ရိုးမဘဏ်အနေဖြင့် ယခုလို ခက်ခဲသောကာလတွင် Customer များ၏ အခြေအနေကို နားလည်သောအားဖြင့် လစဉ်ချေးငွေအရစ်ကျ ပြန်လည်ပေးဆပ်မှု (အရင်း၊ အတိုး နှင့် နောက်ကျကြေး) တို့ကို ကနဦး အစီအစဉ်အနေဖြင့် မတ် ၂၀၂၁ မှ ဧပြီလ ၂၀၂၁ အထိ ဆိုင်းငံ့ပေးခဲ့ပါသည်။ ယခု မေလတွင် customer များ၏ အခက်အခဲများကို နားလည်သောအားဖြင့် ပုံမှန် အတိုင်း ချေးငွေအရစ်ကျပြန်လည်ပေးဆပ်ရမည့်အစား အရင်း နှင့် နောက်ကျကြေးများကို ကောက်ခံခြင်းအား ထပ်မံ ရပ်ဆိုင်းခဲ့ပြီး ယင်း “မတ်၊ ဧပြီ၊ မေလ” တို့တွင် ကျသင့်သော အတိုးများကိုသာ ကောက်ခံရန် စီစဉ်ထားပါသည်။

ထို့အတူ ၎င်း ဆိုင်းငံ့ကာလအတွင်း နောက်ကျရက်များကိုလည်း လူကြီးမင်းတို့၏ နောင်ချေးငွေအသစ်များ ရယူမှုအပေါ်တွင် ထည့်သွင်း စဉ်းစားမည်မဟုတ်ပါ။

သို့ဖြစ်ပါ၍ ယင်းလများတွင် ရပ်ဆိုင်းပေးခဲ့သော အရစ်ကျ ပြန်လည်ပေးဆပ်မှုများမှ သက်ဆိုင်ရာ ကျသင့်သည့် အတိုး တစ်ခုထဲကိုသာ ယခုလ (မေလ) တွင် ကောက်ခံသွားမည် ဖြစ်ပါသည်။

လစဉ်ချေးငွေအရစ်ကျ ပြန်လည်ပေးဆပ်မှုကို ၂၀၂၁ ခုနှစ် ဇွန် လ မှ စတင်၍ ပုံမှန်အတိုင်း ပြန်လည်ကောက်ခံသွားမည် ဖြစ်ပါသည်။

“SMART Credit နှင့် SMART Credit Business ချေးငွေများအတွက် လစဉ်အရစ်ကျ ပြန်လည်ပေးဆပ်မှု ဆိုင်းငံ့ အစီအစဉ်” တွင် အကျုံးဝင်သော သူများ
အောက်ဖော်ပြပါ အချက်အလက်များနှင့် ကိုက်ညီသူများ အားလုံး “SMART Credit နှင့် SMART Credit Business ချေးငွေများအတွက် လစဉ်အရစ်ကျ ပြန်လည်ပေးဆပ်မှု ဆိုင်းငံ့ အစီအစဉ်” တွင် အကျုံးဝင်ပါသည်။

• (၁) ၂၀၂၁ ဖေဖော်ဝါရီ (၁) ရက်နေ့တွင် လစဉ်ချေးငွေအရစ်ကျပြန်လည်ပေးဆပ်မှု နောက်ကျထားခြင်း မရှိသူများ
• (၂) ၂၀၂၁ ဖေဖော်ဝါရီ (၁) ရက်နေ့တွင် လစဉ်ချေးငွေအရစ်ကျပြန်လည်ပေးဆပ်ရန် ရက်ပေါင်း (၈၉) ရက်အထိ ပျက်ကွက်ထားသူများ

မှတ်ချက်။ ။ ၂၀၂၁ ဖေဖော်ဝါရီ (၁) ရက်နေ့တွင် လစဉ်ချေးငွေအရစ်ကျပြန်လည်ပေးဆပ်ရန် ရက်ပေါင်း (၈၉) ရက်ထက် ကျော်လွန် ပျက်ကွက်နေသူများသည် ယခု ဆိုင်းငံ့အစီအစဉ်တွင် အကျုံးမဝင်ပါ။

“SMART Credit နှင့် SMART Credit Business” ချေးငွေများအတွက် Customer များအနေဖြင့် လစဉ်အရစ်ကျ ပြန်လည်ပေးဆပ်မှု ဆိုင်းငံ့ အစီအစဉ်နှင့် ပတ်သက်၍ အောက်ပါ နည်းလမ်းများထဲမှ ရွေးချယ်ပြီး ချေးငွေပြန်လည် ပေးဆပ်နိုင်ပါသည်။

***ဖော်ပြပါ နည်းလမ်းများကို ရိုးမဘဏ်မှ ဆိုင်းငံ့အစီအစဉ်အတွက် အကြောင်းကြားသည့် SMS လက်ခံရရှိပြီး “၂၀၂၁ မေ လ ၂၇ ရက် နေ့” နောက်ဆုံးထားပြီး https://bit.ly/3wxYetR တွင် လျှောက်ထားနိုင်ပါသည်။

(၁) Early Repayment (သတ်မှတ်ရက် မတိုင်ခင် ချေးငွေအကျေပြန်ဆပ်ခြင်း)

လူကြီးမင်းအနေဖြင့် သတ်မှတ်ရက် မတိုင်ခင် ချေးငွေကို အကျေ ပြန်လည်ပေးဆပ်လိုပါက

• အဆင့် (၁) ဆိုင်းငံ့ကာလအတွင်း လစဉ်ပေးသွင်းရမည့်ပမာဏ ကို ပြန်လည်ကောက်ယူသွားပါမည်။
  ဥပမာ – လူကြီးမင်းသည် လစဉ် ၁ သိန်းကျပ် ပေးသွင်းရပြီး ၂၀၂၁ မတ်လ မှ ၂၀၂၁ မေလ အထိ ဆိုင်းငံ့ပေးခဲ့သည်ဆိုပါက ၎င်းလများအတွက် ကျသင့်ငွေ စုစုပေါင်း (၃) လစာ – ၃ သိန်းကျပ် ကို ထည့်သွင်းပေးထားရပါမည်။
• အဆင့်(၂) ထို့နောက် ကျန်ရှိသည့် ချေးငွေအရင်းပမာဏအား ပုံမှန် Early Repayment အစီအစဉ်အတိုင်း ဆောင်ရွက်ပါမည်။
  Early Repayment အတွက် အောက်ပါ Digital Credit Loan Team ဖုန်းနံပါတ်များသို့ (ရုံးချိန်အတွင်း) ဆက်သွယ်ဆောင်ရွက်နိုင်ပါသည်။
  • SMART Credit ချေးငွေအတွက် 09765602686, 09788748056, 09971540599
  • SMART Credit Business ချေးငွေအတွက် 09755659274, 09771849293, 09751333210

(၂) “SMART Credit နှင့် SMART Credit Business ချေးငွေများအတွက် လစဉ်အရစ်ကျပြန်လည်ပေးဆပ်မှု ဆိုင်းငံ့ အစီအစဉ်” တွင် လက်ခံပါဝင်ခြင်း

ချေးငွေ လစဉ်အရစ်ကျပြန်လည်ပေးဆပ်မှု ဆိုင်းငံ့ အစီအစဉ်တွင် ပါဝင်လိုသော သူများသည် ဆိုင်းငံ့ပေးခဲ့သော လ အရေအတွက် အလိုက် အတိုးကို မေလတွင် ပေးဆောင်ရပါမည်။ ယင်းအတိုး တွက်ချက်မှုသည် ဆိုင်းငံ့အစီအစဉ် မတိုင်ခင် ကျန်ရှိနေသော ချေးငွေ (အရင်း) ပေါ်တွင် အတိုးနှုန်း (နှစ်စဉ်-၁၄.၅ ရာခိုင်နှုန်း) ဖြင့် တွက်ချက်၍ကောက်ခံခြင်း ဖြစ်ပါသည်။

(၃) “SMART Credit နှင့် SMART Credit Business ချေးငွေများအတွက် လစဉ်အရစ်ကျ ပြန်လည်ပေးဆပ်မှု ဆိုင်းငံ့ အစီအစဉ်” ကို ရယူခြင်းမရှိပဲ ပုံမှန်အတိုင်း ပေးဆပ်လိုခြင်း

ယင်းအစီအစဉ်ကို ရယူလိုခြင်းမရှိပါက

• (၁) လစဉ် ပေးသွင်းရမည့် ငွေပမာဏ (monthly repayment amount) ကို ဆိုင်းငံ့ထားခဲ့သည့် လအရေအတွက် အလိုက် လူကြီးမင်း၏ SMART Account ထဲတွင် လုံလောက်စွာထည့်သွင်းပေးထားရန် လိုအပ်ပါသည်။
  ဥပမာ – လူကြီးမင်းသည် လစဉ် ၁ သိန်းကျပ် ပေးသွင်းရပြီး ၂၀၂၁ မတ်လ မှ ၂၀၂၁ မေလ အထိ ဆိုင်းငံ့ပေးခဲ့သည်ဆိုပါက ၎င်းလများအတွက် ကျသင့်ငွေ စုစုပေါင်း (၃) လစာ – ၃ သိန်းကျပ် ကို ထည့်သွင်းပေးထားရပါမည်။
• (၂) ယင်းအစီအစဉ်ကို https://bit.ly/3wxYetR တွင် လျှောက်ထားရယူနိုင်ပါသည်။ လျှောက်ထားရာတွင် လူကြီးမင်းတို့၏ အချက်အလက်များကို သေချာစွာ ဖြည့်သွင်းရန်လိုအပ်ပါသည်။