့် အချက်အလက်များကို အောက်ပါအဖွဲ့အစည်းများထံသို့ လွှဲပြောင်းပေးခြင်းကို ကျွန်ုပ်တို့က သဘောတူခွင့်ပြုပါသည်။

၁။         ကျွန်တော်တို့၏ အုပ်စုကုမ္ပဏီများ၊ ဆက်စပ်အဖွဲ့အစည်းများ၊ နှင့် ကူးသန်းရောင်း၀ယ်ရေး လုပ်ဖော်ကိုင်ဖက်များ အပါအ၀င် ဤစည်းမျဥ်းစည်းကမ်းချက်များ နှင့်စပ်လျဥ်းသည့် ရည်ရွယ်ချက်များအတွက် တတိယ အဖွဲ့အစည်းများ နှင့်

၂။         ထပ်တိုးသတင်းအချက်အလက်များ သို့မဟုတ် ၀န်ဆောင်မှုများ (ဥပမာ မီဒီယာ၀န်ဆောင်မှုပေးသူများ) လက်ခံရရန်အတွက် သင်မှ ကျွန်ုပ်တို့ထံ (သက်ဆိုင်ရာ အကြောင်းအရာအပေါ် ကြိုက်နှစ်သက်ကြောင်း ဖော်ပြထားခြင်းဖြင့်) စိတ်၀င်စားကြောင်းဖော်ပြထားသည့် အခြား တတိယအဖွဲ့အစည်းများ

သို့ရာတွင် ထို တတိယအဖွဲ့အစည်းများသည် ၁။ ထိုသတင်းအချက်အလက်များကို လျှို့၀ှက်လုံခြုံစွာ ထားရှိရန် ၂။ (သင်မှလွဲ၍) အခြားသူများ ကို ထုတ်ဖော်ပြောကြားခြင်း မှ ရှောင်ရှားရန် ၃။ ၄င်းတို့မှ သင့်ကို ကမ်းလှမ်းသော ထုတ်ကုန် နှင့် ၀န်ဆောင်မှုများ နှင့် စပ်လျဥ်း၍သာ အဆိုပါ သတင်းအချက်အလက်ကို အသုံးပြုရန် ကျွန်ုပ်တို့အပေါ် တာ၀န်တစ်ရပ်အနေဖြင့် ရှိစေရမည်။

၉.၂။      စည်းကမ်းချက်များနှင့် သတ်မှတ်ချက်များ ပြင်ဆင်ခြင်း

ကျွန်ုပ်တို့နှင့် ဆက်သွယ်ဆောင်ရွက်ခြင်း၊ ကျွန်ုပ်တို့ထံ အချက်အလက်များ ပေးပို့ခြင်း နှင့်/သို့မဟုတ် ကျွန်ုပ်တို့က ပေးအပ်သော စာရင်းများ၊ ထုတ်ကုန်များနှင့် ဝန်ဆောင်မှုများ အတွက် စာရင်းသွင်းခြင်း သို့မဟုတ် အသုံးပြုခြင်းဖြင့် သင်၏ စာရင်းများ၊ ထုတ်ကုန်များနှင့် ဝန်ဆောင်မှုများ၏ စည်းကမ်းချက်များနှင့် သတ်မှတ်ချက်များကို ကျွန်ုပ်တို့၏ တစ်ဦးတည်းသော ဆုံးဖြတ်ချက်အရ သင်က ကျွန်ုပ်တို့ထံ ပေးပို့ထားသည့် ဆက်သွယ်ရေး အသေးစိတ်အချက်အလက်များသို့ အကြောင်းကြားခြင်း သို့မဟုတ် အခြား လူထုလက်လှမ်းမီသော ဆက်သွယ်ရေးချန်နယ်များ (ကျွန်ုပ်တို့၏ ဝက်ဘ်ဆိုက် သို့မဟုတ် ဘဏ်ခွဲများတွင် ကြေညာခြင်းကဲ့သို့သော) မှတစ်ဆင့် ပြောင်းလဲ ပြင်ဆင်နိုင်ကြောင်း နှင့် အောက်ပါတို့ကို ပြောင်းလဲပြင်ဆင်နိုင်ကြောင်းကို သဘောတူညီပြီး လက်ခံသည်။

• အခကြေးငွေများ၊
• အတိုးနှုန်းထားများ၊
• ဒဏ်ကြေးများ နှင့်/သို့မဟုတ်
• စည်းကမ်းထိန်းသိမ်းရေးအဖွဲ့များ သို့မဟုတ် တရားရုံးများမှ ထုတ်ပြန်သည့် သက်ဆိုင်ရာ ဥပဒေများ၊ စည်းမျဉ်းစည်းကမ်းများ၊ အမိန့်များ သို့မဟုတ် ညွှန်ကြားချက်များနှင့်အညီ လိုက်နာရမည့် နယ်ပယ်များ။

ထိုကဲ့သို့သော ပြင်ဆင်မှုများ သို့မဟုတ် ပြောင်းလဲမှုများ စတင်အကျိုးမသက်ရောက်မီ အနည်းဆုံး အလုပ်ဖွင့်ရက် (၁၀) ရက် ကြိုတင်၍ သင့်ကို ကြိုတင်အကြောင်းကြားမည် ဖြစ်ပြီး  ထိုကာလအတွင်း သင် ဤစည်းကမ်းချက်အတွက် ပေးအပ်သော သဘောတူညီချက်ကို ပြန်လည်ရုပ်သိမ်းရန် သို့မဟုတ် သက်ဆိုင်ရာ ဝန်ဆောင်မှု၊ ထုတ်ကုန် သို့မဟုတ် စာရင်းကို ပိတ်သိမ်းရန် လုပ်ဆောင်နိုင်သည့် နည်းလမ်း (ကျွန်ုပ်တို့ထံ ပြန်လည်ပေးပို့ရန် ညွှန်ကြားချက်ပုံစံ သို့မဟုတ် ကျွန်ုပ်တို့က ဆုံးဖြတ်သည့် အခြားနည်းလမ်းများ ပါဝင်သည်) ကို ပေးအပ်ထားသည်။

 ၉.၃။    ချိတ်ဆက်ထားသော စာရင်း/ထုတ်ကုန် ပြင်ဆင်မှုများ

ဤစည်းမျဥ်းစည်းကမ်းချက်များတွင် မည်သို့ပင် ဖော်ပြထားစေကာမူ ဒစ်ဂျစ်တယ်ထုတ်ကုန်များနှင့် စာရင်းများအတွက် ကျွန်ုပ်တို့နှင့် ဆက်ဆံခြင်း၊ ကျွန်ုပ်တို့ထံ အချက်အလက်များ ပေးပို့ခြင်း နှင့်/သို့မဟုတ် ကျွန်ုပ်တို့က ပေးအပ်သော စာရင်းများ၊ ထုတ်ကုန်များနှင့် ဝန်ဆောင်မှုများအတွက် စာရင်းသွင်းခြင်း သို့မဟုတ် အသုံးပြုခြင်းဖြင့် ကျွန်ုပ်တို့မှ သင်၏  ဝန်ဆောင်မှုများ၊ ထုတ်ကုန်များနှင့် စာရင်းများကို သင့်အနေဖြင့် သီးခြား ထုတ်ကုန် နှင့်/သို့မဟုတ် စာရင်း ရှိသည့် ကျွန်ုပ်တို့၏ အခြားကုမ္ပဏီအုပ်စုများနှင့် ပူးပေါင်းလုပ်ကိုင်သူများထံ ဒစ်ဂျစ်တယ်နည်းဖြင့် ချိတ်ဆက်ခြင်း သို့မဟုတ် ပေါင်းစည်းခြင်းကို သင်မှ သဘောတူလက်ခံပါသည်။ ထိုကဲ့သို့သော ချိတ်ဆက်ခြင်း သို့မဟုတ် ပေါင်းစည်းခြင်း စတင်အကျိုးမသက်ရောက်မီ အနည်းဆုံး အလုပ်ဖွင့်ရက် (၁၀) ရက် ကြိုတင်၍ သင့်ကို ကြိုတင်အကြောင်းကြားမည် ဖြစ်ပြီး  ထိုကာလအတွင်း သင် ဤစည်းကမ်းချက်အတွက် ပေးအပ်သော သဘောတူညီချက်ကို ပြန်လည်ရုပ်သိမ်းရန် သို့မဟုတ် သက်ဆိုင်ရာ ဝန်ဆောင်မှု၊ ထုတ်ကုန် သို့မဟုတ် စာရင်းကို ပိတ်သိမ်းရန် လုပ်ဆောင်နိုင်သည့် နည်းလမ်း (ကျွန်ုပ်တို့ထံ ပြန်လည်ပေးပို့ရန် ညွှန်ကြားချက်ပုံစံ သို့မဟုတ် ကျွန်ုပ်တို့က ဆုံးဖြတ်သည့် အခြားနည်းလမ်းများ ပါဝင်သည်) ကို ပေးအပ်ထားသည်။

၁၀။ အခြား ပြဋ္ဌာန်းချက်များ

• ၁၀.၁။ ငွေပမာဏ သို့မဟုတ် ငွေလွှဲမှု အကြိမ်ရေသည် သတ်မှတ်ထားသည့် ကန့်သတ်ချက်ထက် ကျော်လွန်ပါက ဘဏ်သည် ဘဏ်၏ သတ်မှတ်ထားသည့် စည်းမျဉ်းစည်းကမ်းများနှင့်အညီ ထိုကျော်လွန်သည့် ငွေပမာဏကို ဟန့်တား သို့မဟုတ် ဆိုင်းငံ့နိုင်ပါသည်။
• ၁၀.၂။ ဘဏ်သည် ကတ်နှင့် ဆက်စပ်သည့် ၀န်ဆောင်မှုသစ်များကို ကြေညာနိုင်ပြီး ကတ်ကိုင်ဆောင်သူသည် ထိုကဲ့သို့သော ၀န်ဆောင်မှုအသစ်များနှင့် စပ်လျဉ်း၍ ဘဏ်က သတ်မှတ်ထားသည့် စည်းမျဉ်းစည်းကမ်းများ၊ မူဝါဒများနှင့် အသုံးပြုနည်းလမ်းညွှန်များကို လိုက်နာရမည်။
• ၁၀.၃။    ကတ်ကိုင်ဆောင်သူသည် ဘဏ်က ပေးသော ကတ်ဝန်ဆောင်မှုကို အသုံးပြု၍ အောက်ပါအရာများနှင့် ဆက်စပ်သည့် ငွေပေးငွေယူမှုများကို ပြုလုပ်ခြင်းမှ ရှောင်ကြဉ်ပါမည်ဟု သဘောတူညီပါသည်။
  • တရားမဝင်သော ကုန်ပစ္စည်းနှင့် ၀န်ဆောင်မှုများ ကိုရောင်း၀ယ်မှုပြုလုပ်ခြင်း၊
  • လက်နက်များနှင့် ခဲယမ်းများ ကိုရောင်း၀ယ်မှုပြုလုပ်ခြင်း၊
  • အရက်သေစာများ (ဘီယာနှင့် ဝိုင်များ မပါဝင်) ကိုရောင်း၀ယ်မှုပြုလုပ်ခြင်း၊
  • ဆေးရွက်ကြီး ကိုရောင်း၀ယ်မှုပြုလုပ်ခြင်း၊
  • လောင်းကစားခြင်း၊
  • ရေဒီယိုသတ္တိကြွ ပစ္စည်းများ ကုန်သွယ်ခြင်း၊
  • သွပ်ခွံမပါသော အစွန်းအထင်းများ ကုန်သွယ်ခြင်း၊
  • အရှည် ၂.၅ ကီလိုမီတာ ကျော်လွန်သည့် ကျောထောက်မျဉ်းတံငါဆစ်ကို အသုံးပြု၍ တံငါဆစ်ခြင်း သို့မဟုတ် တရားဝင်မှုနှင့် သဘာဝပတ်ဝန်းကျင် ထိန်းသိမ်းမှု တည်တံ့ခိုင်မြဲသော အရင်းအမြစ်များမှ မဟုတ်သည့် တောရိုင်းငါးများ သို့မဟုတ် အခြားရေသတ္တဝါများကို ဖမ်းဆီးခြင်း၊
  • ကလေးအလုပ်သမားအသုံးပြုခြင်း၊
  • အပူပိုင်းဒေသ၏ မိုးအုံ့သစ်စိုစွတ်သော သစ်တောများတွင် သစ်ခုတ်လုပ်ငန်းများ လုပ်ဆောင်ခြင်း၊
  • တည်တံ့ခိုင်မြဲစွာ စီမံခန့်ခွဲသည့် သစ်တောများမှ မဟုတ်သည့် သစ်သား သို့မဟုတ် သစ်တောထွက် ကုန်ပစ္စည်းများ၊
  • အတင်းအဓမ္မ လူဦးရေ ရွှေ့ပြောင်းခြင်း၊
  • သဘာဝ သို့မဟုတ် အရေးပါသည့် သဘာဝပတ်ဝန်းကျင်များကို စက်မှုလုပ်ငန်း စံနှုန်းဖြင့် ဆိုးရွားစွာ ဖျက်ဆီးခြင်း၊ ဒေသခံများ အသုံးပြုနေသည့် ယဉ်ကျေးမှုဆိုင်ရာ နေရာများနှင့် အမွေအနှစ်များကို ဆိုးရွားစွာ ထိခိုက်စေခြင်း၊ သိသိသာသာ ပြောင်းလဲစေခြင်း၊ ပျက်စီးစေခြင်း သို့မဟုတ် ဖယ်ရှားခြင်း စသည်တို့ ဖြစ်ပါသည်။

   

ဆက်သွယ်ရန်။

ဤစည်းကမ်းချက်များ နှင့် သတ်မှတ်ချက်များနှင့် စပ်လျဥ်း၍ မေးမြန်းလိုသည်များ ရှိပါက အီးမေးလ် လိပ်စာ [email protected] သို့မဟုတ် customer care centre ၏ ဖုန်းနံပါတ် “9662” သို့မဟုတ် “097 9662 9662” သို့ စုံစမ်းမေးမြန်းနိုင်ပါသည်။

1. If you have a SMART account, save actively with Yoma Bank, and are an active user of the Yoma Bank mobile banking application, you may be eligible to receive a SMART credit line (a “SMART Credit”).

2. The amount of the credit available to you through SMART Credit will be assessed by Yoma Bank based on your credit score as assessed by Yoma Bank.

3. The tenor of your SMART Credit is:

(a) For your first SMART Credit application, one (1) month; and

(b) For subsequent SMART Credit applications, up to a maximum tenor of twelve (12 months), to be determined in Yoma Bank’s discretion and as communicated to you as part of your application for SMARTCredit.

4. By applying for a SMART Credit, you agree that you will repay the SMART Credit automatically on the last day of the tenor of your SMART Credit (“due date”), by authorizing Yoma Bank to automatically debit directly from your SMART account for the amount that is due for payment (Principal, Interest, and any applicable fees). If you do not have sufficient funds in your SMARTaccount on the due date for a payment, you authorise Yoma Bank to automatically debit directly the amount due (including principal, interest and fees) from any other account you hold with Yoma Bank. If the due date does not fall on a business day, then Yoma Bank will automatically deduct the repayment for the SMART Credit on the closest business day to the due date after the due date.

5. The interest rate applying to SMART Credit is 13%, is applied daily and deducted automatically in accordance with section 1.5 above. The frequency of interest deduction will be determined by Yoma Bank in its discretion and communicated to you as part of your application for SMART Credit.

6. Yoma Bank will charge you fees for the SMART Credit in accordance with Yoma Bank’s standard fees as published by Yoma Bank from time to time.

7. You acknowledge that failure to repay an amount of SMART Credit (including any accrued fees and/or interest) due and owing to Yoma Bank by the required due date:

(a) means Yoma Bank may request immediate repayment of SMART Credit (including any accrued fees and/or interest) on demand;

(b) will negatively affect your credit score as assessed by Yoma Bank, making it harder for you to apply for future loans with Yoma Bank, and your credit score with Yoma Bank may also be shared with the Myanmar Credit Bureau; and

(c) means Yoma Bank may take any such legal or other action to protect and enforce its rights under these terms and conditions.

8. Yoma Bank may in its absolute discretion decline to provide you with the SMART Credit and is not obligated to provide you with a reason for such decline. Yoma Bank may stop offering SMART Credit at any time.

9. You agree that Yoma Bank will not be liable to you for any loss or damage arising from your use of SMART Credit service, except for any loss or damage arising from Yoma Bank’s gross negligence.

10. These terms and conditions are governed by Myanmar laws. You agree that if you have any dispute or claim arising under or in respect of SMART Credit and/or these terms and conditions, you will first raise your concern or complaint directly with Yoma Bank, and Yoma Bank will attempt to resolve your dispute and/or claim directly with you within a reasonable time period.

The Customer, by using Yoma Bank Limited’s (the “Bank”) Internet Banking for Business (“IBB”) portal (whether by himself/herself or by permitting an authorized person to use the IBB on the Customer’s behalf), is deemed by the Bank to have understood and agreed to comply with the Terms and Conditions contained herein, which Terms and Conditions the Bank may amend from time to time in its sole discretion.

1. Definitions

a. “Account” means any enterprise account of the Customer with the Bank linked to the IBB.

b. “Agreement” means this document and all other documents and terms and conditions issued by Bank from time to time.

c. “Authorized User” means the person authorized by the Customer from time to time to access and use the IBB and transact business on behalf of the Customer.

d. “Bank” means Yoma Bank Limited.

e. “Customer” means any legal entity or person who accepts and enters into this Agreement.

f. “Instruction” means any request, authorization, or instruction by the Customer (whether by himself/herself or through an Authorized User) through the IBB linked Account.

g. “Internet Banking for Business” or “IBB” means the computerized service portal that allows the Bank’s Customers to get online with the Bank to view the details of their business Account(s) and such Account’s transaction history, as well as allowing Customers to perform certain transactions such as allowing them to transfer funds and pay bills, among other functionalities as may be made available from time to time on the IBB.

h. “One Time Password” or “OTP” means the secret numbers/words used for one time only which are required to access the IBB.

2. Functionalities of the Internet Banking for Business

The IBB allows the User to do, among others, the following:

a. Check Account balance and Account information

b. Transfer funds from one Account to another Account belonging to the same Customer

c. Transfer funds from a Customer’s Account to a third party’s account with the Bank

d. View past transaction statuses, histories, and details

3. Requirements

The Customer shall provide an email and primary phone number for contact in addition to the required documents in order to access the IBB. The Customer’s email/phone number shall be used to send OTP for second stage authentication. The Customer agrees to accept the potential risks that may occur as a consequence of using the IBB

4. Technical Requirements

In order to access the IBB, the Customer is required to have the following, which may be modified from time to time. Latest versions of Google Chrome, Microsoft Edge, Mozilla Firefox, and Safari are required for all devices (Desktop, Tablet, Mobile Phones) to access the IBB. However, Google Chrome is the recommended browser to access the IBB.

5. Security Requirements

When accessing the IBB, the Customer is required to use the username and password for the first level authentication. SMS or email OTP for second level authentication and such SMS or email OTP shall be sent to the registered contact number/email. In case the passwords are lost or stolen, the Customer is required to contact the Bank’s call center immediately for further assistance.

Passwords used by the Customer should be changed regularly and should contain at least one (1) upper case letter, one (1) lower case letter, one (1) number, one special character (#@$!%^*?&) and should consist of eight (8) to sixteen (16) characters.

First level authentication is necessary for accessing the IBB. Second level authentication is necessary for account transfers, change of important personal data, and other similar functions.

The Customer is allowed five (5) attempts to login to the IBB and in case of five (5) failed attempts, access to the IBB may be blocked and the Customer may contact the Bank’s call center to unblock access.

The Customer is allowed five (5) attempts to verify OTP and in case of five (5) failed attempts, access to the IBB may be blocked and the Customer may contact the Bank’s call center to unblock access.

6. Authorization

The Authorized User is responsible for every Instruction (including own Account and third party transfers) in relation to the Account, regardless of whether that Instruction is from the Customer, an Authorized User, or another person who is acting with the Customer’s knowledge or consent.

a. The Customer agrees that the Bank may rely on (and the Customer hereby authorizes the Bank to act upon) any Instruction given and authorized, without any enquiry as to the identity or authority of the person giving or authorizing that Instruction. The Authorized User is treated as an agent of the Customer and all activities carried out by the Authorized User shall be deemed to have been carried out with the authorization of the Customer. The Customer is responsible for acts or omissions of the Authorized User.

b. The Customer agrees that Bank will not in any way be liable to the Customer for relying or acting on any such Instruction.

c. The Customer is responsible to ensure that all information included in an Instruction is complete, accurate and correct.

d. An Account transfer Instruction must not be subject to any conditions. The Bank will act on a conditional Instruction as if it were an unconditional Instruction. It is the Customer’s responsibility to use other means of obtaining information, giving Instructions and effecting transactions if for any reason the service is unavailable for use or cannot be accessed by a Customer due to any malfunctioning of any systems or equipment supporting the IBB.

e. The Bank shall not be obliged to act upon any Instruction, which appears, in the Bank’s opinion, to be contrary to any applicable law, regulation, government, court or regulatory body’s order, rule, or direction, or in circumstances in which the Bank deems it legally inadvisable to act upon such Instruction, including with respect to any regulations of the Central Bank of Myanmar.

7. Accounts

The Customer’s business must have an Account with the Bank to use the IBB. The Customer account will also be governed by this terms and conditions, disclosures and other documents provided to the Customer in connection with the opening of the IBB account, as may be amended from time to time.

8. Authorized User Access

The Customer shall appoint one (1) Authorized User who shall have the right to access and provide Instructions via the IBB. For changing the Authorized User, the Customer shall submit the application to the Bank with seven (7) working days’ prior notice.
If the current authorized user cannot reach the branch office to apply the authorized user change process, the applied authorized user must provide the completed change meeting minutes/modification letter to the branch office.

9. Fees, Limits, and Charges

The Bank shall collect the fees and charges for the services at the rate it prescribes from time to time, and may from time to time set daily transaction limits for the services provided in the IBB.

10. Hours of Operation and Cut off Times

Other than time required for regular maintenance, the IBB can be accessed 24 hours a day, seven days a week.

11. Insufficient Funds

If the Authorized User has instructed the Bank to make a payment for which there are insufficient available funds in the account on the date and time of the instruction, the payment may not be made and payment transaction status will fail.

12. Declarations

By using the IBB, the Customer and/or the Authorized User:

a. agrees to comply with the rules and regulations issued by the Bank from time to time;

b. acknowledges and agrees that the Customer is responsible for any losses resulting from, including, but not limited to, improper use of the security features of the IBB (including OTP), failure to comply with security requirements (such as password composition as described herein), or allowing unauthorized persons access the Account on the IBB. The Customer / Authorized User agrees and acknowledges that the Bank shall bear no responsibility arising from such losses.

c. agrees to indemnify the Bank against all losses incurred by the Bank due to non-compliance of the Customer / Authorized User with this Agreement, including any liability, damages, claims, and legal costs.

d. agrees that the Bank does not represent or take responsibility to resolve legal matters arising directly or indirectly out of the provision of the services on this IBB.

e. agrees that the Bank is not responsible for any losses caused by viruses contained in web sites or electronic files and waives the claim for all liabilities.

f. agrees and acknowledges that the Bank shall not be liable for any loss or damage due to technical errors by using the third party system in connection with Bank services (including, but not limited to Wave Money).

g. agrees and acknowledges that the Bank is entitled to transfer from any of the Customer’s accounts or to otherwise procure the repayment or to retain or set off any amounts which are wrongfully credited (as a result of system or third party error) to the balances of a Customer account without need prior notice to the Customer or Authorized User.

h. agrees and acknowledges that such wrongfully credit amounts mentioned in the immediately preceding paragraph, if not immediately repaid by the Customer, an equivalent amount may be transferred, retained, or otherwise set off against the Customer’s funds with the Bank in full payment of the such wrongfully credited amounts.

13. Limitation of Liability

Except for a failure in performing a transaction due to an error of the IBB, the Bank shall not be liable for any unsuccessful transaction, wrongful instruction caused by the Customer.

14. Force Majeure

Bank shall not be liable for any failure to perform in accordance with these terms and conditions which due to causes beyond the control such as war, riot, trade embargo, governments orders and other unpredictable situations.

15. User Confidentiality/Security

The Bank identifies the Customers / Authorized Users by their unique username and password. All transactions initiated with your username and password will be attributed to the Customer / Authorized User. The Customer / Authorized User agrees not to give or make available your username and password to any other individuals, including anyone claiming to represent the Bank. The Customer / Authorized User a acknowledges that the Bank will never ask the Customer / Authorized User for your password or the answer to any security questions, and that the Bank’s employees do not need the Customer / Authorized User password or security question answers for any reason. However, the Bank has the right to ask the security question only when the Customer / Authorized User encounters an issue in using the IBB. The Customer / Authorized User can contact the person who authorize in this banking service. In order to protect the Customer / Authorized User against fraud, the Customer / Authorized User needs to adhere to the following guidelines:

a. Do not give out the account information, username, password, email address, mobile number or National Registration Card Number or other identification;

b. Do not leave your PC or mobile device unattended while the Customer / Authorized User is using the IBB;

c. Never leave the account information within range of others; and

d. Do not send privileged account information (account number, username, password, etc.) in any public or general e-mail system.

16. Severability

If any provision of this Agreement is determined to be void or invalid, the rest of this terms and conditions will remain in full force and effect.

17. Amendments to Terms and Conditions

The Bank, any time, has the right to amend/supplement the Terms and Conditions and fees/charges relating to the IBB. In case of material amendment/supplement, such amendment/supplement shall be notified on the Bank’s website or at branches. Such amendment/supplement shall take effect from the day of notification. For purposes of this paragraph, material amendment/supplement means cancelling, termination or reducing the services or servicing business, increase fees for services and service businesses or charging the services at new rates.

18. Termination

The Bank may decline to provide the IBB services or terminate the same without providing any reason or without prejudicing these terms and conditions. The Bank may terminate the services in case of violating the regulations and using bank account and services in unlawful ways by the Customer.

19. Mobile Number and Addresses

The mobile number and email address to be used to notify the Bank when the Customer identified that an unauthorized Electronic Fund Transfer has been or may be made are:

Customer Service at (+959796629662) or the Customer may write to the Bank ([email protected])

20. Governing Law

This terms and conditions are governed by and shall be construed in accordance with the laws and regulations of the Republic of the Union of Myanmar. Any disputes arising from this terms and conditions shall be submitted to a competent court of the Republic of the Union of Myanmar.

(၁) နိဒါန်း

Yoma Bank MPU Credit Card ကို လျှောက်ထား၍ အသုံးပြုပါက ဤစည်းကမ်းချက်များကို လက်ခံပြီးဖြစ်သည်ဟု မှတ်ယူပါမည်။
Yoma Bank MPU Credit Card ကို မြန်မာနိုင်ငံတွင် မြန်မာကျပ်ငွေဖြင့်သာ အသုံးပြုနိုင်ပါသည်။

(၂) အဓိပ္ပါယ်ဖွင့်ဆိုချက်များ

ဤစည်းကမ်းချက်များတွင် ပါရှိသော စကားရပ်များကို အောက်ပါအတိုင်း အဓိပ္ပါယ် သတ်မှတ်ပါသည်။

• “စက်ပစ္စည်း” ဆိုသည်မှာ Yoma Bank ၏ Desktop သို့မဟုတ် Mobile ဒစ်ဂျစ်တယ် ဘဏ်လုပ်ငန်း အက်ပလီကေးရှင်းများ မှတဆင့် Credit Account ကို ချိတ်ဆက်အသုံးပြုနိုင်သော၊ Credit Account ၊ Card သို့မဟုတ် Software Bank Token တစ်ခုခုကို ထည့်သွင်းထားသည့် PIN နံပါတ်၊ မိုဘိုင်း ပစ္စည်း၊ ကွန်ပျူတာနှင့်/သို့မဟုတ် ဟာ့ဒ်ဝဲရ် ဘဏ် တိုကင်စက်ကို ဆိုလိုပါသည်။
• “ATM” ဆိုသည်မှာ Automated Teller Machine ကို ဆိုလိုပါသည်။
• “ဘေလ်ပေးဆောင်ရန်ကာလ” ဆိုသည်မှာ ငွေစာရင်းရှင်းတမ်း တစ်ခုပြီး တစ်ခုထုတ်ပေးသည့် ရက်စွဲနှစ်ရပ်အကြားရှိ ကာလကို ဆိုလိုပါသည်။
• “အလုပ်ဖွင့်ရက်” ဆိုသည်မှာ စနေ၊ တနင်္ဂနွေ သို့မဟုတ် မြန်မာနိုင်ငံရှိ တရားဝင် အလုပ်ပိတ်ရက် မဟုတ်သော ရက်တစ် ရက်ကို ဆိုလိုပါသည်။
• “Card” သို့မဟုတ် “ကတ်” ဆိုသည်မှာ ဤစည်းကမ်းချက်များနှင့်အညီ ကတ်ကိုင်ဆောင်သူ၏ တောင်းဆိုမှုကြောင့် Yoma Bank က ထုတ် ပေးသော MPU Credit Card သို့မဟုတ် အခါအားလျော်စွာ လဲလှယ်ပေးသော ကတ်ကို ဆိုလိုပါသည်။
• “ကတ်ကိုင်ဆောင်သူ” ဆိုသည်မှာ Card နှင့် Credit Account အတွက် တာဝန်ရှိသူ Customer ကိုဆိုလိုပါသည်။ ဤ စည်းကမ်းချက်များတွင် ကတ်ကိုင်ဆောင်သူကို “လူကြီးမင်း” ဟုလည်းရည်ညွှန်းပါမည်။
• “ငွေထုတ်ယူမှု” ဆိုသည်မှာ ငွေသားထုတ်ယူမှု၊ အခြားဘဏ်ငွေစာရင်းသို့ စာရင်းလွှဲပြောင်းမှု နှင့် Traveler’s Cheque သို့မဟုတ် နိုင်ငံခြားငွေ ဝယ်ယူမှုအတွက် ငွေပေးချေမှုကို ဆိုလိုပါသည်။
• “Credit Account” ဆိုသည်မှာ ကတ် (များ) နှင့် စပ်လျဉ်း၍ Yoma Bank တွင် လူကြီးမင်းက ဖွင့်လှစ်ထားသော Credit Card Account ကို ဆိုလိုပါသည်။ ဤစည်းကမ်းချက်များနှင့် အညီ Yoma Bank က ပေးအပ်သော ချေးငွေကို အသုံးပြု သည့်အခါ သို့မဟုတ် တနည်းနည်း ချိတ်ဆက်ဆောင်ရွက်သည့်အခါ လုပ်ငန်းဆောင်ရွက်ချက်များကို အဆိုပါ Credit Account တွင် မှတ်တမ်းတင်ထားပါမည်။
• “ချေးငွေ ကန့်သတ်ချက်” ဆိုသည်မှာ Yoma Bank က ခွင့်ပြုသော Credit Account ထဲရှိ အများဆုံး ချေးငွေကို ဆိုလိုပြီး အဆိုပါ ကန့်သတ်ချက်ကို ကျော်လွန်၍ အသုံးမပြုရ။
• “အချက်အလက် ကာကွယ်ရေး ပေါ်လစီ” ဆိုသည်မှာ Yoma Bank က ထုတ်ဖော် ပြောကြားသော၊ မျှဝေ၊ ပေးအပ်သော၊ စုဆောင်း၊ အသုံးပြုသော လူကြီးမင်း၏ ပုဂ္ဂိုလ်ရေးရာ အချက်အလက်များကို ကာကွယ်ရန် နှင့် အသုံးပြုရန် ချမှတ်သော အချက်အလက် ကာကွယ်ရေး ပေါ်လစီဖြစ်ပြီး Yoma Bank က ထို ပေါ်လစီကို အခါအားလျော်စွာ ပြင်ဆင်ပါသည်။
• “စာရင်းမှတိုက်ရိုက်ငွေနှုတ်ယူပိုင်ခွင့်” ဆိုသည်မှာ ပြန်လည်ပေးဆပ်ရန်အနည်းဆုံးငွေပမာဏ သော်လည်းကောင်း၊ ကတ်နှင့် စပ်လျဥ်း၍ အခြားကြွေးကျန်ပမာဏများကို ပေးဆပ်ရန်သော်လည်းကောင်း၊ Yoma Bank ၏ စာရင်းထဲတွင်ရှိသော ငွေကြေးကို နှုတ်ယူနိုင်ရန် လူကြီးမင်းမှ Yoma Bank ကို ပေးအပ်ထားသော အခွင့်အာဏာတစ်ရပ်ကို ဆိုလိုသည်။
• “ကင်းလွတ်ခွင့်ကာလ” ဆိုသည်မှာ ငွေစာရင်းရှင်းတမ်း ရက်စွဲ နှင့် ငွေစာရင်းရှင်းတမ်း တွင် သတ်မှတ်ထားသော ငွေပေးချေရန် နောက်ဆုံးရက်စွဲ နှစ်ရပ် ကြားကာလ ကိုဆိုလိုပြီး အဆိုပါ ကာလအတွင်း အတိုး ကောက်ခံမှု မရှိပါ။
• “တစ်ဦးချင်း ချေးငွေ ကန့်သတ်ချက်” ဆိုသည်မှာ တစ်ကတ်ချင်းစီအတွက် Yoma Bank က အခါအားလျော်စွာ ခွင့်ပြုပေးသော အများဆုံး ချေးငွေ ပမာဏကို ဆိုလိုပါသည်။
• “နောက်ကျပေးချေမှု” ဆိုသည်မှာ ငွေပေးချေရန် နောက်ဆုံးရက်တွင် ပြန်လည်ပေးဆပ်ရန် အနည်းဆုံး ငွေပမာဏကို ပေးသွင်း/ ပေးဆပ်ရန် ပျက်ကွက်ခြင်း ကို ဆိုလိုပါသည်။
• “Master Account” ဆိုသည်မှာ လူကြီးမင်း အသုံးပြုရန် ခွင့်ပြုပေးသော ချေးငွေ ပမာဏတစ်ရပ်လုံးကို ဆိုလိုပါသည်။
• “ရောင်းချသူ” ဆိုသည်မှာ ကုန်ပစ္စည်းများ နှင့်/သို့မဟုတ် ဝန်ဆောင်မှုများကို ရောင်းချရာတွင် ငွေပေးချေမှု နည်းလမ်း တစ်ရပ်အဖြစ် ကတ်လက်ခံသည့် ပုဂ္ဂိုလ်/ ဆိုင်/ ကုမ္ပဏီ/ အဖွဲ့အစည်း/ အသင်းအဖွဲ့ တစ်ရပ်ရပ်ကို ဆိုလိုပါသည်။
• “ပြန်လည်ပေးဆပ်ရန် အနည်းဆုံး ငွေပမာဏ” ၏ အဓိပ္ပါယ်ကို အောက်ပါ အပိုဒ် ၆ တွင် ဖော်ပြထားပါသည်။
• “MMK” ဆိုသည်မှာ မြန်မာနိုင်ငံတွင် တရားဝင် အသုံးပြုလျက်ရှိသော ငွေကြေးကို ဆိုလိုပါသည်။
• “ကြွေးကျန်ပမာဏ” ဆိုသည်မှာ မည်သည့် အချိန်၌ မဆို လူကြီးမင်း၏ Credit Account တွင် ဖော်ပြထားပြီး ကြွေးကျန် တင်ရှိနေသော၊ လူကြီးမင်းက ပေးရန်ရှိသော ချေးငွေပမာဏ တစ်ရပ်လုံးကို ဆိုလိုပါသည်။
• “ငွေပေးချေရန်နောက်ဆုံးရက်” ဆိုသည်မှာ ငွေစာရင်းရှင်းတမ်း တွင် ဖော်ပြထားပြီး ပြန်လည် ပေးဆပ်ရန် အနည်းဆုံး ငွေပမာဏ ကို Yoma Bank သို့ ပေးသွင်းရန် ရက်စွဲကို ဆိုလိုပါသည်။ ငွေပေးချေရန် နောက်ဆုံးရက်သည် စနေ၊ တနင်္ဂနွေ သို့မဟုတ် မြန်မာနိုင်ငံရှိ အများပြည်သူ အလုပ်ပိတ်ရက် ဖြစ်ပါက နောက်နေ့ အလုပ်ဖွင့်ရက်ကို ငွေပေးချေရန် နောက်ဆုံးရက် အဖြစ် သတ်မှတ်ပါမည်။
• “PIN” ဆိုသည်မှာ Card အသုံးပြုရန်အတွက် ကတ်ကိုင်ဆောင်သူသို့ ထုတ်ပေးသော သို့မဟုတ် ကတ်ကိုင်ဆောင်သူက ရွေးချယ်သော Personal Identification Number ကို ဆိုလိုပါသည်။
• “ငွေစာရင်းရှင်းတမ်းရက်စွဲ” ဆိုသည်မှာ ငွေစာရင်းရှင်းတမ်း ထုတ်ပေးသည့် ရက်စွဲကို ဆိုလိုပြီး ငွေစာရင်းရှင်းတမ်း တစ်စောင်စီတွင် ဖော်ပြထား ပါသည်။ ဘေလ်ပေးဆောင်ရန်ကာလတစ်ခု ကုန်ဆုံးသည့်အခါ ငွေစာရင်းရှင်းတမ်း တစ်စောင်စီ ထုတ်ပေးသွားပါမည်။
• “ငွေစာရင်းရှင်းတမ်း” သို့မဟုတ် “Statement” ၏ အဓိပ္ပါယ်ကို အောက်ပါ အပိုဒ် ၈ တွင် ဖော်ပြထားပါသည်။
• “Yoma Bank” ဆိုသည်မှာ လူကြီးမင်းကို ချေးငွေ ထုတ်ပေးသူ Yoma Bank Limited ကို ဆိုလိုပါသည်။ ဤ စည်းကမ်း ချက်များတွင် Yoma Bank ဟု ရည်ညွှန်းသည့်အခါ (အခြားနည်းဆန့်ကျင်၍ အဓိပ္ပါယ်ဖွင့်ဆိုရန် မလိုအပ်ပါက) ၎င်း၏ ဒါရိုက်တာများ၊ အရာရှိများ၊ ဝန်ထမ်းများ၊ အကြံပေး ပုဂ္ဂိုလ်များ၊ အေးဂျင့်များနှင့် ကိုယ်စားလှယ်များပါ ပါဝင်သည်ဟု မှတ်ယူရမည်။

(၃) MPU Credit Card အသုံးပြုခြင်းနှင့် ကတ်ဝန်ဆောင်မှုများနှင့်ပတ်သက်သော တာဝန်များ

Yoma Bank မှ ထုတ်ပေးသည့် MPU Credit Card ဖြင့် သက်ဆိုင်ရာ ATM စက်များ သို့မဟုတ် ကတ်တွင် ဖော်ပြထားသော အမှတ်တံဆိပ် ကို ဆီလျော်စွာ ပြသထားသော နေရာများတွင် ငွေထုတ်ခြင်းနှင့် ကြိုတင်ချေးငွေထုတ်ယူခြင်းများ အပါအ၀င် ရောင်းချသူ ထံမှ ကုန်စည်များနှင့် ဝန်ဆောင်မှုများ ဝယ်ယူခြင်း ကို ပြုလုပ်နိုင်ပါသည်။ Yoma Bank သည် ကတ်ကိုင်ဆောင်သူတိုင်းကို Credit Account ဖွင့်ပေးမည် ဖြစ်ပြီး ၄င်းနှင့် တကွ အသုံးပြုရန် ကတ်ကို ထုတ်ပေးပါမည်။ ကတ်များအားလုံး၏ ပိုင်ရှင်သည် Yoma Bank ဖြစ်ပြီး တည်ဆဲ ဥပဒေများအရ တားမြစ်ထားသော ကုန်စည်များနှင့် ဝန်ဆောင်မှုများကို ဝယ်ယူခြင်း အပါအဝင် တရားမဝင် ရည်ရွယ်ချက်များ အတွက် ကတ်ကို အသုံးပြုခြင်း မရှိစေရ။ ကတ်အချက်အလက်များကို လုံခြုံစွာ ထိန်းသိမ်းထားရန် တာဝန်မှာ ကတ်ကိုင်ဆောင်သူ၏ တာဝန် ဖြစ်ပြီး ကတ်အသုံးပြုမှုကို ကိုယ်တိုင်လုပ်ဆောင်သည်ဖြစ်စေ၊ ၎င်း၏ ခွင့်ပြုချက်ဖြင့် ဆောင်ရွက်သည် ဖြစ်စေ၊ မဆောင်ရွက်သည် ဖြစ်စေ၊ ကတ် နှင့်/သို့မဟုတ် Account ကို လိမ်လည်မှုကြောင့်ဖြစ်စေ၊ ပေါ့ဆမှုကြောင့်ဖြစ်စေ၊ အခြားနည်းဖြင့်ဖြစ်စေ ကတ်ကို အလွဲသုံးစားပြု၍ အင်တာနက်မှ တဆင့် ဆောင်ရွက်သော လုပ်ငန်း ဆောင်ရွက်ချက်များ အားလုံးကို လူကြီးမင်းမှ အပြည့်အဝ တာဝန်ယူရမည် ဖြစ်သည်။ Card တွင်ပါ၀င်သော အချက်အလက်များကို အင်တာနက်ပေါ်တွင် အသုံးပြုခြင်းသည် လူကြီးမင်း၏ တရား၀င်ညွှန်ကြားချက်အရ ဆောင်ရွက်ခြင်းဖြစ်သည်ဟု ယူဆမည်ဖြစ်ပြီး ထိုလုပ်ငန်းများကို ပြုလုပ်သူသည် လူကြီးမင်းကိုယ်တိုင်ဖြစ်စေ၊ အခြားသူဖြစ်စေ ခွင့်ပြုချက် ရှိ/မရှိ စစ်ဆေးရန် (သို့မဟုတ်) ခွဲခြားရန် ဘဏ်တွင် တာဝန်မရှိကြောင်းကို လူကြီးမင်းမှ သိရှိနားလည်သဘောတူပါသည်။ သို့ရာတွင် ဘဏ်သည် အင်တာနက်မှတဆင့် ဆောင်ရွက်သော လုပ်ငန်းဆောင်ရွက်ချက် တစ်ရပ်ရပ်သည် စစ်မှန်မှု မရှိကြောင်း သံသယရှိပါက သို့မဟုတ် ဥပဒေနှင့် မညီညွတ်ကြောင်း တွေ့ရှိပါက သို့မဟုတ် အခြားအကြောင်းပြချက်တစ်စုံတစ်ရာဖြင့် ဘဏ်သည် အဆိုပါလုပ်ငန်းဆောင်ရွက်ချက်ကို ဆောင်ရွက်ပေးခြင်း မပြုဘဲ ငြင်းပယ် ခွင့်ရှိပါသည်။

(၄) ကတ်အသုံးပြုခြင်း

ကတ်ကိုင်ဆောင်သူသည် ကတ်ကို လက်ခံရရှိလျှင် စက်တွင် ဝင်ရောက် အသုံးပြု၍ PIN ကို ချက်ချင်း ပြောင်းလဲရမည်။ လူကြီးမင်းသည် စက်ပစ္စည်းတိုင်း၏ လုံခြုံရေး အတွက် အသုံးပြုသော အချက်အလက်များ (Yoma Bank ၏ Desktop သို့မဟုတ် Mobile ဒစ်ဂျစ်တယ် ဘဏ်လုပ်ငန်း အက်ပလီကေးရှင်းများကို ၀င်ရောက်အသုံးပြုရန် လိုအပ်သော password များအပါအ၀င်) နှင့် အခြား လုံခြုံရေးဆိုင်ရာ အထောက်အထားအားလုံးကို ကတ်ကိုင်ဆောင်သူမဟုတ်သည့် အခြားသူများမှ သိရှိပြီး ၀င်ရောက်အသုံးပြုခြင်းမရှိစေရန် လုံခြုံစိတ်ချစွာ ကြိုတင် ကာကွယ်မှုများ ချမှတ်ထားရမည်။ Yoma Bank သည် Credit Account နှင့်/သို့မဟုတ် ကတ်ကို မည်သည့် အချိန်၌မဆို ၎င်း၏ ဆန္ဒ အလျောက် ဖျက်သိမ်းခြင်း၊ ဆိုင်းငံ့ခြင်း သို့မဟုတ် ပြန်လည် တောင်းခံခြင်း တို့ကို ဆောင်ရွက်နိုင်ပါသည်။

(၅) ချေးငွေကန့်သတ်ချက်

Yoma Bank သည် လူကြီးမင်း၏ ချေးငွေ ကန့်သတ်ချက် ကို မည်သည့် အချိန်၌ မဆို ထပ်မံ ကန့်သတ်ရန်၊ တိုးမြှင့်ရန်၊ လျှော့ချရန် သို့မဟုတ် ရပ်ဆိုင်းရန် တစ်ဦးတည်း ဆုံးဖြတ် ချက် ဖြင့် လုပ်ပိုင်ခွင့်ရှိပါသည်။ လူကြီးမင်း၏ ကတ်ကို အသုံးပြုရာတွင် ကြွေးကျန်ပမာဏသည် ခွင့်ပြုထားသော ချေးငွေကန့်သတ်ချက်ကို ကျော်လွန်ပါက ကျော်လွန်သည့် ပမာဏ အပေါ်တွင် တွက်ချက်၍ အခကြေးငွေကို Credit Account ပေါ်တွင် ကောက်ခံမည်ဖြစ်ပါသည်။ ထို့အပြင် Yoma Bank သည် ချေးငွေကန့်သတ်ချက် ကျော်လွန်မှုကြောင့် လူကြီးမင်း၏ ကတ်အသုံးပြုမှုများကို ဆိုင်းငံ့နိုင်ပါသည်။ ချေးငွေကန့်သတ်ချက်အောက်သို့ ပြန်လည်ရောက်ရှိအောင် ကျော်လွန်နေသော ကြွေးကျန်ပမာဏကို ချက်ချင်း Yoma Bank သို့ ပြန်လည်ပေးသွင်းရမည်။

(၆) ပြန်လည် ပေးဆပ်ရန် အနည်းဆုံး ငွေပမာဏ

လူကြီးမင်း၏ ငွေစာရင်းရှင်းတမ်း တွင် ဖော်ပြထားသော အနည်းဆုံး ငွေပမာဏ ကို ငွေစာရင်းရှင်းတမ်း တွင် ဖော်ပြ ထားသော နောက်ဆုံးရက်တွင် လစဉ် ပေးချေရမည်။ အနည်းဆုံး ငွေပမာဏထက် ပို၍ အချိန်မရွေး ပေးသွင်းနိုင်ပါသည်။ အတိုး ပေးရန်ရှိပါက ငွေပေးချေမှုကို ဆောလျင်စွာ ပြုလုပ်လေလေ၊ ပေးချေရမည့် အတိုးပမာဏ သက်သာလေလေ ဖြစ်ပါသည်။ ငွေပေးချေရန် နောက်ဆုံးရက်သည် ငွေစာရင်းရှင်းတမ်း ရက်စွဲပြီးနောက် ပြက္ခဒိန်ရက် တစ်ဆယ့်ငါး (၁၅) ရက် ပြည့်မြောက်သည့် ရက်စွဲ (သို့မဟုတ် အဆိုပါ ရက်စွဲသည် အလုပ်ဖွင့်ရက် မဟုတ်သော ရက်တစ်ရက် ဖြစ်လျှင် လာမည့် အလုပ် ဖွင့်ရက်) ဖြစ်ပါ သည်။ အဆိုပါ အချိန် ကာလ သတ်မှတ်ချက်ကို Yoma Bank က အခါအားလျော်စွာ ပြောင်းလဲနိုင်ပါသည်။ ပြန်လည်ပေးဆပ်ရန် အနည်းဆုံးငွေပမာဏ နှင့် ကြွေးကျန်ပမာဏများကို Credit Account မှအပါအ၀င် လူကြီးမင်း၏ မည်သည့် Yoma Bank စာရင်းမှ မဆို Yoma Bank မှ တိုက်ရိုက်နှုတ်ယူပိုင်ခွင့်ရှိကြောင်းကို လူကြီးမင်းမှ သဘောတူလက်ခံပါသည်။ (“စာရင်းမှတိုက်ရိုက်ငွေနှုတ်ယူပိုင်ခွင့်”)

(၇) အတိုး၊ အခကြေးငွေများနှင့် အခြားကောက်ခံမှုများ

၇ (၁) ပစ္စည်းဝယ်ယူမှုအတွက်အတိုး
နောက်ဆုံးရ လစဉ် ငွေစာရင်းရှင်းတမ်း တွင် ဖော်ပြမည့် နှုန်းထားဖြင့် အတိုး ကောက်ခံပါမည်။ Yoma Bank သည် ရရန်ရှိအတိုးများကို Credit Account မှ လစဉ်နုတ်ယူပါမည်။ ကြွေးကျန် များ အားလုံးကို မပေးဆပ်ရသေးသည့် အချိန်အထိ အဆိုပါ ကြွေးကျန်ပမာဏများ အပေါ်တွင် အတိုးကို ဆက်လက် ကောက်ခံနေပါမည်။

၇ (၂) နောက်ကျကြေး
ချေးငွေ ပေးဆပ်ရန် သက်ဆိုင်ရာ နောက်ဆုံးရက်တွင် ပြန်လည်ပေးဆပ်ရန် အနည်းဆုံး ငွေပမာဏကို ပေးသွင်းခြင်း မရှိပါက Yoma Bank ၏ သတ်မှတ်နှုန်းထားဖြင့် နောက်ကျကြေးပေးဆောင်ရမည်။ (Yoma Bank သည် အဆိုပါ နှုန်းထားကို အခါအားလျော်စွာ ပြင်ဆင်နိုင်ပါသည်။) Credit Account တွင် ကြွေးကျန်မရှိတော့သည့် အချိန်အထိ နောက်ကျ ကြေး ပေးဆောင်ရမည်။

၇ (၃) ငွေထုတ်ယူမှု
ကတ်မှ ငွေထုတ်ယူမှုအတွက် အခကြေးငွေ ကောက်ခံမှုများ နှင့် ငွေထုတ်ယူနိုင်သည့် ပမာဏ ကန့်သတ်ချက်များ ရှိနိုင်ပါသည်။ လက်ရှိ‌ ဘေလ်ပေးဆောင်ရန်ကာလ ကုန်ဆုံးသည့်အခါ သို့မဟုတ် နောက်ပိုင်းတွင် အဆိုပါ အခကြေးငွေများ အားလုံးကို လူကြီးမင်း၏ ငွေတောင်းခံလွှာတွင် ထည့်သွင်းကောက်ခံပါမည်။ ကတ်ကို အသုံးပြု၍ ATM မှ ငွေထုတ်ပါက တစ်ရက်လျှင် ထုတ်ယူ နိုင်သော ကန့်ချက်သတ် ပမာဏ ရှိပါသည်။ အဆိုပါ ကန့်သတ်ချက် ပမာဏ ကို Yoma Bank သည် အခါအားလျော်စွာ ပြင်ဆင်နိုင်ပါသည်။
ငွေထုတ်ယူသည့်ရက်စွဲမှ စ၍ အဆိုပါ ထုတ်ငွေကို အပြည့်အဝ ပြန်လည် ပေးဆပ်သည့် ရက်စွဲအထိ ငွေထုတ်ယူမှု အပေါ် မူတည် ၍ အတိုးကောက်ခံပါမည်။ ထုတ်ယူသောငွေ အတွက် ပေးရန်ရှိသော အတိုးများကို လူကြီးမင်းထံ ပေးပို့ မည့် ငွေစာရင်းရှင်းတမ်း တွင် ဖော်ပြသွားပါမည်။ အတိုးကောက်ခံခြင်းမရှိဘဲ ထုတ်ငွေများကို ပြန်လည်ပေးဆပ်ရန် သတ်မှတ်ထား သော အတိုးကင်းလွတ်ခွင့်ကာလဟူ၍ မရှိပါ။

(၈) ငွေစာရင်းရှင်းတမ်း နှင့် ချေးငွေပေးဆပ်ခြင်း

Yoma Bank သည် မြန်မာကျပ်ငွေဖြင့် ဖော်ပြထားသော ငွေစာရင်းရှင်းတမ်းကို လစဥ် ထုတ်ပေးမည် ဖြစ်သည်။ ကတ်ကိုင်ဆောင်သူသည် အခွင့်မရှိသော လုပ်ငန်း ဆောင်ရွက်ချက် (များ) သို့မဟုတ် အခြား အမှားအယွင်းများကို ငွေစာရင်းရှင်းတမ်း တွင် တွေ့ရှိပါက ငွေစာရင်းရှင်းတမ်းကို လက်ခံရရှိသည့်နေ့မှစ၍ ခုနစ် (၇) ရက်အတွင်း Yoma Bank သို့ အကြောင်းကြားရမည်။
ကတ်ကိုင်ဆောင်သူသည် ငွေစာရင်းရှင်းတမ်း ကို Yoma Bank ထံမှ တောင်းယူနိုင်ပါသည်။ ကတ်ကိုင်ဆောင်သူသည် ငွေစာရင်းရှင်းတမ်း မရရှိသည် ဖြစ်စေ၊ ငွေစာရင်းရှင်းတမ်း မရရှိကြောင်း Yoma Bank သို့ အကြောင်းကြားရန် ပျက်ကွက် သည် ဖြစ်စေ သက်ဆိုင်ရာ နောက်ဆုံးရက်တွင် ပြန်လည် ပေးဆပ်ရမည့် အနည်းဆုံး ငွေ ပမာဏ (အတိုးများနှင့် အခကြေးငွေများ အပါအဝင်) ကို ပေးဆပ်ရန် တာဝန်ရှိဆဲ ဖြစ်ပါသည်။ လူကြီးမင်းထံ ပေးပို့သော ငွေစာရင်းရှင်းတမ်း ၌ ဖော်ပြထားသော စာရင်းပိတ် ကြွေးကျန်ပမာဏသည် အဆိုပါ ငွေစာရင်းရှင်းတမ်းကို ထုတ်ပြန်သည့် ရက်စွဲတွင် လူကြီးမင်းမှ Yoma Bank သို့ ချေးငွေ ပေးဆပ်ရန် တာဝန်ရှိကြောင်းကို ပြသသည့် သက်သေဖြစ်ပါသည်။

(၉) ကတ်လဲလှယ်ခြင်း

(ကတ်ပျောက်ဆုံးခြင်း၊ အခိုးခံရခြင်း၊ ပျက်စီးခြင်း သို့မဟုတ် ကျိုးပဲ့ခြင်းကြောင့်) ကတ်လဲလှယ်ရန် လိုအပ်ပါက ကတ်လဲလှယ်ခ ကို Yoma Bank ၏ တည်ဆဲ နှုန်းထားဖြင့် ကောက်ခံပါမည်။ Yoma Bank သည် ကတ်များကို သက်တမ်းတိုးရန် သို့မဟုတ် လဲလှယ်ရန် အဆိုပြုချက်ကို ငြင်းပယ် ခွင့်ရှိ ပါသည်။ အောက်ပါ အခြေအနေ တစ်ရပ်ရပ် ဖြစ်ပွားလျှင် လူကြီးမင်း၏ ကတ်ကို လဲလှယ်နိုင်ပါသည်။

၉ (၁) ကတ်သက်တမ်းကုန်ဆုံးခြင်း
ကတ်နှင့် တကွ ဆက်စပ် အကျိုးခံစားခွင့်များနှင့် ဝန်ဆောင်မှုများသည် ကတ်ပေါ်တွင် ရိုက်နှိပ်ထားသော လအကုန်တွင် သက်တမ်း ကုန်ဆုံးပါမည်။ ကတ်သက်တမ်း ကုန်ဆုံးလျှင် Yoma Bank ၏ ညွှန်ကြား ချက်ဖြင့် ကတ်အသစ် ထုတ်ပေးပါမည်။

၉ (၂) ပျောက်ဆုံးခြင်း၊ အခိုးခံရခြင်း၊ လိမ်လည်ခံရခြင်း နှင့် ထုတ်ဖော်ပြောကြားခြင်း
လူကြီးမင်းသည် မိမိမဟုတ်သော အခြားပုဂ္ဂိုလ်တစ်ဦးမှ ကတ်၏ PIN သို့မဟုတ် အခြား လုံခြုံရေး အချက်အလက်များကို သိရှိ သည်ဟု ထင်မြင်ပါက သို့မဟုတ် Credit Account နှင့် ချိတ်ဆက်ထားသော ကတ် သို့မဟုတ် စက်ပစ္စည်း သို့မဟုတ် Password ပျောက်ဆုံးလျှင်၊ မိတ္တူပွားခံရလျှင်၊ နေရာအထားမှားလျှင်၊ အခိုးခံရလျှင် သို့မဟုတ် လိမ်လည်မှု သို့မဟုတ် မသင့်လျော်သော ရည်ရွယ်ချက် အတွက် အသုံးပြုသည် သို့မဟုတ် အသုံးပြုရန် အလားအလာရှိသည်ဟု ထင်မြင်လျှင် Yoma Bank သို့ ချက်ချင်း အကြောင်း ကြားရမည်။ ပျောက်ဆုံးသော ကတ်ကို နောက်ပိုင်း ပြန်လည် တွေ့ရှိလျှင် အသုံးမပြုဘဲ Yoma Bank သို့ ချက်ချင်း အပ်နှံရမည်။ ကတ် နှင့်/သို့မဟုတ် Credit Account ၏ လျို့ဝှက်ထိန်းသိမ်းရမည့် အချက်အလက်သည် လုံခြုံရေး ချိုးဖောက်ခံရ သည် သို့မဟုတ် အခိုးခံရသည် သို့မဟုတ် လိမ်လည်ခံရသည် သို့မဟုတ် ထိုသို့ ဖြစ်ပွားရန် အလားအလာရှိသည်ဟု Yoma Bank က ကျိုးကြောင်း သင့်လျော်စွာ သံသယဖြစ်ပေါ်လျှင် ကတ် နှင့်/သို့မဟုတ် Credit Account ကို ဆိုင်းငံ့ ထားခွင့်ရှိပါသည်။
ပုဂ္ဂိုလ် တစ်ဦးဦးသည် ကတ် သို့မဟုတ် ကတ်အချက်အလက်များကို အသုံးပြုပြီး ထိုသို့ အသုံးပြုခြင်းကို လူကြီးက သိရှိလျှင် သို့မဟုတ် ခွင့်ပြုလျှင် (က) ကတ်ကို အလွဲသုံးစားပြုကြောင်း Yoma Bank သို့ အကြောင်းမကြားခင် အချိန်အထိ နှင့် (ခ) Yoma Bank သည် သက်ဆိုင်ရာကတ်ကို အသုံးပြု၍ လုပ်ငန်းဆောင်ရွက်ချက်များကို ရှေ့ဆက်ဆောင်ရွက်ခြင်း မပြုတော့ရန် ပိတ်ပင် လိုက်ကြောင်း အတည်မပြုမီ အချိန်အထိ လုပ်ငန်း ‌ဆောင်ရွက်ချက်များကို လူကြီးမင်းက တာဝန်ခံရမည်။ Yoma Bank သည် အလွဲသုံးစားပြုခြင်းကြောင့် တိုက်ရိုက် ဖြစ်စေ၊ သွယ်ဝိုက် ဖြစ်စေ ဖြစ်ပေါ်နိုင်သော ဆုံးရှုံးမှု သို့မဟုတ် နစ်နာမှုကို မည်သည့် နည်းလမ်းဖြင့် မဆို ပေးလျော်ရန် တာဝန် မရှိပါ။

၉ (၃) ကတ်ပျက်စီးခြင်း/ကျိုးပဲ့ခြင်း
ကတ်ပျက်စီးခြင်း သို့မဟုတ် ကျိုးပဲ့ခြင်းကြောင့် POS Terminal များ၊ ATM များ အစရှိသည်တို့တွင် လုပ်ငန်းဆောင်ရွက်ချက် အတွက် ကတ်ကို အသုံးမပြုနိုင်တော့ပါက ကတ်လဲလှယ်ပေးရန် လျှောက်ထားနိုင်ပါသည်။ ပျက်စီး/ကျိုးပဲ့သော ကတ်ကို လဲလှယ်ရန် လို/မလို ဆုံးဖြတ်ရန် Yoma Bank သည် ကြိုတင် စစ်ဆေးနိုင်ပါသည်။ လူကြီးမင်း သို့မဟုတ် ကတ်ကိုင်ဆောင်သူက ပျက်စီး/ ကျိုးပဲ့သောကတ်ကို Yoma Bank သို့ အပ်နှံသည့်အခါမှသာ ကတ်အသစ် လဲလှယ်ပေးပါမည်။ ကတ်လဲလှယ်ရာတွင် Yoma Bank ၏ တည်ဆဲ ကတ်လဲလှယ်ခ ကောက်ခံမည်ဖြစ်ပြီး အဆိုပါအခကြေးငွေကို အခါ အားလျော်စွာ ပြင်ဆင်နိုင်ပါသည်။

(၁၀) အငြင်းပွားဖွယ်လုပ်ငန်းဆောင်ရွက်ချက်များ

Credit Account ရှိ လုပ်ငန်းဆောင်ရွက်ချက်နှင့် ပတ်သက်၍ အငြင်းပွားမှု ဖြစ်ပွားလျှင် အဆိုပါ အငြင်းပွားဖွယ် လုပ်ငန်း ဆောင်ရွက်ချက်ကို စုံစမ်း စစ်ဆေးရန် ရိုးမဘဏ်နှင့် ပူးပေါင်း ‌ဆောင်ရွက်ရမည်။ Yoma Bank သို့ အကြောင်းကြား၍ အငြင်း ပွားဖွယ် လုပ်ငန်း ဆောင်ရွက်ချက်၏ အခြေအနေများနှင့် စပ်လျဉ်း၍ ရရှိထားသော အချက်အလက်များ အားလုံးကို Yoma Bank သို့ နှောင့်နှေးမှုမရှိ ပေးပို့ရမည်။ အဆိုပါ လုပ်ငန်းဆောင်ရွက်ချက် ဖြစ်ပေါ်သည့် ရက်စွဲမှစ၍ အလုပ်ဖွင့်ရက် (၁၀) ရက်အတွင်း (သို့မဟုတ် Yoma Bank က လူကြီးမင်းထံသို့ ဤမှနောင်တွင် အကြောင်းကြားသတ်မှတ်မည့် ကာလအတွင်း) အချက် အလက်များ အားလုံးကို ပေးပို့ရမည်။ ငွေလက်ခံဖြတ်ပိုင်းများ၊ ငွေပေးချေပြီးကြောင်း အထောက်အထား ကဲ့သို့ လိုအပ်သော စာရွက်စာတမ်း၊ အထောက်အထားတို့ကို လိုအပ်သလို ပေးအပ်ရမည်။
အငြင်းပွားဖွယ် လုပ်ငန်း ဆောင်ရွက်ချက်နှင့် စပ်လျဉ်း၍ Yoma Bank က ရရှိထားသော ငွေထုတ်ပေးမှုနှင့် ပတ်သက်သည့် Charge Slip သို့မဟုတ် ငွေတောင်းခံမှုကို ဖော်ပြသည့် အခြားအထောက်အထားများသည် မှတ်တမ်းတင်ထားသော ငွေပမာဏကို ကတ်ကိုင်ဆောင်သူက သက်ဆိုင်ရာ ကတ်ကို အသုံးပြု၍ သုံးစွဲခဲ့သည်ဟူသော အချက်ကို ပြသသည့် အပြီးသတ် သက်သေခံချက် ဖြစ်ပါ သည်။
လုပ်ငန်းဆောင်ရွက်ချက် တစ်ခုခု နှင့် စပ်လျဉ်းသော အငြင်းပွားမှုကို အများအားဖြင့် လူကြီးမင်းက Yoma Bank သို့ အကြောင်း ကြားသည့် ရက်စွဲမှစ၍ အလုပ်ဖွင့်ရက် (၁၀) ရက် အတွင်း စုံစမ်း၍ ဖြေရှင်းပါသည်။ အချို့ ကိစ္စရပ်များ သည် နက်နဲပါက စုံစမ်းဖြေရှင်းသည့် လုပ်ငန်းစဉ်သည် အထက်ပါ အချိန်ထက် ပိုမို ကြာမြင့် နိုင်ပါသည်။
အငြင်းပွားမှုကို မဖြေရှင်းမီ အငြင်းပွားဖွယ် လုပ်ငန်းဆောင်ရွက်ချက်အတွက် ငွေပေးဆပ်ရန် လူကြီးမင်းတွင် တာဝန်ရှိပြီး သက် ဆိုင်ရာ ငွေပေးချေရန် နောက်ဆုံးရက်တွင်/ မတိုင်မီ အငြင်းပွားဖွယ် လုပ်ငန်း ဆောင်ရွက်ချက်နှင့် စပ်လျဉ်း၍ ပေးရန် ရှိသော ငွေပမာဏများ အပါအဝင် ပြန်လည် ပေးဆပ်ရန် အနည်းဆုံး ငွေပမာဏကို Credit Account သို့ ထည့်သွင်းပေးရန် လိုအပ်ပါ သည်။ လူကြီးမင်းသည် ပြန်လည်ပေးဆပ်ရန် ငွေများကို ထိန်ချန်ထားခြင်း သို့မဟုတ် ပေးဆပ်ရန် နှောင့်နှေးခြင်းတို့ကို မပြုလုပ်ရ။ အဆိုပါ အငြင်း ပွားဖွယ် လုပ်ငန်းဆောင်ရွက်ချက် နှင့် စပ်လျဉ်း၍ သက်ဆိုင်ရာ ရောင်းချသူ သို့မဟုတ် အခြားပုဂ္ဂိုလ်ထံမှ တန်ပြန် တောင်းဆို ခွင့် သို့မဟုတ် ခုနှိမ်ခွင့်ကြောင့် သို့မဟုတ် အငြင်းပွားမှုကြောင့် လူကြီးမင်း၏ Yoma Bank သို့ ချေးငွေ ပြန်လည် ပေးဆပ်ရန် တာဝန် အ‌ပေါ် တနည်း နည်းဖြင့် ထိခိုက်ခြင်း မရှိစေရ။
Credit Account ရှိ လုပ်ငန်း ဆောင်ရွက်ချက် တစ်ခုခု နှင့် စပ်လျဉ်း၍ ဖြေရှင်းလိုပါက သို့မဟုတ် ကန့်ကွက်လိုပါက ကျွန်ုပ်တို့ ၏ Credit Card အငြင်းပွားမှု ဖြေရှင်းရေး အဖွဲ့၏ ဖုန်းနံပါတ် Ph – 09 796 629 662 သို့မဟုတ် အောက်ပါ အီးမေးလ်သို့ ဆက်သွယ်နိုင်ပါသည်။
Email – [email protected]
ရှင်းလင်းလိုသည့်အချက်မှာ ကုန်စည်များ သို့မဟုတ် ဝန်ဆောင်မှုများနှင့် စပ်လျဉ်းသော အငြင်းပွားမှု၊ တိုင်ကြားမှု သို့မဟုတ် တောင်းဆိုမှုသည် ဤအပိုဒ် ၁၀ ပါ အငြင်းပွားဖွယ် လုပ်ငန်း ဆောင်ရွက်ချက်များနှင့် သက်ဆိုင်မှု မရှိဘဲ လူကြီးမင်းသည် အဆိုပါ အငြင်းပွားမှု၊ တိုင်ကြားမှု သို့မဟုတ် တောင်းဆိုမှုတို့ကို သက်ဆိုင်ရာ ရောင်းချသူနှင့် တိုက်ရိုက် ဆက်သွယ် ဖြေရှင်း ရမည်။ အဆိုပါ အငြင်းပွားမှု၊ တိုင်ကြားမှု သို့မဟုတ် တောင်းဆိုမှုကြောင့် ဖြစ်ပွားသော ဆုံးရှုံးမှု သို့မဟုတ် နစ်နာမှုအတွက် Yoma Bank တွင် တာဝန် မရှိပါ။

(၁၁) ငွေပြန်အမ်းခြင်း

အပိုဒ် ၁၀ ပါ အငြင်းပွားဖွယ်လုပ်ငန်းဆောင်ရွက်ချက်ကို စုံစမ်းစစ်ဆေးပြီးနောက် မှန်ကန်ကြောင်း တွေ့ရှိလျှင် လူကြီးမင်း သည် ပြန်အမ်းငွေ ရပိုင်ခွင့်ရှိပြီး သက်ဆိုင်ရာ လုပ်ငန်းဆောင်ရွက်ချက်အတွက် ငွေပမာဏကို Credit Account သို့ ပြန်လည် ထည့်သွင်းပေးပါမည်။ Credit Account တွင် ကြွေးကျန် ပမာဏ ရှိပါက အဆိုပါ ပြန်အမ်းငွေကို ကြွေးကျန် ပမာဏ အားလုံးနှင့် ဖြစ်စေ၊ တစ်စိတ်တစ်ပိုင်းနှင့် ဖြစ်စေ ခုနှိမ်ရယူရန် Yoma Bank ၏ ဆုံးဖြတ်ချက်ဖြင့် ဆောင်ရွက်ခွင့်ရှိပါသည်။
အမှားအယွင်းကြောင့် ငွေပြန်အမ်းပါက ငွေပြန်အမ်းမှုကို လုပ်ဆောင်သည့် ဘဏ်က အသုံးပြုသော ငွေလဲလှယ်နှုန်းဖြင့် သက် ဆိုင်ရာ လုပ်ငန်း ဆောင်ရွက်မှုအတွက် ကြာမြင့်ချိန် အတိုင်း အဆိုပါ ပြန်အမ်းငွေကို လူကြီးမင်း၏ Credit Account အတွင်းသို့ ပြန်လည်ထည့်သွင်းပေးပါသည်။
ကတ်ကိုင်ဆောင်သူသည် ကုန်ပစ္စည်း သို့မဟုတ် ဝန်ဆောင်မှု သက်ဆိုင်သော အငြင်းပွားမှု၊ တိုင်ကြားမှု သို့မဟုတ် ‌တောင်းဆိုမှု များကြောင်း ပြန်အမ်းငွေများ ရရှိလိုပါက သက်ဆိုင်ရာ ရောင်းချသူနှင့် တိုက်ရိုက် ဆက်သွယ် ဆောင်ရွက်ရမည်။

(၁၂) Credit Account နှင့်/သို့မဟုတ် ကတ်ကို ရပ်စဲခြင်း

ဤ စည်းကမ်းချက်များတွင် ဖော်ပြထားသော ကတ်အသုံးပြုမှု နှင့် ငွေပေးချေမှု ဝန်ဆောင်မှုများကို ရပ်စဲလိုပါက မည်သည့် အချိန်၌ မဆို Yoma Bank သို့ အကြောင်းကြားစာ ပေးပို့၍ ထုတ်ဝေ ထားသော ကတ်များ အားလုံးကိုအပ်နှံလျက် ရပ်စဲနိုင် ပါသည်။ Credit Account ရှိ (မပေးဆပ်ရသေးသော) ကြွေးကျန် ပမာဏများအားလုံးကို လူကြီးမင်းက ပေးဆပ်ပြီးသည့် နောက်ပိုင်းတွင်သာ ဝန်ဆောင်မှုများ ရပ်စဲခြင်းသည် အကျိုး သက်ရောက်ပါမည်။ Yoma Bank က အခြားနည်း သတ်မှတ်ထားသည်မှလွဲ၍ Yoma Bank သည် ဝန်ဆောင်မှုများကို ရပ်စဲ လိုကြောင်း Customer ထံမှ အကြောင်းကြားစာကို မရရှိသရွေ့ Credit Card သည် ဤစည်းကမ်းချက်များနှင့် သက်ဆိုင်ပြီး ကတ်အသုံးပြု၍ ဆောင်ရွက်သော လုပ်ငန်း ဆောင်ရွက်ချက်များ အားလုံးအတွက် လူကြီးမင်းတွင် တာဝန်ရှိပါသည်။

Yoma Bank သည် စီးပွားရေး၊ ငွေရေးကြေးရေး သို့မဟုတ် ဥပဒေရေးရာ ခိုင်လုံသော အကြောင်းပြချက်ကြောင့် သင့်လျော် သည်ဟု ထင်မြင်ပါက ကြိုတင် အကြောင်းကြားစာ မပေးဘဲ Credit Account နှင့်/သို့မဟုတ် ကတ် ကို ချက်ချင်း ရပ်စဲခွင့် ရှိပါသည်။ ထိုသို့ ရပ်စဲ ခြင်းကြောင့် Credit Account တွင် ဖော်ပြနေ သော ကြွေးကျန် ပမာဏ တစ်ရပ်လုံးကို လူကြီးမင်းထံမှ တောင်းဆိုပိုင်ခွင့် အပါအဝင် ဤစည်းကမ်းချက်များအရ ဖြစ်စေ၊ ဥပဒေအရ ဖြစ်စေ Yoma Bank က ရရှိထားသော လုပ်ပိုင်ခွင့်များ အပေါ် ထိခိုက်ခြင်း မရှိစေရ။
Yoma Bank သည် လူကြီးမင်း၏ ခွင့်ပြုချက် မလိုအပ်ဘဲ (လူကြီးမင်းမှ Yoma Bank သို့ပေးရန် ကျန်ရှိနေသော ပမာဏများအပါအ၀င်) ဤစည်းကမ်းချက်များတွင် ပါ၀င်သော Yoma Bank ၏ လုပ်ပိုင်ခွင့်များ ကို လွတ်လပ်စွာ တနည်းနည်းဖြင့် လွှဲအပ်ခြင်းပြုနိုင်ပြီး လူကြီးမင်းသည် အဆိုပါလွှဲအပ်ခြင်းများအတွက် လိုအပ်သည့် စာရွက်စာတမ်းများအားလုံးကို လက်မှတ်ရေးထိုးပေးရမည် ဖြစ်သည်။

ထို့အပြင် Yoma Bank သည် လူကြီးမင်း၏ ချေးငွေပျက်ကွက်မှု၊ ချေးငွေမပေးချေမှု သို့မဟုတ် အခြား စည်းကမ်းချက်များ ဖောက်ဖျက်မှုတို့ကို credit bureaus၊ စည်းကမ်းထိန်းသိမ်းရေးအာဏာပိုင်အဖွဲ့အစည်းများ နှင့်/သို့မဟုတ် အများပြည်သူသုံးသတင်းစာ သို့မဟုတ် အများပြည်သူသုံးဆက်သွယ်ရေးနည်းလမ်းများ နှင့်/သို့မဟုတ် သက်ဆိုင်ရာဥပဒေကခွင့်ပြုထားသည့်တစ်နည်းနည်းဖြင့် ထုတ်ဖော်ပြောကြားခြင်း၊ အစီရင်ခံခြင်း၊ ထုတ်ပြန်ကြေညာခြင်း တို့ကို ပြုလုပ်နိုင်သည်။

လူကြီးမင်းသည် (၁) ဤစည်းကမ်းချက်များကို လိုက်နာရန် ပျက်ကွက်လျှင်၊ (၂) ချေးငွေကန့်သတ်ချက်ကို ကျော်လွန်လျှင်၊ (၃) Credit Account သို့မဟုတ် ကတ် လျှောက်ထားရာတွင် အရေးကြီးသော အချက်အလက် သို့မဟုတ် အာမခံချက်ကို မှားယွင်း စွာ ဖော်ပြခဲ့လျှင် သို့မဟုတ် မပြည့်မစုံ လိမ်လည်၍ ဖော်ပြခဲ့လျှင်၊ (၄) လစဉ် ငွေစာရင်းရှင်းတမ်း တွင် ဖော်ပြထားသော ပမာဏ ကို အချိန်စေ့ရောက်သည့်အခါ ပေးချေရန် ပျက်ကွက်လျှင်၊ (၅) Yoma Bank နှင့် ပြုလုပ်ထားသော သဘောတူညီမှု သို့မဟုတ် စီစဉ်မှု တစ်ရပ်ရပ်ကို ပျက်ကွက်/ဖောက်ဖျက်ခဲ့လျှင်၊ (၆) သေဆုံးလျှင်၊ လုပ်ငန်း ရပ်ဆိုင်းလျှင် သို့မဟုတ် ဆိုင်းငံ့ထားလျှင် သို့မဟုတ် ဒေဝါလီခံရန် သို့မဟုတ် လူမွဲခံယူရန် တရားရုံးသို့ လျှောက်ထားလျှင် သို့မဟုတ် ဒေဝါလီခံကြောင်း သို့မဟုတ် လူမွဲ ခံယူကြောင်း တနည်းနည်း ကြေညာခံရလျှင် သို့မဟုတ် ချေးငွေများကို အချိန်စေ့ရောက်သည့် အခါ မပေးဆပ်နိုင်လျှင် သို့မဟုတ် (၇) လူကြီးမင်း၏ Credit Account တွင် ပေးရန် ရှိနေသော ကြွေးကျန် ပမာဏကို ပြန်လည် ပေးဆပ်နိုင်စွမ်း အပေါ် ထိခိုက်နိုင် သည့် ဆိုးကျိုး သက်ရောက်မှု ပေါ်ပေါက် နိုင်သည်ဟု Yoma Bank က တနည်းနည်းဖြင့် ဆုံးဖြတ်လျှင် သို့မဟုတ် ကျိုးကြောင်း သင့်လျော်စွာ သံသယ ရှိလျှင် Yoma Bank သည် အောက်ပါ တို့ကို ‌ဆောင်ရွက်နိုင်ပါသည်။
(က) အကြောင်းကြားစာပေးခြင်း သို့မဟုတ် တောင်းဆိုခြင်းမရှိဘဲ Credit Account အသုံးပြုခြင်းကို လက်မခံဘဲ ငြင်းပယ် နိုင်ပါသည် သို့မဟုတ် ဆိုင်းငံထားနိုင်ပါသည် သို့မဟုတ် ဖျက်သိမ်းနိုင်ပါသည် နှင့်/သို့မဟုတ် ကတ်အသုံးပြုမှု ကို ဆိုင်းငံ့ထား နိုင်ပါသည် သို့မဟုတ် ဖျက်သိမ်းနိုင်ပါသည် နှင့်/သို့မဟုတ် (ခ) Credit Account တွင် ဖော်ပြနေသော မပေးဆပ်ရသေးသော ကြွေးကျန် ပမာဏများ အားလုံးကို ချက်ချင်း ပြန်လည်ပေးဆပ်ရန် ဘဏ်က တောင်းဆိုခွင့်ရှိပါသည်။ အဆိုပါ ကြွေးကျန် ပမာဏ များကို ဘဏ်က တောင်းဆိုရာတွင် Yoma Bank က ကုန်ကျသော (အေးဂျင့် စရိတ်၊ တရားရုံး သို့မဟုတ် ရှေ့နေ စရိတ် အပါအဝင်) ကုန်ကျစရိတ်များ အားလုံးကို Yoma Bank က တောင်းဆိုသည့် အခါ လူကြီးမင်းက ပေးလျော်ရမည်။ ထို့အပြင် Yoma Bank သည် (အောက်ဖော်ပြပါ စည်းကမ်းချက်နှင့် Yoma Bank နှင့် ပြုလုပ်ထားသော သဘောတူညီမှု သို့မဟုတ် စီစဉ်မှု တစ်ရပ်ရပ် အရ လူကြီးမင်းက အပ်နှံထားသော ငွေသား အာမခံ အပါအဝင်) Yoma Bank တွင် ဖွင့်လှစ်ထားသော လူကြီးမင်း၏ ဘဏ်ငွေ စာရင်းများမှ မည်သည့် ငွေလက်ကျန်ကိုမဆို ကြွေးကျန်နှင့် ခုနှိမ်ရယူရန် လူကြီးမင်းထံ အကြောင်းကြားရန် မလိုဘဲ ချက်ချင်း ဆောင်ရွက်ခွင့်ရှိပါသည်။ Yoma Bank သို့ ပေးရန် ရှိသော ချေးငွေများ အတွက် သဘော တူညီမှု သို့မဟုတ် စီစဉ်မှု တစ်ရပ်ရပ်ဖြင့် လူကြီးမင်းက ဤမှနောင်တွင် အပ်နှံမည့် အာမခံ ပစ္စည်းများသည် ကြွေးကျန် များ အတွက် အာမခံ ပစ္စည်းများ ဖြစ်ကြောင်း၊ Yoma Bank က ချက်ချင်း ပြန်လည် ပေးဆပ်ရန် တောင်းဆိုသည့် အချိန်၌ ကြွေးကျန်များကို အပြည့်အဝ ပေးဆပ်ရန် ပျက်ကွက်ပါက Yoma Bank က အဆိုပါ အာမခံ ပစ္စည်းများကို သိမ်းယူနိုင် ကြောင်းကို လူကြီးမင်းက သိရှိ သဘောတူညီပါသည်။ Yoma Bank သည် ကိုယ်ပိုင်ဆုံးဖြတ်ချက်ဖြင့် Yoma Bank မှရရှိထားသော အခွင့်အရေးများကို မည်သည့် အာမခံကတိ သို့မဟုတ် အာမခံပစ္စည်းအပေါ် မည်သည့်ကြွေးမြီအတွက် ကျင့်သုံးရမည်ကို ရွေးချယ်ပိုင်ခွင့်ရှိပါသည်။ ရှင်းလင်းလိုသည့်အချက်မှာ ဤစည်းကမ်းချက်များ နှင့်/သို့မဟုတ် Credit Account နှင့် စပ်လျဉ်းသော အခကြေးငွေများ သို့မဟုတ် ကောက်ခံမှုများကို ကြွေးကျန် ပမာဏများ အားလုံးကို အပြည့် အဝ ပေးဆပ်ပြီးသည့် အချိန်အထိ ဆက်လက်ကောက်ခံနေပါမည်။
ကတ်ကိုရပ်စဲသည့်အခါ –

• (က) လူကြီးမင်းသည် ကတ်ကို အသုံးပြုခွင့်မရှိပါ။
• (ခ) (နှစ်စဉ်ကြေးအပါအဝင်)မည်သည့် အခကြေးငွေကိုမျှ ပြန်အမ်းမည် မဟုတ်ပါ။
• (ဂ) ကတ်နှင့် စပ်လျဉ်း၍ ရရှိထားသော အကျိုးခံစားခွင့်များနှင့် အထူးအခွင့်အရေးများအားလုံး ရပ်စဲပါမည်။
• (ဃ) ကတ်ကို ရပ်စဲသည့်အခါ Yoma Bank သို့ ချက်ချင်း အပ်နှံရမည်။
• (င) လူကြီးမင်းသည် မပြီးပြတ်သေးသော လုပ်ငန်းဆောင်ရွက်ချက်များ အပါအဝင် ကတ်နှင့် စပ်လျဉ်း၍ ပေးရန် ရှိသော ငွေများအားလုံး နှင့် ဤစည်းကမ်းချက်များနှင့်အညီ Yoma Bank က ကောက်ခံသော အခြား အခကြေးငွေများကို Yoma Bank သို့ ချက်ချင်း ပေးချေရမည်။ ပေးရန်ရှိ ငွေများကို အပြည့်အဝ မပေးဆပ်ရသေးသည့် အချိန်အထိ Yoma Bank သည် အခကြေးငွေများကို ကောက်ခံပါမည်။
• (စ) ကတ်ရပ်စဲပြီးနောက်ဖြစ်စေ၊ မတိုင်မီဖြစ်စေ ကတ်မှတဆင့် လူကြီးမင်းက ရပိုင်ခွင့်ရှိသော ငွေပမာဏ (ရှိပါက) ပြန်အမ်း ပေးရန်အတွက် ညွှန်ကြားချက် ထုတ်ပေးရန် Yoma Bank သို့ ချက်ချင်း အကြောင်းကြားရမည်။
• (ဆ) ကတ်မှ တိုက်ရိုက် နှုတ်ယူမည့် ငွေပမာဏများ အားလုံးကို တားမြစ်ရန် ပုံသေ ငွေပေးချေမှုများ အားလုံးကို ရပ်စဲ ထားရန် လူကြီးမင်းတွင် တာဝန်ရှိပါသည်။

(၁၃) ပုဂ္ဂိုလ်ရေးရာ အချက်အလက်များ/ အချက်အလက်လုံခြုံရေး

Yoma Bank သည် မြန်မာနိုင်ငံ ငွေရေးကြေးရေး အဖွဲ့အစည်းများ ဥပဒေ (၂၀၁၆) နှင့် မြန်မာနိုင်ငံရှိ အခြား သက်ဆိုင်ရာ ဥပဒေများ ကို လိုက်နာ၍ ပုဂ္ဂိုလ် ရေးရာ အချက် အလက်များ အားလုံးကို စုစည်း အသုံးပြုပါသည်။ လူကြီးမင်း Credit Card လျှောက်ထားရာတွင် Yoma Bank သို့ပေးအပ်ရသော စာရွက်စာတမ်းများ စစ်မှန်မှုရှိ/မရှိကို Yoma Bank သည် အဆိုပါ စာရွက်စာတမ်းများ ထုတ်ပေးသူနှင့် အတည်ပြုပိုင်နိုင်သည်ကို လူကြီးမင်းမှ သိရှိနားလည် သဘောတူပါသည်။ Yoma Bank သည် ဤစည်းကမ်းချက်များ သို့မဟုတ် Yoma Bank ၏ Data Privacy Policy သို့မဟုတ် အခြား သက်ဆိုင်ရာ ဥပဒေများနှင့်အညီ တနည်းနည်းဖြင့် လုပ်ပိုင် ခွင့်ရှိခြင်း သို့မဟုတ် လုပ်ပိုင်ခွင့်ရှိသော အစိုးရဌာန/ အဖွဲ့အစည်း၊ စည်းမျဉ်းချမှတ် ကြီးကြပ်သူ သို့မဟုတ် တရားရုံး၏ အမိန့် ဖြင့် ဆောင်ရွက်ခြင်းမှလွဲ၍ Yoma Bank သည် လူကြီးမင်းထံမှ ကြိုတင်ခွင့်ပြုချက်စာ မရှိဘဲ လူကြီးမင်း၏ ပုဂ္ဂိုလ်ရေးရာ အချက်အလက်များ သို့မဟုတ် (လူကြီးမင်း၏ မှတ်တမ်းများနှင့် လုပ်ငန်း ဆောင်ရွက်ချက်များ အပါအဝင်) လုပ်ငန်း ကိစ္စများ သို့မဟုတ် Credit Account နှင့် စပ်လျဉ်းသော အချက်အလက်များကို ပြင်ပ ပုဂ္ဂိုလ်/ အဖွဲ့အစည်းသို့ ထုတ်ဖော် ပြောကြားခြင်း မပြုပါ။

အထက်တွင် ဆိုခဲ့သည်နှင့်အညီ လူကြီးမင်းသည် ဤစည်းကမ်းချက်များကို လက်မှတ်ရေးထိုး သဘောတူလက်ခံသည် နှင့်တစ်ပြိုင်နက် (ကတ်ကိုင်ဆောင်သူ တစ်ဦး၏ အချက် အလက်များ အပါအဝင်) လူကြီးမင်း၏ အချက်အလက်များကို Yoma Bank နှင့်/သို့မဟုတ် ၎င်း၏ အရာရှိများက အောက်ပါ အဖွဲ့ အစည်း များ သို့ ထုတ်ဖော် ပြောကြားခြင်း၊ မျှဝေခြင်း၊ ပေးအပ်ခြင်း နှင့် အသုံးပြုခြင်းတို့ကို အတိအလင်းခွင့်ပြုခြင်း ဖြစ်သည်။

• (က) Myanmar Payment Union (“MPU”) သည် ၎င်း၏ စည်းကမ်းချက်နှင့်အညီ ကတ်များနှင့် စပ်လျဉ်း၍ Yoma Bank အတွက် ဆောင်ရွက်ပေးရမည့် ဝန်ဆောင်မှုများ၊ ဆက်စပ်လုပ်ငန်းများနှင့် ပတ်သက်၍ အဆိုပါ အချက်အလက်များကို အသုံးပြုနိုင်ရန်သော်လည်းကောင်း၊ မိတ္တူပွားခြင်းသော်လည်းကောင်း သို့မဟုတ် အဆိုပါ အချက်အလက်များမှ ဆင့်ပွား အချက် အလက်များ ဖန်တီးခြင်းတို့ကိုသော်လည်းကောင်း ဆောင်ရွက်နိုင်ရန်  MPU သို့ပေးအပ်ခြင်း။ အဆိုပါ အချက်အလက်များကို MPU သို့ ပေးအပ်ရာ တွင် နိုင်ငံရပ်ခြားသို့ လွှဲပြောင်းခြင်းလည်း ပါဝင်ကြောင်းကို လူကြီးမင်းက သိရှိ သဘောတူညီပါသည်။
• (ခ)   မြန်မာနိုင်ငံတော်ဗဟိုဘဏ် သို့မဟုတ် မြန်မာနိုင်ငံတော် ဗဟိုဘဏ်က သက်ဆိုင်ရာ ကိစ္စအတွက် လုပ်ပိုင်ခွင့် ပေး ထားသော (Myanmar Credit Bureau Ltd အပါအဝင်) အေဂျင်စီ သို့မဟုတ် ချေးငွေ အချက်အလက်ဌာနသို့ ပေးအပ်ခြင်း။ မြန်မာနိုင်ငံတော် ဗဟိုဘဏ်၏ တောင်းဆိုချက်များ သို့မဟုတ် လိုအပ်ချက်များကို လိုက်နာရန် လိုအပ် သည့်အခါ သို့မဟုတ် Yoma Bank က သင့်လျော်ညီညွတ်သည်ဟု တနည်းနည်းဖြင့် ထင်မြင်သည့်အခါ အဆိုပါ အချက်အလက်များ ကို ထုတ်ဖော်ပြောကြားနိုင်ပါသည်။
• (ဂ)   လူကြီးမင်း၏ အကျိုးစီးပွား အတွက် Yoma Bank သို့မဟုတ် Yoma Bank ၏ ကုမ္ပဏီများ အုပ်စု၊ Yoma Bank ၏ ပေါင်းစပ် အဖွဲ့ အစည်းများက ပေးအပ်သော ငွေရေးကြေးရေး လုပ်ငန်းများနှင့် ဝန်ဆောင်မှုများကို အရောင်းမြှင့်တင်ရန်၊ မားကတ် တင်းပြုလုပ်ရန်၊ အရည်အသွေးမြှင့်တင်ရန် သို့မဟုတ် ပိုမိုကောင်းမွန်အောင် ဆောင်ရွက်ရန် ရည်ရွယ်ချက်များ အတွက် အဆိုပါ အချက်အလက်များကို ပေးအပ်နိုင်ပါသည်။

(၁၄) တိုင်ကြားခြင်း

ဤစည်းကမ်းချက်များနှင့်အညီ Yoma Bank က ဆောင်ရွက်ပေးသော လုပ်ငန်းများ သို့မဟုတ် ဝန်ဆောင်မှုများနှင့် စပ်လျဉ်း၍ တိုင်ကြားလိုသည်များ ရှိပါက သက်ဆိုင်ရာ Yoma Bank ဘဏ်ခွဲ သို့မဟုတ် နီးစပ်ရာ ဘဏ်ခွဲ၌ တိုင်ကြားနိုင်ပါသည်။ Yoma Bank ၏ Customer Care Center [ဖုန်း – ၉၆၆၂ (သို့) +၉၅ ၉၇ ၉၆၆၂ ၉၆၆၂ ] သို့ ခေါ်ဆို၍လည်း တိုင်ကြားနိုင်ပါသည်။

(၁၅) တာ၀န်ရှိမှုမှ ကင်းလွတ်ခြင်း

Yoma Bank သည်အောက်ပါတို့ကို တာဝန်မယူပါ။

• (က) ရောင်းချသူ၊ ငွေရေးကြေးရေး အဖွဲ့အစည်း သို့မဟုတ် အဖွဲ့အစည်း တစ်ရပ်သည် ကတ်ကို လက်မခံဘဲ ငြင်းပယ်ခြင်း၊
• (ခ)   ကတ်ဖြင့် ပေးချေ၍ ဝယ်ယူသော ကုန်ပစ္စည်းများ သို့မဟုတ် ဝန်ဆောင်မှုများကို ပို့ဆောင်ရန် ပျက်ကွက်ခြင်း သို့မဟုတ် နှောင့်နှေးခြင်း သို့မဟုတ် ချွတ်ယွင်းချက် ပါရှိခြင်း သို့မဟုတ် ဖော်ပြသည့် အရည်အသွေး မပြည့်မီခြင်း သို့မဟုတ် မှန်ကန်မှုမရှိခြင်း သို့မဟုတ် အရည်အသွေးပိုင်းနှင့် စပ်လျဉ်း၍ အခြား ပြဿနာရပ်များ ဖြစ်ပွားခြင်း၊
• (ဂ)   မမျှော်မှန်းနိုင်သော ဖြစ်ရပ်၊ စက် ချို့ယွင်းခြင်း သို့မဟုတ် Yoma Bank ၏ ထိန်းချုပ်မှု အောက်တွင် မရှိသော အခြား အကြောင်းရင်းကြောင့် သို့မဟုတ် လူကြီးမင်း၏ မှတ်တမ်းများ သို့မဟုတ် Credit Account ကို ချိတ်ဆက်မရခြင်း သို့မဟုတ် အခြား အကြောင်းရင်း ကြောင့် Yoma Bank သည် ၎င်း၏ လုပ်ငန်းများ (သို့မဟုတ် တစ်စိတ် တစ်ဒေ)၊ Credit Account သို့မဟုတ် ကတ် အသုံးပြုခြင်းကို ကန့်သတ်ခြင်း၊ ဖျက်သိမ်းခြင်း သို့မဟုတ် ဆိုင်းငံ့ခံရခြင်းကြောင့် လူကြီးမင်းက ကြုံတွေ့နိုင်သော ဆုံးရှုံးမှု၊ ကုန်ကျစရိတ် သို့မဟုတ် အသုံးစရိတ်များကို Yoma Bank က တာဝန်မယူပါ။
• (ဃ) အောက်ပါတို့နှင့် စပ်လျဉ်းသော ဆုံးရှုံးမှု၊ ကုန်ကျစရိတ် သို့မဟုတ် အသုံးစရိတ် အပါအဝင် သက်ဆိုင်ရာ ဆုံးရှုံးမှု၊ ကုန်ကျစရိတ် သို့မဟုတ် အသုံးစရိတ် အလားအလာကို Yoma Bank သို့ အသိပေးထားစေကာမူ Credit Account သို့မဟုတ် ကတ်အသုံးပြုခြင်းနှင့် စပ်လျဉ်း၍ (ကြိုတင်ခန့်မှန်းနိုင်သည် ဖြစ်စေ၊ မခန့်မှန်းနိုင်သည် ဖြစ်စေ) လူကြီး မင်းက ကုန်ကျသော အသုံးစရိတ်၊ ကုန်ကျစရိတ် သို့မဟုတ် ဆုံးရှုံးမှုကို Yoma Bank က တာဝန်မယူပါ။
  • ရောင်းချသူ သို့မဟုတ် ငွေရေးကြေးရေး အဖွဲ့အစည်းသည် ဆန္ဒပြခြင်း၊ ပျက်ကွက်ခြင်း၊ လျစ်လျူရှုခြင်း သို့မဟုတ် လူမွဲခံယူခြင်း၊
  • ကတ်၊ PIN သို့မဟုတ် အခြား စက်ပစ္စည်းကို အသုံးပြု၍ လူကြီးမင်း၏ သို့မဟုတ် ကတ်ကိုင်ဆောင်သူ၏ လက်မှတ် ကို အတု အပ ပြုလုပ်ခြင်း သို့မဟုတ် အခွင့်မရှိဘဲ အသုံးပြုခြင်း၊
  • ဤ Credit Card ဝန်ဆောင်မှုကို ရပ်စဲရန် Yoma Bank က ဆန္ဒအလျောက် ဆုံးဖြတ်ခြင်းအပါ အဝင် Credit Account နှင့် /သို့မဟုတ် ကတ်ကို မည်သည့် အကြောင်းရင်းကြောင့် မဆို ရပ်စဲခြင်း၊
  • International Data Roaming အခကြေးငွေများ အပါအဝင် မိုဘိုင်းဒေတာ အသုံးပြုခြင်းနှင့် စပ်လျဉ်း သော ကုန်ကျစရိတ်များ သို့မဟုတ် မိုဘိုင်းကွန်ရက် အရည်အသွေး မကောင်းခြင်း သို့မဟုတ် ပြတ်တောက် ခြင်း။
• (င)   (ကြိုတင် ခန့်မှန်းနိုင်သည်ဖြစ်စေ၊မခန့်မှန်း နိုင်သည်ဖြစ်စေ) လူကြီးမင်း၏ ကြွေးမြီ အဆင့်သတ်မှတ်ချက် သို့မဟုတ် နာမည်ဂုဏ်သတင်း ကျဆင်းသောကြောင့် ကတ်ကို ပြန်လည် သိမ်းဆည်းခြင်း သို့မဟုတ် ပြန်လည်အပ်နှံရန် တောင်းဆိုခြင်း သို့မဟုတ် ကတ် သို့မဟုတ် Credit Account ကို ရပ်စဲခြင်း၊ နှင့်
• (စ)   Yoma Bank ၏ Network သို့မဟုတ် System များ ယာယီ ပြတ်တောက်နေသည့်အချိန်တွင် ကတ်ကို အသုံးပြုရန် ကြိုးပမ်း ခြင်းကြောင့် ရောင်းချသူ သို့မဟုတ် အခြား ငွေရေးကြေးရေးအဖွဲ့အစည်း တစ်ရပ်ရပ်သည် ကတ်ကို လက် မခံဘဲ ငြင်းပယ်ခြင်း။

(၁၆) စည်းကမ်းချက်များ၊ အခကြေးငွေများ/အတိုး စသည်တို့ ပြောင်းလဲခြင်း

Yoma Bank သည် ၎င်း၏ လုပ်ထုံးလုပ်နည်းများနှင့်အညီ လူကြီးမင်းထံ အကြောင်းကြား၍ ဤစည်းကမ်းချက်များ (အခကြေး ငွေများ၊ အတိုးများ သို့မဟုတ် ဤစည်းကမ်းချက်များ နှင့်/သို့မဟုတ် Credit Account နှင့်စပ်လျဉ်း၍ လူကြီးမင်းက ပေးရန်ရှိ သော ငွေပမာဏများ) ကို အခါအားလျော်စွာ ပြင်ဆင်သတ်မှတ်နိုင်ပါသည်။ ပြင်ဆင်ချက်များသည် အကြောင်းကြားစာတွင် ပါရှိသော ရက်စွဲမှစ၍ အကျိုးသက်ရောက်ပါမည်။ အကြောင်းကြား၍ ပြင်ဆင်ထားသော ဤ စည်းကမ်းချက်များ သို့မဟုတ် အခကြေးငွေများ၊ အတိုးများ၊ အခြားငွေပမာဏများကို လက်မခံပါက Yoma Bank ၏ အကြောင်းကြားစာကို လက်ခံရရှိသည့် ရက်စွဲမှ စ၍ ပြက္ခဒိန်ရက် ခုနစ် (၇) ရက်အတွင်း ကတ်အသုံးပြုမှုကို ရပ်တန့်ရမည် ဖြစ်ပြီး Yoma Bank သို့ အကြောင်းကြားရမည် ဖြစ်သည်။ Yoma Bank သည် လူကြီးမင်းထံမှ အကြောင်းကြားစာကို လက်ခံရရှိပြီးနောက် ဤစည်းကမ်းချက်များနှင့်အညီ Credit Account နှင့် ကတ်များအားလုံးကို ဖျက်သိမ်းပါမည်။ အကြောင်းကြား ပြင်ဆင်ထားသော စည်းကမ်းချက်များ အကျိုး သက်ရောက်ပြီးနောက်ပိုင်းတွင် ကတ်ကို ဆက်လက်အသုံးပြုပါက အဆိုပါ ပြင်ဆင်ထားသော အချက်များကို လူကြီးမင်းက လက်ခံသည်ဟု ယူဆပါမည်။

(၁၇) အထွေထွေ

ဤစည်းကမ်းချက်များကို မြန်မာနိုင်ငံ၏ ဥပဒေများက လွှမ်းမိုးပြီး ယင်းဥပဒေများနှင့်အညီ အဓိပ္ပါယ်ဖွင့်ဆိုရမည်။ လူကြီးမင်းသည် Credit Account နှင့် ကတ် ကိုအသုံးပြုနိုင်ရန် အတွက် သော်လည်းကောင်း၊ မိမိ၏ Credit Account ပေါ်တွင် အခါအားလျှော်စွာ တင်ရှိမည့် ကြွေးကျန်များကို ပေးဆပ်ရန် တာ၀န်တစ်ရပ်ရှိစေရန် အတွက် သော်လည်းကောင်း Yoma Bank က လက်ခံသော ပုံစံဖြင့် Promissory Note ကို လက်မှတ်ရေးထိုးချုပ်ဆိုပေးရမည် ဖြစ်ပြီး Promissory Note သည် ချေးငွေကန့်သတ်ချက် နှင့် Credit Account ပေါ်တွင် တင်ရှိမည့် အတိုး နှင့် အခြားကြွေးကျန်ပမာဏများကို တောင်းခံပိုင်ခွင့်ရှိရမည်။
ကတ်များနှင့် Credit Account တို့နှင့် စပ်လျဉ်း၍ လူကြီးမင်းသည် MPU ၏ သက်ဆိုင်ရာ စည်းမျဉ်းစည်းကမ်းများနှင့် သက်ဆိုင် ရာ ဥပဒေများ အားလုံးကို လိုက်နာရမည်။ ဒစ်ဂျစ်တယ် ဘဏ်လုပ်ငန်း ဝန်ဆောင်မှုများကို ချိတ်ဆက် အသုံးပြုရာတွင် နှင့် ကတ်များကို အသုံးပြုရာတွင် လူကြီးမင်းသည် Yoma Bank ၏ သက်ဆိုင်ရာစည်းကမ်းချက်များကို လိုက်နာဆောင်ရွက် ရမည်ဖြစ်သည်။ အဆိုပါ စံစည်းကမ်းချက်များနှင့် ဤစည်းကမ်းချက်တို့ အကြား ကွဲလွဲမှု ရှိပါက ဤစည်းကမ်းချက်များကိုသာ အတည်မှတ်ယူရမည်။
Yoma Bank ၏ ကြိုတင် ခွင့်ပြုချက်စာ မရှိဘဲ ဤ စည်းကမ်းချက်များတွင် ဖော်ပြထားသော လူကြီးမင်း၏ လုပ်ပိုင်ခွင့်များ သို့မဟုတ် တာဝန်များ သို့မဟုတ် Credit Account ကို ပုဂ္ဂိုလ်တစ်ဦးဦးထံ လွှဲပြောင်းရောင်းချခြင်း သို့မဟုတ် တနည်းနည်းဖြင့် လွှဲအပ်ခြင်း မပြုရ။ Yoma Bank သည် လူကြီးမင်း၏ ခွင့်ပြုချက် မလိုအပ်ဘဲ Yoma Bank ၏ လုပ်ပိုင်ခွင့်များ သို့မဟုတ် တာဝန်များ ကို ဥပဒေ သို့မဟုတ် အစိုးရ၏ စည်းမျဥ်းစည်းကမ်းချက်များမှ ခွင့်ပြုသည့်အတိုင်းအတာအထိ လွတ်လပ်စွာ တနည်းနည်းဖြင့် လွှဲအပ်ခြင်းပြုနိုင်ပြီး လူကြီးမင်းသည် အဆိုပါလွှဲအပ်ခြင်းများအတွက် လိုအပ်သည့် စာရွက်စာတမ်းများအားလုံးကို လက်မှတ်ရေးထိုးပေးရမည် ဖြစ်သည်။ ဤစည်းကမ်းချက်များသည် လူကြီး မင်းနှင့် တကွ လူကြီးမင်း၏ အမွေစား၊ အမွေခံများ၊ ဆက်ခံသူများ၊ ကိုယ်စားလှယ်များ နှင့် လွှဲပြောင်းပေးအပ် ခြင်းခံရသူများအပေါ် အကျိုး သက်ရောက်မှု ရှိပါသည်။